المساعد الشخصي الرقمي

مشاهدة النسخة كاملة : مشروع الدواجن أم الأرانب؟



عزاز
06-06-2007, 06:18 PM
احبائي اعضاء وزوار المنتدى المحترمين
بصراحة انا عندي رغبة لعمل مشروع دواجن في مصر ولكن بعد موضوع انفلونزا الطيور فكرت اعمل مشروع ارانب مع ان خبرتي في الدواجن تعتبر جيدة لأني بدأت بعمل مشروع في السعودية ونجح معايا بشكل ممتاز وغير متوقع مع ان الفكرة كانت في بدايتها مجرد هواية واتطورت لحد مابقي مشروع يعتبر خرافي مقارنة بالمشاريع الاخرى نسبة الربح فيه تعتبر خيالية قد تصل الى 1000% خلال سنتين ايوا الف مش 100 عشان كده فكرت اعمل المشروع في مصر لأن عدد السكان في مصر كبير مقارنة بالسعودية غير كده ان في مصر لحم الداجاج يعتبر درجة اولى للمستهلك لكن عندنا في السعودية الناس بتفضل لحم الضأن غير كده التكاليف ارخص بكتير لا اخفيكم انا عملت عدت مشاريع تجارية منها على سبيل المثال الملابس الجاهزة ومشروع ادوات كهربائية ومشروع مواد بناء وسباكة ومشروع ساعات والكترونيات حتى الأحذية والله اشتغلت فيها بعض المشاريع نجحت معايا بنسبة 70% وبعضها فشل تماما والسبب مش في المشاريع ولكن سوء الادارة كان سبب رئيسي في فشل المشاريع ونجاحها بما اني موظف كان يصعب علي ان ادير المشروع اكثر من 6 شهور لذلك اضطر إني اسلم المشروع لمن اثق فيه من الموظفين بعضهم يشتغل بامانة وبعضهم ذمته واسعة شوي مش حرامية اعوذ بالله عمري ماشكيت في حد منهم من الناحية المالية لكن يكونوا مبوزويطين وهمهم الوحيد قبض الراتب اخر الشهر وزي ماتجي تجي
طيب بعد الرغي ده حتقولولي حنستفيد منك ايه 000 مش انتوا الا حتستفيدوا انا الي عايز استفيد منكم ايه رايكم هل تشجعوني اني اعمل المشروع في مصر سواء دجاج او ارانب والا في مشاريع احسن منهم وياريت الاقي حد يعطيني الجدوى الاقتصادية للمشروعين على افتراض لو اننا بدأنا براس مال يتراوح من 50 الف جنيه الى 250 الف جنيه وياريت حد يفيدني هل استأجر مزرعة افضل والا اتملك مزرعة وكم اسعار المزارع بصراحة انا عارف ان الموضوع صعب ومتشعب لكن مافيش مانع نستفيد من اهل الخبرة والتجربة
ولو حد عنده مزرعة ياريت يقوللي كم مرتبات العاملين عنده سواء كان مدير المشروع او المحاسب او العمالة وكم حجم العمالة التي يتطلبها المشروع
اتمنالكم اوقات سعيدة ويشرفني مشاركتكم لي في الموضوع

amonaa
07-06-2007, 10:17 PM
بصراحة اخى عزاز يوجد كثير من الموضوعات فى المنتدى تفيد تلك النقاط .........واتمنى وجود من يساعدك يكون فى التخصص .....وعموما المشروع فى بدايه يواجه بعض الصعوبات ولكنه اولا واخيرا بمرور الوقت يحقق نجاح بالتعلم من الاخطاء السابقة ........تحياتى لك

http://www.shutterstone.co.uk/mammals/rabbit.jpg












http://mindbluff.com/shado5.gif

amrelsisy
05-07-2007, 02:48 PM
السلام عليكم ورحمة الله وبركاته
اخى عزاز وفقق الله الى الخير ومتعك بمزيد من الصبر ليس لدى كثير من المعلومات عن سوق العمل ولكن طرحت هذه الاسئلة على اكثر من صديق يعمل ممن لهم استثمار فى الزراعة ومنتظر ردودهم

عزاز
07-07-2007, 03:59 AM
نص مقتبص:
السلام عليكم ورحمة الله وبركاته
اخى عزاز وفقق الله الى الخير ومتعك بمزيد من الصبر ليس لدى كثير من المعلومات عن سوق العمل ولكن طرحت هذه الاسئلة على اكثر من صديق يعمل ممن لهم استثمار فى الزراعة ومنتظر ردودهم
شكرا جزيلا اخي amrelsisy وانا في انتظار ك
تقبل خالص تحياتي

عروس النيل
09-07-2007, 08:14 PM
اعتذر استاذ عزاز للتاخر بالرد ولكن والله بسبب العمل والتدريب ولكن فى خلال 10 ايام ستجد دراسات الجدوى عن انواع الطيور الداجنة باذن الله
واسفة مرة اخرى للتاخر بالرد ولكن عذرا لم انسى

عزاز
10-07-2007, 04:51 AM
نص مقتبص:
اعتذر استاذ عزاز للتاخر بالرد ولكن والله بسبب العمل والتدريب ولكن فى خلال 10 ايام ستجد دراسات الجدوى عن انواع الطيور الداجنة باذن الله
واسفة مرة اخرى للتاخر بالرد ولكن عذرا لم انسى
تعتذري عن ايه 000 الله يسامحك
هو انت عملتي حاجة تعتذري عشانها ياستي انتي جمايلك ماليه المنتدى دا المنتدى من غيرك انتي والست امونة مالوش طعم بصراحة انا ملاحظ انكم انتوا الاتنين دائما متواجدين وبتردوا على جميع الاستفسارات
ارجوكي خدي راحتك وعلى اقل من مهلك مانشغليش بالك انا مقدر ظروف عملك
انا مش عايزك تتعبي نفسك كل اللي عايزه بعض الاسعار بالنسبة للمستهلك وحجم الاستهلاك وهل من الممكن تسويق 5000 طير او ارنب خلال شهر سعر جملة طبعا وكم الفرق بين سعر الجملة وسعر المستهلك وعايز اعرف حجم العمالة والمرتبات واي من المدن تكون مناسبة لمثل هذه المشاريع القاهرة والا اسكندرية والا دمنهور انا عايز معلومات عامة والدراسة انا حاعملها من غير ماتعبك في بيانات وحسابات مش عاوز ادوش دماغك بيها كل اللي انا عايزه رؤوس اقلام
انا ماقلتش انتي ناسية الموضوع ابدا والله دي رسالتي الاخيرة كانت رد على بعض العناوين اللي ارسلتيها برسالة خاصة وكنت باشكرك فيها على تواصلك مع اعضاء المنتدى والله ماكانش قصدي احسسك بانك ناسية الموضوع
اكرر شكري واحترامي وتقبلي اطيب تحياتي

gamal amin amin
18-07-2007, 01:50 PM
اخى عزاز مشروع الدواجن فى مصر مربح جدا انا مستعد اشاركك بالارض اى مساحه انا عندى 30 فدان فى مرسى مطروح ولكن للامانه ليس عندى اى خبره
ولك كل شكرى

سيناوى
18-07-2007, 04:47 PM
الاخ الكريم عزار
الافضل مشروع الدواجن عن الارانب
وان كنت تريد مشروع آخر فهناك النحل وتربية الابقار أو الجاموس
والافضل أن تبتعد عن الارانب فمشاكلها كثيرة

عزاز
19-07-2007, 03:34 AM
نص مقتبص:
اخى عزاز مشروع الدواجن فى مصر مربح جدا انا مستعد اشاركك بالارض اى مساحه انا عندى 30 فدان فى مرسى مطروح ولكن للامانه ليس عندى اى خبره
ولك كل شكرى
اخي جمال شكرا لك على تواصلك يشرفني ان نتعاون وحبيت اسألك كم سعر الفدان في مرسي مطروح ارض زراعية ويكون الاسفلت قريب منها
وياريت تفيدني عن اسعار المزارع يعني مزرعة تكون 10 او عشرين فدان تكون مسورة ومبني فيها بيت او فيلا صغيرة
نورت الموضوع ومتشكر لمرورك

عزاز
19-07-2007, 03:39 AM
نص مقتبص:
الاخ الكريم عزار
الافضل مشروع الدواجن عن الارانب
وان كنت تريد مشروع آخر فهناك النحل وتربية الابقار أو الجاموس
والافضل أن تبتعد عن الارانب فمشاكلها كثيرة
الأخ العزيز سيناوي
متشكر اوي لمرورك على الموضوع وياريت اعرف منك عن المشاكل اللي بتواجه مشروع الارانب
اما بالنسبة للأبقار والجاموس بعد ماقريت عن تسمين العجول في مصر والجدوى الاقتصادية وجدت انها مش مستاهلة تعبها تسحب راس مال كبير ومردود يعتبر بسيط ولو كانت نظرتك غير كده ياريت توضحلي
اكرر شكري وتقبل خالص تحياتي
اخوك عزاز

سيناوى
20-07-2007, 03:53 PM
السلام عليكم
بالنسبة لمشروع الارانب
لقد جربتها على نطاق صغير وكانت جيدة ولا دواء ولا اعلاف مشتراه (كنت أركب العلف ) ولا مشاكل تمام حتى الان ,,,, تمام
توسعت بها على نطاق أوسع (35 أم , 5 ذكور )
مع توفر رعاية بيطرى متخصص ومربى لها .
نظافة مستمرة ونظام تهوية جيد .
تم توفير كل ما يلزم للتربية ومع ذلك :
فى الشتاء كانت جيدة وهى مع الكل كذلك .
أما الانتكاسة فتبدأ من شهر أبريل مع توفير كافة التحصينات والرعاية وليس معى فقط ولكن مع الكثير من المربيين.
يعنى عاوز تربى أرانب تشتغل فى الشتاء وتبطل فى الصيف !!!!!!!!!!
بالنسبة لتربية النحل لم تعلق عليها .

سيناوى
20-07-2007, 04:01 PM
بالنسبة لتربية الابقار وبالتحديد الفريزيان ومتوفرة فى مصر من جهات رسمية و مزارع معتمدة .
تربى هذة السلالة لانتاج الالبان ويمكنك أن تأخذ أرض صحراوية مستصلحة بحيث تربى بها وتستغل مساحتها فى زراعة بعض الاعلاف اللازمة لتغذية الابقار .
وتتعامل فى تسويق الالبان مع مصانع موجودة فى مصر .
والله الموفق

سيناوى
20-07-2007, 04:11 PM
بالنسبة للتسمين
هناك مشروع البتلو فترته قصيرة ومردوده جيد
أهم شىء أنك ما دمت تنوى على انتاج تجارى تقلل المصاريف يعنى اشترى أرض وازرعها المواد اللازمة للعلف ليست كلها بالطبع يعنى قدر المستطاع مثل البرسيم الحجازى , الذرة , بحيث تقلل المصاريف قدر الامكان فتعود بمردود جيد .
أما دراسات الجدوى التى اطلعت عليها تشمل سعر العلف فى السوق وليس تكلفة انتاجه .

عزاز
27-07-2007, 01:18 AM
نص مقتبص:
السلام عليكم
بالنسبة لمشروع الارانب
لقد جربتها على نطاق صغير وكانت جيدة ولا دواء ولا اعلاف مشتراه (كنت أركب العلف ) ولا مشاكل تمام حتى الان ,,,, تمام
توسعت بها على نطاق أوسع (35 أم , 5 ذكور )
مع توفر رعاية بيطرى متخصص ومربى لها .
نظافة مستمرة ونظام تهوية جيد .
تم توفير كل ما يلزم للتربية ومع ذلك :
فى الشتاء كانت جيدة وهى مع الكل كذلك .
أما الانتكاسة فتبدأ من شهر أبريل مع توفير كافة التحصينات والرعاية وليس معى فقط ولكن مع الكثير من المربيين.
يعنى عاوز تربى أرانب تشتغل فى الشتاء وتبطل فى الصيف !!!!!!!!!!
بالنسبة لتربية النحل لم تعلق عليها .


الاخ العزيز سيناوي انا باشكرك على اهتمامك وتعقيبك على الموضوع
انا كنت عايز اسألك كم سعر الارانب في السوق يعني سعر المستهلك وكم سعرها بالجملة واكرر شكري لتفاعلك بالموضوع وتقبل اطيب تحياتي

سيناوى
13-08-2007, 01:42 PM
السلام عليكم
بالنسبة لسعر الجملة 12 تسليم التاجر
والمستهلك تندرج من 13 مع الاختلاف
وهذا بناء على سؤالى لاحد المربين
وآسف لتأخرى فى الرد

سيناوى
13-08-2007, 01:49 PM
السام عليكم
أخى عزار عندنا مثل فى مصر يقول اللى نعرفه احسن من اللى ما نعرفوش
لذلك ما دامت لديك الخبرة فى الدواجن وتريد عملها بمصر اقول لك على مكان لم تظهر به انفلونزا الطيور سيناء
نعم حسب المراكز البحثية والمنظمات هذة المنطقة لم يرصد بها
ومع ذلك يتوفر بها مناخ جيد للتربية و الانتاج
هذة نصيحة لانى من عشاق سيناء مع العلم اننى لست مقيم بها

سيناوى
13-08-2007, 01:51 PM
الاخ عزار
هل هناك امكانية لمصرى ان يقيم مزرعة انتاج حيوانى فى السعودية
واذا كان بالمكان فما هى الشروط و الاحتياجات لاقامة المشروع

elamin
18-08-2007, 04:45 PM
اسلوب جيد و استفادة عظمى

بس لو ينفع نجمع كل الكلام ده و نصفيه و نضعه بشكل جيد ليكون موضوع جيد

tarek20082010
23-08-2007, 03:45 PM
بسم الله الرحمن الرحيم
السلام عليكم ورحمة الله وبركاته
تعتبر مشروع تربية الارانب من المشروعات التى زاد أهميتها فى الاونه الاخيرة بإعتبارها مشروع يتيح لكل من المستثمر الصغير والامكانيات المحدوده عمله عن باقى المشروعات الداجنه الاخرى التى تحتاج الى راس مال كبير وذلك من خلال إرتفاع أسعار الاعلاف والادويه البيطريه والتحصينات وتحديد السعر بالبورصه ونسبة المخاطره العاليه وأخيرا إنفلوانزا الطيور بينما مشروع تربية الارانب لايتاثر بهذه العوامل عن غيره من المشروعات الداجنه وبالنسبه للقيمه الغذائيه يعتبر لحم الارانب من اللحوم الغنيه بالبروتين وإنخفاض نسبة الكلورستيرول والذى ينصح بها الاطباء للمرضى والاصحاء أيضا

دراسة جدوى لمشروع تربية سلالات الارانب
عدد100 أم+20 ذكر
التكاليف الاستثماريه الثابته
عدد بطاريات 20بطاريه 14 عين هرمى *650جنيه=13000 جنيه
عدد سلالات الامهات =100*65= 6500جنيه
سلالات الذكور=20*75=1500 جنيه
إجمالى راس المال الثابت=13000+6500+1500=21000جنيه
التكاليف الاستثماريه المتغيره
الاعلاف:-
كمية الاعلاف للامهات=100أم*5كجم*1.85قرش*12شهر=11 100جنيه سنويا
كمية الاعلاف للذكور=20*4.5كجم*1.85*12شهر=1998جني ه سنويا
كمية الاعلاف للخلفه=100*7*6*2.250كجم*1.85=17482. 5جنيه
ملحوظه:- كمية العلف للامهات الفارغه150جم /يوميا
كميةالعلف للامهات الحوامل200جم/يوميا
كمية العلف للامهات المرضعه 250/300جم يوميا وحسب الحاجه
كمية العلف للذكور 150جم/يوميا
كمية العلف للخلفه الواحده2.250كجم/الدوره
إيجار العنبر:-=100أم*3جنيه*12 شهر=3600جنيه سنويا
الاشراف والرعايه البيطريه:-=100 أم*10جنيه*12=12000جنيه سنوي
الادويه البيطريه:-=100أم*2*12=2400جنيه سنويا
الاهلاكات:-13000/3 =4333.3جنيه سنويا
الايرادات=عددالامهات* عدد الخلفه*عددالبطون *وزن الخلفه*سعر السوق وقت البيع
=100*6*6*1.5*12.5 =67500جنيه سنويا
الربح =الايرادات-التكاليف المتغيره+الاهلاكات67500-52813.8=14686.2 سنويا14686.2/12 =1223.85 شهريا
بسم الله الرحمن الرحيم
(وقل اعملوا فسيرى الله عملكم ورسوله والمومنين)
صدق الله العظيم
وما توفيقى الإ بالله

العصفور الحزين
04-09-2007, 07:05 PM
السلام عليكم
اخى العزيز مشروع الدواجن فى مصر مربح بالنسبه للاسعار
سعر الكتكوت 275قرشاو اقل وهذا اعلى سعر
سعر العلف البادئ 2100جنيه
سعر عنبر 2000 طائر هو 2000 جنيه فى السنه اسعار بنى سويف

على209
16-09-2007, 12:05 PM
ارجو مساعدتى فى دراسة جدوى استصلاح 25 فدان وشكرا