فضائح صناعة الحلاوة الطحينية فى مصر

[محمد الهوارى]

زى مانشرنا سابقا صناعة القشدة الصناعى والجبن الغسالة علشان الزملاء يعرفوا الغذاء الغير أمن لازم نعرف برضه انى كنت جالس مع احد صناع الحلاوة الطحينية|(مصنع كبير) وقال خلى بالكوا اليومين دول الحلاوة بقت تتصنع من شورتنج ومسحوق لوبيا ومسحوق فول صويا وفول سودانى وتيتانيوم داى اوكسيد يارب احمى اولادنا من بطش مصنعى الأغذية فى مصر

[جمال عبد العظيم]

جميع المكونات التي تحدثت عنها لاتوجد اي مشكلة منها مسحوق اللوبيا مسحوق فول الصويا واي شئ اخر مش مشكلة المشكلة الكبري المواد الكيماوية المضافة التي تسبب الامراض ولاسيما الامراض الخطيرة مثل السرطان
ويعتبر ثاني اكسيد التيتانيوم من المواد الكيماوية الخطيرة التي اذا زادت عن الحد المسموح باضافتها تسبب امراض خطيرة
وكذلك التاثير التراكمي لها
وللتوضيح يتم اضافة تلك المادة لانها مادة مبيضة للحلاوة وتعطي اللون الفاتح لها لذلك تعتبر الحلاوة الغامقة جيدة من الناحية الصحة

[جمال عبد العظيم]

اصدر قرار رقم 114 لسنة 1991م بعدم سماح استخدام المواد الملونة بما فيها ثاني اكسيد التيتانيوم E171) titanium dioxide )
ومنعت السعودية هذة المادة بتاريخ 13- 6 1426 ه وتم اتلاف 11 الف كجم من الحلاوة الطحينية

[friend]

يا اخي محمد
المشكلة موجودة في كل الوطن العربي و ليست فقط في مصر

[م- عمرو نجيب]

والله يا بشمهندس كلامك صحيح وانا لسة كنت بتكلم فية اليوم مع أحد الاصدقاء
القصة أن المستهلك بيدفع فلوس وعاوز منتج يساوي ما يدفع ونظيف أو علي الاقل لايسبب له مرض
لكن الواقع سيئ جدا بسبب الجشع ودخول منتجين جهلة في السوق
من يومين كنت بحلل توتل كوليفورم تخيل 15 أنبوبة اعطت نتيجة
2-4- 5
يعني 10×22
دة بسبب انة لابيبستر وبيعتمد علي
الميكرو فلورا الي اغلبها كولي فورم
طبعا لايخفي عليك مشاكل الكولسترديا في الجبن الجودا ومصير الجبن المنفخ
وحجات كتير جدا ....... وحسبي الله ونعم الوكيل

[محمد الهوارى]

يعنى هو صح ان الحلاوة اللى هى سمسم وسكروز وثمن الكيلو يعدى15 جنيه تكون فول صويا ولوبيا وشورتنج ليه هو احنا طيور ولا ايه

[المهندس الجميلي]

اخي العزيز اعتقد ان الحلاوة الطحينية يكون انتاجها بظروف غير صحية وكما قال اخي جمال فلا ازيد على ذلك سوى انها مادة ياكلها الفقراء ولا يدرون المخاطر الجمة التي تاتي منها

[Ayman Rashad]

طيب ماتقولنا على اسم الحلاوة المعيبة دى حتى نتجنب شرائها و اى منتج تعبان يسبب المرض للناس لازم نفضحه و العيار اللى لايصيب يدوش حتى ربنا يجعل لينا مخرج من القرية التى ظلم اهلها انفسهم و حسبى اللهة و نعم الوكيل

[ابو راغد]

واللة حرام ايلى بيتعمل فينا دة احنا محصلناش الحيوانات ايلى فى الدول الاخرى بيخافو عليها اكتر منا هنا حسبنا اللة ونعمة الوكيل فى كل غشاش وظالم

[محمد الهوارى]

طبعا مستحيل ان الواحد يفشى سر لأنها حتبقى مش امانة منى ولكن انا حاليا استعمل حلاوة حلوانى لأنه من المصانع الى تثق فيها
ايه رأيكم نحاول جاهدين لنشر صناعة الزبادى والجبن الأبيض والقشدة فى المنزل بطريقة سهلة واخوانا فى الصناعات الغذائية يساعدونا فى صناعة المربة والحلاوة والمخلل فى المنزل بطريقة سهلة
على فكرة عندى فى البيت بتعمل مربات اتحدى بيها شركة هيرو العالمية وفيتراك
لو كنا احنا ضيعنا فعلى الأقل ننقذ اولادنا او احفادنا

[م- عمرو نجيب]

طبعا شغل البيت يكون احسن وخاصة لو جربت بعض الأعشاب في المربات زي الحبهان و الأورجانو والقرفة والقرنفل والمشمش في الطريق طبعا اسلم بكتير حتي العصاير والكاتشب كلها افكار بسيطة بس امنة وياريت نعمل موضوع للحاجات دي بس علي فكرة لو الواحد عندة كتشن بروسس محترم مع ديب فريزر يبقي حرام مايستغلهاش كويس

[مصطفى]

منه لله اللى فى زمانه ضاعت أخلاق المصرين و إنعدم ضميره حسبى الله و نعم الوكيل

[جمال عبد العظيم]

ياعم مصطفي الطيب احسن ومش عاوزين مشاكل
وزي ما قال المهندس عمرو احسن حاجة الواحد يعمل كل حاجة منزلية يعني كان زمان ايام ولدتي نعمل كل شئ في المنزل الخبز في المنزل البسكويت في المنزل
اللحمة نشتريها بعد ذبحها علي طول من جزار معرفة يذبح ويوزع علي زبائنة والكفتة نعملها في البيت بس دلوقتي طبعا المراءة تعمل واسهل شئ عندها شراء الاكل الجاهز ومش مشكلة اضافات ولاامراض وهي عيشة والسلام وبعدين لولا المصانع الغذائية مكناش اشتغلنا وربينا اولادنا خلينا نعيش يعم مصطفي وكل حاجة اصبحت ملوثة حتي الهواء الذي نتنفسة وربنا يستر علي اولادنا



دعاءك ياعم مصطفي ربنا استجاب له والحمد لله انزاح اللي لوث البلد وربنا يسهل وتنظف البلد من البواقي

[مصطفى]

الأخ جمال يا ريت أيام زمان ترجع قول للزمان إرجع يا زمان أنا مش قصدى مشاكل و لا شىء فعلا كل الناس أنعدم ضميرهم إلا من رحم الله يا راجل فى السوق ست محترم بتشترى سمك و لم يعجبها السمك و مشيت فلحقها البائع بوابل من الشتائم و السب هل هذا يعقل أصبح الشعب عرضه للمهانه من اللى يسوى و اللى ما يسوى أن معيار التقدم للأمم هو معيار الأخلاق و لكن للأسف أصبحت أزمة مصر ليست أزمة أقتصادية و أنما أزمة أخلاق تونى بلير كان أول بند فى برنامجه الإنتخابى العودة إلى الأخلاق و هذه هى الفطرة فقال رسول الله صلى الله عليه و سلم ( إنما بعثت لأتتمم مكارم الأخلاق )

[م- عمرو نجيب]

شوف ياأخي المستهلك هو القوة الشرائية يعنى انت لو البضاعة مش عاجباك متشتريهاش
لازم المستهلك تكون عندة ثقافة ماذا يشتري ومع مستهلك جاهل وهيئات رقابية مريضة
يحدث الغش لذالك لازم المستهلك يقرأ ويشم ويتذوق وهو دة مايطلق علية الاستهلاك الايجابي

[osmasn2]

الاخوة الاعزاء زملائى فى المنتدى
اولا اقدم تحياتى الخالصة للبروفيسير محمد الهوارى
ثانبا وبعد إذن المهندس عونى أريد أن أتقدم بإقتراح من الممكن أن يصبح حقبقة تأخذ فى التوسع مع الايام لتصبح مرجع لجموع من المواطنيين المصريين و العرب على حدا سواء
نقوم بعمل منتدى فرعى على غرار جمعية حماية المستهلك لنناقش بموضوعية الاسباب الفعلية لغش تلك المصانع وما هو المتاح لدى خبراء المنتدى من حلول بديلة تساعد تلك الشركات و المصانع على توفيق أوضاعها من الناحية الفنية الداخلة فى تلك الصناعة مع الاخذ فى الإعتبار أن هناللك الآلاف من مواطنينا يعملون فى تلك المصانع و هذا مصدر قوتهم و أولادهم
مع توعية المستهلك الى تلك المنتجات و طريقة التفرقة بين تلك و ذاك
و يا حبذا لو إستطعنا أن ننول دعم من جمعية حماية المستهلك لذلك الإقتراح
مع الأخذ فى الإعتبار أن يكون شاغلنا الشاغل هو تحسين جودة تلك المنتجات وليس الفضيحة من المقام الأول
أخيرا و حتى لا أطيل عليكم لدينا من الخبرات ما تنول به الجبال

[هشام السبكى]

اخوانى ومهندسينى الافاضل
انا فنى حلويات وهل يعقل تصنيع الحلوى الطحنية
بهذة الطريقة فا المعروف فى صناعة الحلوى
1-عسل الجلكوز
2-السكر
3-الماء
مواد اساسية والا لاتكون حلوى
وكل شركات الاغذية لاتراعى الله فى التصنيع
واستخدام مواد محرمة دوليا ومضرة جدا لرخص الثمن
والكل يعلم ذالك ولا نملك الا ان نقول ان الى وان الية راجعون

[tonasomy]

السلام عليكم
والله يا جماعه انا عندي مصنع صغير بتاع حلاوه طحنيه ولكن للعلم المصانع الكبيره لاتستخدم التيتانيوم وهموماً كا اما نستعمل سمسم سوداني ابيض او بلدي او اثيوبي وهو اكثرهم من حيث الجوده بيكون اللون فاتح واما اسمسم السوداني الاحمر بيكون اللون غامق نسبساً وبرده اللون الفاتح بيرجع الي التصنيع حيث كلما يكون لون الخام فاتح بيجعل الحلاوه فاتحه اللون .
المشكله الثانيه هي استخدام بعض المصانع الفول السوداني مع السمسم وهنا المحك لازم يستخدم حاجه تفتح اللون وممكن ميكونش التيتانيوم ممكن يكون الكامينا مش التيتانيوم وبرده عايز ااقول
المشكله الثالثه ان المستهلك المصري بيدور علي الارخص ودي مشكله خطيره حيث ان التصنيع اليوم تحدي كبير جداً في ظل ارتفاع اسعار الخامات
وشكراً
للاستفسار عن اي شيئ متعلق بالحلاوه
م / حسين صلاح حسن
مصنع واحه الشام للحلاوه والطحينه
0188805657

[k.elsherbiny]

جزاك الله خيرا يابشمهندس علي هذا المجهود العظيم

[mahmoud saad]

شكرا جزيلا علي الموضوع الاكثر من رائع والافادة

[محمد سكر]

السلام عليكم هل هناك من طريقة حتى نعلم بها الحلاوة الجيده من التى بها مواد ضاره فانا استهلك منها كميات كبيرة واخشى ان تكون لها اثار ضاره