زراعه بس على صغيره .....

[مع الله دوما]

السلام عليكم ورحمة الله وبركاته
انا عضوة جديده ومحتاجه مساعده رجااااااااااااااء

انا عاوزة ازرع نبات ظل ونبات متعرض للشمس ونبات في المطبخ زى الى انا شوفته على المنتدى بيكون في شباك زجاجى ومممكن استفيد منه في الطبيخ

ومعنديش خلفيه
ومحتاجه بجد المساعده
بس يكون الزرع في مساحات صغيره زى الاصيص
وتكون متناسقه وشكلها جميل

وسمعت عن زرع بيكون لونه احمر وبيكون له ريحه جميله بتظهر بس بليل ياترى دا اسمه ايه ؟

كنت عاوزة اعرف خطوات العمل :

يعنى اول حاجه اعمل ايه وتانى يوم وثالث يوم وازاى اهتم بالزراعه والعمل وهشتري ايه ؟

كل هذا بالنسبه للزراعه في الظل _ وزراعه متعرضه للشمس
وزراعه في شباك زجاجى _ والى بتكون في المطبخ

ورجاء الرد عبر هذا الميل


وجزاكم الله الجنه
OMAR_OMAN2007[at]YAHOO.COM

[محمود حمدى شريف]

بسم الله الرحمن الرحيم
اولا بالنسبه الى نباتات الظل الزينه الى انتى عاوزه تزريعها فى المطبخ عندك انواع عديده مثل
السنجونيوم نبات القشطه الهندى الاسبرجس الهيدا وهو من المتسلقات وايضا البوتس وانواع الكوليوس المختلفه والفلانجم (الكلوروفيتم ) ويوجد ايضا انواع الدراسينا من الدرسينا ذره والدراسينا كومبكتا والدراسينا ذو الحافه البيضاء والحمراء والدراسينا الى لونها اخضر ومعاكى ايضا اليوكا بس الحواف مسننه وفيه التويا (المكويه) ويوجد السرو الليمونى وفي بقا نباتات زو رائحه جذابه مثل ممكن تزرعى ارولا وجارونيا تربيه خاصه والداليا ومعاكى عرف الديك الامرنتس وكسبره البئر ويوج الالنترا جامبو الجازانيا والشوفليرا بانواعها العديده والزناناريا
وعلى العموم نباتات الظل كتيره اوى

وانا ملاحظ انك عاوزه تزرعى نباتات تستفيدى منها فى المطبخ ممكن تزرعى الشبت والبقدونس والجرجير الكسبره وخلافه

وانا برده سمعت عن النبات ده واظن انه ملكه اليلل او مسك الليل مش هتفرق الاعضاء الكرام ممكن يقولوا ايه هوا

انتى اول حاجه تعميليها تجيبى الاصص الى انتى ناويه تزرعى فيه ماشى

وبعد كده نحضر التربه وممكن تعقميها باى طريق الطرق كتير ونضيف لها مضادات البكتريه والعفن وخلافه وممكن منضفش هيا مش مهمه اوى بس انا بفضلها علشان كده متقرفنيش الزراعه ممكن تتصاب بالامراض ماشى
بعد كده تشترى النباتات من المشتل وهتيجى فى اكياس صغيره لونها اسود ممكن تقطعيها من الجنب او من القاعده بس بحرس شديد علشان متقطعيش الجزور ماشى
وبعد كده تزرعيها فى الاصص ثم تروى مرتين كل اسبوع فى الشتاء وكل يومين فى الصيف


واتكرم من الساده الاعضاء الكرام بارد على الموضوع وان كان فيه حاجه غلط ممكن يردوا ويقولوا تمام

مع خالص تحياتى محمود حمدى شريف

[مع الله دوما]

جزاك الله الجنه

طيب بالنسبه للتربه اشتريه تربه عاديه ولا نوع معين وموضوع التعقيم دا ازاى

وبالنسبه لاسم الورد ماشي بسال على الاسم دا واشوف هوا ولا ايه

طيب وبالنسبه للمعلق
اممممممم

بس انا اهم حاجه عندى في الزرع ريحته وشكله

بحب الورد الاحمر جدا والبنفسج

وبحب الابيض مع الاخضر

الوانات تكون جميله بدرجاتها وتريح النفس

ولو هعمل اكتر من نوع في اصيص واحد يبقا ازاى

بجد الف شكر

وجزاكم الجنه

وفي انتظار المزيد من الاجابه

[محمود حمدى شريف]

انا افضل التربه الخاص لانها نظيفه وجيده ولا تحتوى على البذور والحشائش الغريبه مثل تربه البتموس والبرليت ويوجد انواع عديده بس انا بفضل النوعين دول
ثانيا بالنسبه لاسماء الورود فيوجد العديد من الانواع مثل ورد هاجين الشاى hybrid tea وورد المجاميع وهى عباره عن مجموعه من الاصناف التى تمتاز بصغر حجمها وارتفاعها يكون من 60سم والازهار صغيره وهى زات الوان متعدده وهى تصلح للقطف والازهار صفراء وبيضاء وقرموزيه الشكل وهو يتكاثر بالعقله
وعندك ورد الفلوربيندا وهى نباتات ورد كبيره فى مجموعات وهى تشبه ورد البوليانثا الا انه مفردوهى تصلح للقطف والتكاثر بالعقله والتطعيم

وعندك الورد البلدى (الاجهورى ) وهو من اشهر النباتات المزروعه وهو يتكاثر بالخلفه فى الربع والخريف ويزهر فى ابريل ومايو

وعندك الورد القزمى
وورد النسر وورد وشورنا والورد المتسلق وورد الشبيط واكون انا كد جمعت ليكى معظم انواع الورد تماما

عندك لو انتى مهتمه بالريحه فيه الرحان حلو اوى وفيه ايضا العتر البلدى والانجليزى جامدين ويوجد ايضا نبات مسك الليل والفل والياسمين فيه انواع كتير اما بالنسبه الى الاشكال فيوجد نباتات شكلها روعه بس ممكن ريحتها متبقاش قد كده زى الاكاليفا الاسبرجس الكاروتن الدفنباخيا والاجمل مجموعه الكوليوس بالوانها الرائعه

انتى ممكن تحددى الالوان على زوق بس انا كنت قرات موضوع فى المنتدى عن توافق الالوان بس للاسف مش فاكر الرابط ممكن الاخت ندوه مشرفه القسم تعطيكى الرابط

وانا كده ممكن اكون جبتلك معظم المعلومات الى انتى عوزاها بس اكيد الاعضاء الكرام هيكون عندهم المزيد انشاء الله