سأبدء تربية العجول فى منتصف مايو 2010، أرجو المساعدة و النصح و الرد على الإستفسارات

[على ماجد]

إخوانى الكرام

بدءت من الآن زراعة البرسيم الحجازى حتى يسد جزء من حاجة العلف ليوفر فى النفقات و حيث أن الحشة الأولى ستكون فى منتصف مايو إن شاء الله. فإنى اقوم الآن بتجهيز عنبر الإيواء.
المكان: الفيوم

الأسئلة التى أريد مساعدتكم فيها هى:
هل اربى بلدى ام فريزيان
ما هى الأسعار الحالية مقارنة بالوزن و العمر

هل تنصحون بعدم التسمين و الإتجاه لتربية الإناث

[IBRAHIM.KORTOBI]

ربنا يوفقق وتحقق ارباح جيده وتصبح السنه القادمه تاجر كبير واشتري منك واعمل مشروع التسمين مشروع ان شاء الله جيد وكله خير وانا هستنا منك عرض تفاصيل التجربه التي اتمني لك ان توفق بس هي الاسعار دلوقتي هاتكون مرتفعة بس اكيد في المقابل بعد التسمين هاتكون برضة مرتفعه وبالتوفيق ان شاء الله

[محمد ابو اسامه]

إخوانى الكرام

بدءت من الآن زراعة البرسيم الحجازى حتى يسد جزء من حاجة العلف ليوفر فى النفقات و حيث أن الحشة الأولى ستكون فى منتصف مايو إن شاء الله. فإنى اقوم الآن بتجهيز عنبر الإيواء.
المكان: الفيوم

الأسئلة التى أريد مساعدتكم فيها هى:
هل اربى بلدى ام فريزيان
ما هى الأسعار الحالية مقارنة بالوزن و العمر

هل تنصحون بعدم التسمين و الإتجاه لتربية الإناث


السلام عليكم ورحمة الله

الاخ الكريم انت منين من الفيوم انا من الفيوم وعاوز اعمل نفس المشروع ارجو المراسله

وشكرا

[rshidat]

اخي العزيز
من تجربة لاتقم بعمل لست تعرف عنه , واذا اردت اعمل به كهواية لان ما تجده على الواقع غير ما تحسبه بالدراسة

[وائل عزازي]

يفضل الشراء في نهاية شهر مايو حيث يزيد العرض ويقل الطلب فتنخفض الاسعار

يفضل تسمين العجول الجاموسي لتأقلمها الشديد مع كل الظروف بالاضافه لقلة امراضها ولاتحتاج لرعايه خاصه علي عكس البقري وبالذات الفريزيان ونموها جيد متقارب مع البقري علي عكس اعتقاد الكثيرون

في حالة توفر الاعلاف الخضراء بكميه كافيه يفضل شراء عجلات جاموسي علي وش عشر وتعشيرها وبيعها في بداية موسم الربيع باسعار مرتفعه جدا او شراء جاموس عشار بكر لاول مره وتوليها وبيعها في بداية موسم البرسيم حيث تزيد الاسعار بالاضافه الي الزياده الكبيره في جسمها

بالنسبه لاسعار العجول البقري كجم قائم 20-21 ج م والعجول الجاموسي 19-20 ج م ولمتابعة تغير اسعار المواشي ومواد العلف يمكن زيارة موقع الرابطه المصريه لمنتجي الجاموس


http://www.ebpa.com.eg/arabic03-2007/history3.htm

[عبد الله شعبان]

نصيحه لوجه الله ابعد عن تسمين العجول وتربيه الايناث لانها مشاريع فاشله فى مصر وده بسبب عدم وجود مراعى طبعيه فى البلاد وكمان مفيش حيوان متخصص فى انتاج اللحمه وانتاج اللبن

[محمد ابو اسامه]

نصيحه لوجه الله ابعد عن تسمين العجول وتربيه الايناث لانها مشاريع فاشله فى مصر وده بسبب عدم وجود مراعى طبعيه فى البلاد وكمان مفيش حيوان متخصص فى انتاج اللحمه وانتاج اللبن

الاخ العزيز جزاك الله كل خير على النصحيه ولكن عدم وجود المراعى ده بصفه عامه ولا فى مناطق معينه لانى بسمع ان فى طريق الاسكندريه مزارع كثيره

[عبد الله شعبان]

اخى الفاضل انا عمل مشروع التسمين منذ فتره بل عملت جميع مشاريع الانتاج الحيوانى والانتاج الحيوانى بصفه عامه مرهق جدا والعايد المادى ضعيف جدا ده لو حصل من اصله وبقى فيه عايد مادى وده يرجع كما قلت لحضرتك لسببين الاول ان مفيش مراعى طبيعيه بمصر يعنى مفيش غابات مثل السودان او جنوب افريقيا لان الرعى سيوفر عليكى ثلاث اربع التكلفه ثانيا معدل تحويل العجل البلدى ضعيف جدا جدا بمعنى ان المفترض ان العجل فى مرحلة نموه الطبيعى ياكل 7 كيلو علف المفروض يديك 700 جرم لحمه ولاكن ده عير متوفر فى العجل البلدى ده عن تجربه ثانيا التسويق التجار هنا فى مصر معدومين الضمير وخاصه تجار الماشيه يبيعو لك باسعار مرتفعه ويشترو منك باسعار متدنيه باختصار شديد اخى الكريم وده والله ثم والله نصيحه لوجه الله لانريد منكم جزاء ولا شكورا والدين النصيحه فانصحك ابتعد عن الاستثمار فى الانتاج الحيوانى اما لو عندك مساحة ارض مثل 100 فدان ممكن تزرعها حشايش وبرسيم وتربى عليها الماشيه اما لو معندكش ارض زراعيه فبتعد ثم ابتعد عن هذا المشروع وربنا يوفقك ولاكن هناك مشاريع كثيره ناجحه ممكن لو حبيت تعرفها ممكن ادلك عليها وانا مجربها وعلى العموم ربنا يوفقك لما فيه رضاه

[محمد ابو اسامه]

اخى الفاضل انا عمل مشروع التسمين منذ فتره بل عملت جميع مشاريع الانتاج الحيوانى والانتاج الحيوانى بصفه عامه مرهق جدا والعايد المادى ضعيف جدا ده لو حصل من اصله وبقى فيه عايد مادى وده يرجع كما قلت لحضرتك لسببين الاول ان مفيش مراعى طبيعيه بمصر يعنى مفيش غابات مثل السودان او جنوب افريقيا لان الرعى سيوفر عليكى ثلاث اربع التكلفه ثانيا معدل تحويل العجل البلدى ضعيف جدا جدا بمعنى ان المفترض ان العجل فى مرحلة نموه الطبيعى ياكل 7 كيلو علف المفروض يديك 700 جرم لحمه ولاكن ده عير متوفر فى العجل البلدى ده عن تجربه ثانيا التسويق التجار هنا فى مصر معدومين الضمير وخاصه تجار الماشيه يبيعو لك باسعار مرتفعه ويشترو منك باسعار متدنيه باختصار شديد اخى الكريم وده والله ثم والله نصيحه لوجه الله لانريد منكم جزاء ولا شكورا والدين النصيحه فانصحك ابتعد عن الاستثمار فى الانتاج الحيوانى اما لو عندك مساحة ارض مثل 100 فدان ممكن تزرعها حشايش وبرسيم وتربى عليها الماشيه اما لو معندكش ارض زراعيه فبتعد ثم ابتعد عن هذا المشروع وربنا يوفقك ولاكن هناك مشاريع كثيره ناجحه ممكن لو حبيت تعرفها ممكن ادلك عليها وانا مجربها وعلى العموم ربنا يوفقك لما فيه رضاه

الاخ الفضل

اولا اشكرك كثيرا على ماقدمته من نصيحه وخصوصا انك دخل التجربه بنفسك
ثانيا لوتقدر تدلنا على مشاريع ناجحه نكون شاكربن لانى محتاج ذلك

وشكرا لك

[IBRAHIM.KORTOBI]

اخواني الاعزاء نحن في حاجة الي التشجيع وسرد تجارب ناجحه مش معقول ان كل التجارب فاشله مع العلم انه من المعروف للجميع ان تجار المواشي يعتبرو من الاغنياء في مصر وياريت لو فيه تجربه فاشله يشرح لنا التجربه وان كان هو مش عارف سبب فشل تجربته اكيد القارء هايكتشف انه في سبب ما ادي الي فشل المشروع لكن انا عاتب علي مشرفين القسم ودكاترتنا المختصين في هذا المجال لانهم مش بيعملو مداخلات لتوضيح اسباب فشل اي مشروع عشان اي واحد عايز يبدأ يتجنب الاسباب التي ذكرت كاسباب للفشل ياريت من اخونا المختصين ان يعملوا معنا مداخله وياريت من اخونا المجربين يذكرولنا سبب الفشل وتحياتي ودعواتي للجميع واناهابدأ اخر السنه ان شاء الله مشروع تربية ماعز اتعلم فيه وكل شئ بالعلم والتوفيق من ربنا سبحانه وتعالي لبد ان ينجح ان شاء الله

[عبد الله شعبان]

السلام عليكم ورحمة الله وبركاته اخى الكريم يوجد فى مصر مشاريع كثيره مربحه فضل الله وعلى العموم ده اميلى يا ريت لو حضرتك تضفنى وان شاء الله سنتحدث على المشاريع الناجحه والتى جربتها انا شخصيا وما زالت شغاله وهى تدر ربح جيد والحمد الله bdlmohamd[at]yahoo.com اخوكم منهدس زراعى عبد الله شعبان

[temoo]

تسمين العجول البقري من انجح المشاريع الحالية حيث ان عائد الربح يصل الي 60% سنويا وانصحك اخي العزيز بالشراء الان وشراء الانواع الخليط
والله الموفق

[على ماجد]

شكرا لكل من ساهم بالرأى

و أكون شاكر جدا لكل من يحدد اسباب الفشل حتى يمكن تجنبها

[tahamal]

اخى المحترم
عليك بأخذ الرأى الناجح وتستطيع الذيادة من عوامل النجاح اولا لازم تعرف تاريخ التسويق الذى سوف تقوم بالتسويق فيه وعليه احسب 1كجم وزن ذيادة لحم يومى لمدة دورة 180 يوم بافتراض وزن عجل التربيه 230:240كجم يكون ان شاء الله وزن البيع من 400:450 كجم ويتوقف هذا على النوعيه للقطيع ونوعيه الاعلاف والتحصين الواجب وخبرتك وخبرة الكلاف ونوع التربيه مربوط ولا سايب وتحياتى وامنياتى بالتوفيق

[taysser]

اخى الفاضل انا كنت بافكر جديا فى موضوع تربية ابقار حلابه و بتلو صغير بس انت خوفتنى انا معنديش ارض زراعيه هى ارض مبانى ممكن يتعمل عليه عنبر ايواء و الاعلاف تشترى من برة فهل الموضوع مجزى خصوصا فى ازمة اللحمه اللى فى مصر

[بطاطا]

أ/محمد أبو أسامة بعد التحية . أنا مش فاهم إيه المانع إنك تقول على المشاريع الناجحة دي هنا في المنتدى حتى يستفيد الجميع ويمكن ربنا يفتح عليك بعدها وتربح جدا بخدمتك إخوانك
شكرا

[عبد الله شعبان]

اخى الكريم انا لما ابديت راى فى تجربة التسمين كان عن تجربه وعلى العموم طلامه انك مصر ان تجرب وتعمل مشروع العجول وحضرتك مش مقتنع بكلامى اتفضل اعمل المشروع بس من واجبى كمسلم هنصحك للمره التانى ابداء بس ب5 روس حتى يتسن لك معرفة المشاكل وتكتسب خبرات وحى لا سمح الله لو حصل خساره ستكون الخساره بسيطه وربنا يوفقك

[Ayman Rashad]

الخلاصة او زى ما بنقول من الآخر،
مساحة و نوع المزرعة هى اللى بتحكم كل اللى سبق ، يعنى اذا كانت مزرعتك كبيرة بحيث عندك علف اخضر طول العام بتكلفة قريبة من تكلفة زراعة الارض السمراء و عندك حبوب مخزونة من انتاج ارضك اتكل على الله و ادخل فى المشروع
لو هتشترى كل حاجة من برة و انت عندك العنبر فقط و المتابعة الاسبوعية الدقيقة من وزن و خلافة فممكن البيع لغير التجار و الانتظار فى المواسم زى رمضان و العيد الكبير و تبيع للجزار او الناس مباشرة موسم بعد موسم الناس تعرفك و يبقى ليك اسم
و لكن اذا كنت عاوز تتصلح قطعة ارض بور بالصحراء بالزراعة فمع مشروع تربية الاناث و زراعة جزء لهم ثم من نتاجهم ممكن تذخل المجال واحدة واحدة يعنى فى 3 سنين بتكون عرفت احيوان و طبيعة المزرعة و السوق وبعدها على قد فلوسك تشتغل و ربنا يوفق الجميع
لكن الامهات المخلطة و الفرزيان بقرى زى الفل بس سعرها نار اليومين دول من 9 و انت طالع حسب عمرها و بعدين الفيوم حنبها سوف ميدوم و سوق اطسا و سوق اللاهون من اكبر اسواق المواشى
لقيت فيهم مشاكل قبلى سوق السبت فى المنيا المركز و سوق الاثنين فى بنى مزار و سوق طهطا كويسسين
بحريك سوق المتانيا و مزغونة السبت و الجمعة و الاحد سوق اطفيح اكبر سوق شرق النيل مش بعيده من على كوبرى الواسطى 2/1 ساعة
واى خدمة[at]

[د. ياسر التلمسانى]

لى صديق كانت له تجربة مع مزارع التسمين و النتيجة كانت الخسارة بس الأسباب كانت معلومة و هى كالتالى:

1. الأكل: لابد من ان يكون لديك أرض سواءا ملك أو أيجار لكى تقوم بزراعة العلف و ان لا تقل نسبة المساهمة من ارضك عن 50% من العلف.

2. العدد: فى تقديره الشخصى ان اقل عدد يكون اقتصادى لا يقل عن 100 رأس و ان كنا انا شخصيا ارى هذا الرقم مبالغ فيه.

3. التجار: صديقى كان يتقى الله و لا يعطى العجول ملح ليجعلها تشرب كثيرا ليزيد وزنها قبل البيع، و لكن فى المقابل كان يطلب سعر اعلى للكيلو بناءا على تكلفته العاليه، تصوروا كان رد التاجر أيه: شربوا ميه و اديهونى بسعر السوق!!!! يعنى غش كما يغش الآخرين.

4. الأيجار: صديقى كان مستأجر للمعلف و بالتالى كل خطوه بفلوس و ليس عند أرض للزراعة و كل شىء يشترية من الخارج و مع ان حجم قطيعه كان 30 راس الا انه خسر.

هذه هى الأسباب كما رواها لى.

[اسعدالفقى]

نصيحه لوجه الله ابعد عن تسمين العجول وتربيه الايناث لانها مشاريع فاشله فى مصر وده بسبب عدم وجود مراعى طبعيه فى البلاد وكمان مفيش حيوان متخصص فى انتاج اللحمه وانتاج اللبن
اخى عبدة شعبان كمان مشاريع الانتاج الحيوانى فاشله فى مصر ومن قبل مشاريع الصوب الزراعية والله اعلم بكرة اية اللى فاشل الله يهديك اخى
ممكن نعرف اية اللى ناجح اكيد المشاتل

[مها صبرى محمد]

اخى العزيز توكل على الله ولا تخف المشروع فعلا مربح والدليل يوجد ناس شغاله فية من سنين ومزلت مستمرة
ومعلش المهندس عبد الله شعبان يظهر ان كل المشاريع عنده فاشله او هو لم يعرف يدرها ولذلك تفشل معه
اتمنا من الله التوفيق للجميع

[عبد الله شعبان]

الاخ الفاضل اسعد الفقى والاخت الفاضله مها صبرى ادام الله عزكم انا ملاحظ انكم متحاملين عليا شويه هههههههههههه يا جماعه والله انا ما بقول كلمه ولا نصيحه لا عن تجربه انا يا اخوانى مش بعقد حد من المشاريع ولاكن والله بقولكم الحقيقه وعلى العموم اخونا الفاضل ال عاوز يعمل مشروع التسمين يتفضل يعمله وربنا يوفقه ولاكن سيعرف كلامى ده كويس بعد كده اما بالنسبه لسؤال اخوى اسعد ان هل مشروع المشتل هو ال ناجح نعم اخى اسعد والله نجح معى نجاح انا نفسى غير مصدقه وغير متصور ان ينجح المشروع بهذا الشكل والحمد الله ربنا وفقنى فيه وعلى العموم يا جماعه ربنا يوفق كل من يبتغى رزقا حلاال طيبا والسلام عليكم ورحمة الله وبركاته

[عاشق الروح]

السلام عليكم ورحمه اللهانشاء الله انا ناوى اشترى مزرعه بالاسماعليه داخل مجمع انتاج حيوانى اسمها مزارع السعيد لو فى حد يقدر يفيدنى اذا كانت فى مشاكل فى الشركه ديه اكون شاكر ليكم

[صالح]

اخى الفاضل انا كنت بافكر جديا فى موضوع تربية ابقار حلابه و بتلو صغير بس انت خوفتنى انا معنديش ارض زراعيه هى ارض مبانى ممكن يتعمل عليه عنبر ايواء و الاعلاف تشترى من برة فهل الموضوع مجزى خصوصا فى ازمة اللحمه اللى فى مصر

[احمد الباجورى]

يمكنك استخدام الشعير المستنبت للتغذية سيوفر لك الكثيير