الان الفولفيك اسيد الساحر بالمدينه المنوره

[بيت الخبره]

بحمد الله يتواجد لدينا الان كميه بسيطه من حمض الفولفيك النشط جدا وبنسبة تركيز 70 %
فى صوره بودره تامه الذوبان و بما ان هذه اول مره يتواجد هذا المركب فى السعوديه فسوف نطرحه بسعر مميز للدعايه و لكل من يريد ان يجربه و يرى نتائجه الممتازه على الخضروات و الفواكه بانواعها ولمن يريد ان يعرف مميزات هذا المركب فليقرا موضوعى عن الفولفيك فى عرض وطلب او يبحث عن فولفيك اسيد بالمنتدى و النشرات الارشاديه متواجده لمن يريد ان يستفيد و للاستشارات او
للتواصل 00966548827060
م هانى محمد البابلى
وشكرا

[bioagriculture]

سؤال بس يابشمهندس هاني انا بس اللي محيرني انت رايح المدنيه وسايب شركتك في مصر اللي في وادي الملاك وليك فرعين هل زياره عمل وراجع تاني ولافيزا والحال في مصر الواقف في مجال الزراعه انت اتاثرت بيه ومين بيدير الشركه مجرد سؤال نفسي اعرف اجابه حتي لو انا مكتبتش كل حاجه ياريت بس توضح الامر

[بيت الخبره]

السلام عليكم يا دكتور انت كلامك جه فى المفيد و الله
انا طبعا زى ما انت بتقول اتاثرت من الحال الواقف فى مصر جدا و مش من السنه دى بس لا من حوالى ثلاث سنوات و الحال فى النازل و اكيد انت عارف الوضع عندنا شكله ايه ,بالاضافه للمنافسه غير الشريفه من المنتجات اللى مصنوعه تحت السلم و اللى انا و الحمد لله رفضت اشتغل فيها مع انها بتكسب كويس لكن انا مبداى كان الجوده لكن المشكله كمان فى الزبون اللى بينظر للسعر فقط بغض النظر عن جوده المنتج و للاسف المنطقه اللى انا كنت فاتح النشاط فيها كل المنافسين عباره عن تجار يبحثوا عن الربح فقط و مش مشكلتهم المزارع يشترى منتج مغشوش او زرعه ينضر مش فارقه معاهم المهم يبيع و يكسب مع العلم ان مفيش و لا واحد منهم مهندس زراعى او حتى دبلوم زراعه ,فانا زى ما تقول زهقت وقلت ابحث عن الرزق فى مكان اخر و الحمد لله اخترت افضل بقاع الارض وصفيت نشاطى فى مصر و ربنا يوفقنى ,لكن منتجاتى اللى انا مستوردها هاسوق لها هنا فى المدينه و السعوديه بشكل عام ,مع العلم انى اول مهندس زراعى فتحت هذا النشاط لتجاره المبيدات و الاسمده الزراعيه فى وادى الملاك و كان هذا فى اخر عام عام 2000
ارجو ان اكون قد اوضحت ما تريد معرفته

[mohamad_ali]

لقد اوضحت بالفعل ولكنك نسيت توضع اسعار منتجك

[bioagriculture]

شكرا لك اخي هاني علي الرد المهذب والواضح انا والله سالت الاسئله دي عشان اكد لنفسي بالضبط نفس كلامك اللي بتقوله والحمدلله رديت بما اراه فعلا في الوقت الحالي .لاني كنت شاكك اني المشكله في حاجه انا مش فاهمها بالنسبه لهذا المجال في مصر لكن تقريبا الظروف كلها واحده مع الكل واكبرها زي ما تفضلت حضرتك وقلت ان بير السلم بقي هو الاساس فس الشغلانه دي وانا عارف كل اللي حواليك وكلهم بلضبط زي ما قلت والله مفيش واحد فيهم مهندس او عنده عبوه واحده مرخصه .عشان كده لما شوفت موضوعك انا احترت وردك ده كان في بالي والله بس كنت عاوز اطمن ولا الموضوع انا مش فاهم حاجه لكن كده انا اطمنت علي نفسي اني مش مقصر ولا حاجه ولك الشكر وربنا يوفقك . وانا علي فكره كده هاقبل العقد اللي جاي ليا في السعوديه

[بيت الخبره]

والله ربنا يعلم ان انا قلت لك كل الموضوع بصراحه تامه وعلى فكره انا اللى خلانى اغير اتجاهى وكان له الاثر الاكبر فى هذا التغيير هو انى اردت العيش فى جوار رسول لانها متعه ما بعدها متعه و الله ,كفايه انى باسلم على رسول الله كل يوم عايز حاجه تانى بعد كده ,ولو العقد اللى جاى لك معقول اتوكل على الله وربنا يوفقك .