وظيفة الجامعة أم مصنع الأغذية؟

[sama_zayd]

السلام عليكم ورحم الله وبركاته

ارجو الافادة انا مهندسة زراعية اعمل حاليا فى جامعة القاهرة فى مركز تاهيل اعضاء هيئة التدريس شغل ادارة وفى شركة اتصلت بيه هى الشركة المتحدة للاغذية وحددرلى الانترفيو وروحت بالفعل ووجدت ان تخصص الشركة فى تصنيع الجبن الاصناف الاجنبية كممبرت وريكوتا فايتا ايطاليا وجبنة اسمها بريد تقريبا المهم نزلت وشوفت المصنع المصنع مش كبير بس تجهيزاته لا بأس بها طبيعة شغلى هتبقى فى المعمل تحليل كيميائى وميكروبيولوجى المرتب بعد الحوافز والاوفر تيم 700ج مواعيد العمل من 8 الى 4 الى جانب ان فى شفت تانى من 11 الى 7 م يعنى************** خايفة اسيب شغل الجامعة واشتغل فى المصنع ومستريحش واخسر الاتنين انا حابه انى اشتغل فى مجالى والحمد لله عملت انتر فيو مع المدير ومع المهندس الى ماسك المعمل واتبسطوا منى جدا معلوماتى والحمد لله كانت وفيرة جدا انا محتارة وخايفة ممكن حد يفدنى ويقولى انى الفرصة الاحسن مرتبى فى شغل الجامعة 400ج مواعيد العمل من 9 الى 4 وفى ايام شفتات بيبقى يوم واحد فى الاسبوع بيبقى من 3 الى 8 م اتمنى انكم تردوا عليه فى اسرع وقت ممكن لان لازم ارد على الشركة فى اقرب وقت سواء بالرفض او القبول

[طة السيد]

الجامعه افضل بكثير من كل الجوانب والله الموفق لما فية الخير

[اسعدالفقى]

الاخت العزيزة اسماء طالما ان هناك غرصة فى مجال حكومى وهناك ثبات وخاصه ان حضرتك بتعملى فى الجامعه ومرتبات الجامعه على ما اعتقد معقوله الى حدا" ما ولكن ليست هذة الفرصه التى تضحين من أجلها والله الموفق

[Moaz Mohammad Awwad]

الاخت الفاضلة
السلام عليكم و رحمة الله و بركاته يجب ان تدرسي الموضوع من كل الجوانب و تفاضلي بين عملك الحالي و مميزات العمل الجديد حيث لا احد غيرك أقدر من معرفة تلك المميزات. و قبل كل شيء عليك باستخارة الله و الله نسأل ان يوفقك الي ما فيه خير الدنيا و الاخرة. ثم اود ان اذكر نفسي و اياك أن الرزق ليس بالكم و لكن بالكيف، فكم من قليل مع البركة و الرضا صار كثير و كم من كثير من وجهة نظرنا المحدود بدون البركة فهو اقل من القليل. مرة أخري وفقك الله الي ما هو خير.

[sama_zayd]

السلام عليكم ورحمة الله وبركاته

شكرا جدا ليكم جميعا لاهتمامكم وافادتى جزاكم الله كل خير والاخ العزيز معاذ انا فعلا والحمد لله استخرت الله ربنا هو الموفق يوفقنا خميعا ويهدينا الى الصواب وينور بصيرتنا جزاكم الله كل خير مرة اخرى

[mohamad_ali]

يمكن العمل فى الحكومة ومن ثم عمل اجازة بدون مرتب بعقد داخلى لتحسين الدخل او عقد خارجى لفرصة سفر او مرافقة زوج (مفتوحة)او رعاية اسرة او طفل (6 سنوات)
وان لم يكن ذلك متاح بسبب نظام تعاقد فى البداية قبل التثبيت بالحكومة فيجب التمسك بفرصة العمل الحكومى لانها وباختصار فرصة لا تفوت ولا تعوض ولا تتاح غير مرة واحدة فقط اذا تم استلام العمل
.ويمكن ايضا التوجه لقسم التنظيم والادارة بالجامعة بعد ذلك والنقل بنفس الدرجة الحكومية الى العمل فى مكان مناسب للتخصص مثل العمل فى كليه الزراعة التابعة لنفس الجامعة او مراكز البحوث ولكن على الاقل نضمن الوظيفة والدرجة وبعد ذلك نتصرف
يمكن ايضا تحضير دراسات عليا واخذ ايام تفرغ رسمية وقانونية اذا كان هناك طموح زيادة
يمكن ايضا الاقتراض من البنك بضمان المرتب الحكومى (والبنك يحترم المرتب الحكومى جدا لانه مضمون) وعمل مشروع جانبى
شغل الجامعة ربعمائة جنية بالاضافةالى حوافز من المركز نفسة بعد ذلك ومكافئة الامتحانات النصف سنوية ومكافائات اخرى تعتمد من رئيس الجامعة كل فترة وكذلك هذه المبلغ مخصوم منه صندوق التكافل يتم استلامه فى حالات المعاش او لاقد الله العجز يصل الى اكثر من 100 الف جنية
اما العمل بالقطاع الخاص فربما يتهرب فى هذه الحالات لانه يريد الشخص بصحته وطالما الشخص بصحته فقط فالعمل الخاص حبيبه

اعلم اشخاص يقضوا اكثر من ست سنوات بنظام اليومية فى الجامعة براتب يومى اقل من ثمانية جنيهات طمعا واملا فى ان تتوجه لهم الانظار للحصل على فرصة عقد بنظام المكافئةالشاملة التى تصرف من البند الاول للدولة
اعرضى على اى شخص ان ياخذ فرصتك الحكومية بمقابل بضع الالف من الجنيهات ولكن اخشى على شريحة موبيلك من الاحتراق لكثرة الاتصالات
وسبحان الله انك بعد ذلك بحيرة

ومعظم شركات الانتاج تضغط على العاملين باكثر من شفت اذا احتاجت زيادة انتاج لزيادة الطلبات ولا تتيح فرصة اجازة بدون مرتب قد تمتد لاكثر من عشرون عام ليعود الشخص فيجد مكانه فى الحفظ والصون

[aahmed0055]

اختى الفاضلة انا من وجهة نظرى انا تفضلى فى عملك فى الجامعة ومع الوقت انشاء اللة سوف تتحسن اوضاعك المادية فى فرص انشاء اللة جاية كتير بجانب عملك فى الجامعة بس اقدام شوية والعمل الخاص موجود فى السوق كل يوم فى جديد فلا تتركى عملك فى الجامعة واللة ولى التوفيق
وشكرا

[sama_zayd]

السلام عليكم ورحمة الله وبركاته

جزاكم الله خيرا لاهتمامكم اخى محمد على انا اعلم بعض الاشياء التى ذكرتها عن مزايا العمل الحكومى خوضت هذه التجربة فى البداية عشان كل دة طمعا فيه ولكن للاسف تفاجأت ان الوضع غير ذلك سألت الموظفين وعرفت اننا بنتعامل كعقد خارجى يعنى بمعنى اصح زى الخاص واننا فى المكان دة مش هيئهلنا دة لكل الى انت قولته يعنى فى اى وقت هيقولولنا بالسلامة مع انهم بيقولولنا ان المفروض المركز دة بتمويل من الجامعة وكل الى بيطلع للجامعة بس قالولنا على الاقل وانتم هنا هتحولوا انكم تثبتوا جدارتكم ولعل وعثى تتجه ليكم انظار الناس الكبار وتشتغلوا بعقد مؤقت الى جانب اننا بقالنا شهر فى الشغل بس لسه لحد وقتنا دة ماتكتبش اى عقد ولكن عقدنا يعتبر مجرد عقد شفوى عشان كدة يااخى انا وقعة فى حيرة اننا ممكن فى اى وقت يقولولى بالسلامة يعنى مافرقتش عن الخاص هى هى وألف شكر ليكم جميعا وجزاكم الله خيرا وربنا يوفق الجميع