هل العمل فى الحكومة افضل ام الخاص

[sama_zayd]

السلام عليكم ورحمة الله وبركاته

اخوانى احب ان استفيد من خبرتكم اريد ان اعرف ارئكم هل العمل الحكومى افضل ام العمل فى شركات خاصة وماهى مزايا كلا منهم ولكم جزيل الشكر اود الاهتمام

[sama_zayd]

ارجوا الاهتما والرد والافادة من حضراتكم ولكم جزيل الشكر

[hashimbus]

لو انت شاب بلاش الحكومة لانها يومها بسنين تاخد 500 جنيه وده بعد الحوفز و الجهود والراتب الاساسي يكون 48 جنيه و منهم اكلك و ومواصلاتك و تليفوناتك ده انتحار يبقي لازم تكون مرتشي .ولو قولت هتشتغل بعد الظهر ممكن تكون كويسة لو الشغل التاني خاص بيك اي مشروع.

[sama_zayd]

شكرا لابداء رايك واهتمامك وجزاك الله خيرا

[اسعدالفقى]

السلام عليكم كم كنت اتمنى يوما" من الايام ان اكون موظفا" فى وزارة الزراعة ولكن القدر والظروف وضعتنى فى مكان المهندس فى بعض المزارع وبعدها كنت غير مقتنع بالفكرة انا اعمل فى اى قطاع غير الحكومه لكن الان ولله الحمد تاكدت ان الله قد يسر لى الافضل الحمد لله الان اشرف وادير اكثر من مزرعة بفضل الله بل واصلحنا نعين بعض المهندسين والمهندسات فى اعمالنا ولدرجة ان ارتفع راتبنا واصبح اضعافا" مضاعفة عما يتقاضاة رملائنا ومن سبقونا باعوام كثيرة فى الوظائف والله الحمد لكن فعلا والله العمل الحر افضل بكثير من التوظيف فى الحكومه والحمد لله ان الانسان يجد نفسة فى عمله وواخد كمان حريته

[sama_zayd]

لك جزيل الشكر اخى اسعد لاهتمامك وردك عليه وافدتى وربنا يوفق الجميع انا عارفة كمان ان مرتبات الحكومة مقارنة بمرتبات الخاص بتكون اقل بس ناس كتير بتقول ان جالك الميرى اتمرمغ فى ترابه فكنت عايزة استفيد من خبرتكم وارئكم وجزاك الله خيرا

[اسعدالفقى]

اختى العزيزة انا تحت امرك واتمنى ان اكون عند حسن ظن العباد بعد رب العباد ولله الحمد ونحن على استعداد للرد على اى استفسار ولله الحمد وبفضل الله الان اصبحنا ندير مشاريع لبعض المستثمرات الزراعيين وهذا بفضل الله يفتح المجال امام توظيف المهندسات ضمن نطاق نفس اجناسهن ان شاء الله اما موضوع الميرى دا ربنا يكرم كل الناس يا رب بس بصراحة انا لقيت نفسي خارجه وكمان لقيت المقابل خارج الوظائف الحكومية لكن ينبغى على المهندس او المهندسه الزراعية ان يطور من نفسة حتى يكون جديرا" بسد واشباع رغباته وان يملأ مقعدة فى موقعة وبالله التوفيق اختى المهندسة

[ابوعبد الرحمن]

السلام عليكم اختى الاصيلة
كل يوم الواحد بيحلم ان يكون موظف حكومة بس الخاص
افضل وارحم من التحكم من الى يسوا والى مايسواش
لو كان فية عمل خاص يكون افضل الف مرة
نصيحة للة
وان فاتك الميرى سيبة ومشى
ههههههههههههههههههههه
تقبلى مرورى ابوعبدالرحمن

[اسعدالفقى]

نشكر الاخ ابو عبد الرحمن على هذة اللفتة والدعابة الجميله بارك الله فيك اخى العزيز

[mohamad_ali]

العمل الحكومى يتميز بالمدة القصيرة حتى الساعة 2 ظهرا وهذا ليس وقت طويل لانى اعرف اشخاص يستيقظوا من نومهم فى هذا الوقت ويتميز بالتامينات الصحية مثلا اذا حدث ومس الفرد المرض الذى يتكلف مبالغ طائلة(تصل الى 40 الف جنية واضعافها فى بعضها) توفر الدولة الرعاية الصحية شبه المجانية فى هذه الحالة وهذه ميزة لا يضمن احد ان كان سوف يحتاجها
هذا بخلاف المعاشات عند الكبر
والدخل الثابت المضمون
وضمان الوظيفة وراحة البال من التعرض لفقدانها

خلاصة القول لو هناك فرصة فعلا للعمل الحكومى- وهذا لا تتوفر الا فى القليل النادر اصلا -فيجب وطبعا على الفور عدم تفويتها من دون سؤال

[sama_zayd]

السلام عليكم ورحمة الله وبركاته

الف الف شكر لاهتمامكم وردكم وافادتى من خبرتكم انا فى شغل قدمت فيه تبع جامعة القاهرة بس هو فى مجال الكمبيوتر مركز تنمية القدرات البشرية لاساتذة الجامعة موعيد العمل من 9 الى 4 وفيه ايام فيها شفتات يعنى من 3 الى 8 مسائآ دى فترة مسائية وهتبقى يوم واحد فى الاسبوع يعنى التعامل كله مع اساتذة الجامعة والمعيديين الشغل على الكمبيوتر وعادة بنتعامل مع برنامج الاكسل انتم ايه رأيكم انا تطرقت للشغلة دى لان مافيش اى فرصة شغل جتلى غيرها وقولت انى انزل واخد خبره فى مجال العمل على الاقل ماتركش خانت الخبرات فاضية لما اجى اقدم فى اى شغل اتمنى انكم تقولولى ايه رايكم

[sama_zayd]

نسيت شئ مهم المرتب 400ج اجازة جمعة وسبت

[م/محمد الغرياني]

السلام عليكم ورحمه الله
الاخت الكريمه : انتي وجدتي فرصه حكوميه ولم تجدي بعد فرصه قطاع خاص فلماذا تقارني بين ما وجدتيه ومالم تجديه اساسا, وايضا بما انك بنت فالحكومي افضل لكي لان القطاع الخاص علي قد ما بيدي فلوس بياخد مجهود و بردو مش بيدي المبالغ العاليه الا للخبرات فقط , ايضا القطاع الخاص غالبا شركات او مصانع او مزارع في مناطق بعيده عن العمران غالبا وفي هذه الحاله صعب عليكي و بعدين ربنا يكرمك و تتزوجي حاتحتاجي وقت كبير عشان تراعي من وجب عليك مراعاته,
بالنسبه لي انا انا جالي الاتنين في وقت واحد و فضلت القطاع الخاص بس الحمد لله كان في خبره نفعتني و ربنا كرمني اولا واخيرا , وانا اعمل 12 ساعه في اليوم و بعيد عن العمران و المبيت بجانب العمل مباشره يعني كل حاجه و لها ثمن , ربنا يعينك والله الموفق

[sama_zayd]

لك خالص الشكر وشكرا لاهتمامك وردك وافادتك لى والله الموفق

[sereen_0011]

طبعا هو الحكومى حلو بالنسبة للوقت القصير والمعاش لما الواحد يكبر فى السن والتامينات بس الخاص برده حلو
انا كنت اتمنى فى حياتى انى اشتغل شغل حكومى الصبح وخاص بيا بعد الظهر وعلى الاقل لما اتجوز استمر فى الحكومى والخاص يبقى ارعيه من وقت للتانى وممكن زوجى يساعدنى
اما بالنسبالك يا سما اتكلى على الل الفرصة مبتجيش غير مرة واحدة بس
امسيكى فيها وشوفى مستقبلك وعندك وقت بعد كدا اعملى الى تعمليه
ربنا معاكى ويرزقك رزقا طيبا مباركا ان شاء الله ويقرب منك احلال ويكفيكى شر الحرام