المساعد الشخصي الرقمي

مشاهدة النسخة كاملة : طلب فرص عمل مناسبة للمهندسات الزراعيات



نورا ضلام
17-11-2009, 04:24 PM
السلام عليكم ورحمة الله وبركاته
جزاكم الله خيرا القائمين على منتدى زراعة والمشرفين والاعضاء
ولقد أردت طرح هذا الموضوع على الجميع
وهو الاهتمام بتوفير فرص عمل تناسب
المهندسات الزراعيات
وهذا ليس بالامر الجلل الصعب تنفيذه
فانا بشكل شخصي لدي صديقات عملن بمجال الهندسة الزراعية وبتخصصهن والذي هو تخصصي او غير تخصصي
وفي وظائف مناسبة وتحترم كونهن فتيات
ولكن كان عيبها الوحيد
انها اتت
عن طريق
معرفة او بمعنى أدق
واسطة
ولكن مع ذلك فأكثرهن اثبتن قدرتهن واستحقاقهن لهذا العمل بعهذا المجال الذي يرى فيه البعض انه لا يتناسب مع طبيعة الفتيات
وانا ارى انه الاولى توفير مثل هذه الفرص لمن هو أحق بها
سواء بسواء
مع عدم التقليل من القدرة العقلية والابداعية والعملية للفتيات
بجانب احترام كونها انثى
فليس من الانصاف بعد كل هذا العناء في دراسة دامت
15 سنة بجانب كورسات وتحمل عناء ومشقة وسائل المواصلات والمصاريف وتكون المحصلة النهائية
صفر
هذا لا يرضي احد على الاطلاق ان تحرم من العمل في مجالها الذي تعبت به
لكونها انثى او
لكونها تحتشم في ملابسها ويرى البعض ان هذا لا يوائم طبيعة العمل
فهذا منتهى الظلم
فأرجو من كل منصف صاحب عمل ان يعطي الفرصة لمن هن مثلي
وسيرى مالم يكن يتوقعه
فمن تحملت عناء الدراسة والزيارات الميدانية والسهر في مثل هذه الكليات العملية
فليس بالكبير عليها ان تتحمل ظروف عمل تحترم طبيعتها وتستغل قدرتها على العمل البناء الشريف المثمر وتترك لها المجال لاثبات ذاتها بالشكل السليم الذي ليس فيه تعدي على حقوقها او حقوق غيرها
والسلام عليكم ورحمة الله وبركاته

sayed.fawzy
22-11-2009, 07:44 PM
الله يخليكي يا نورا
تسيبوا مكان لأخواتكم الرجاله اللي مش لاقيين
الرجاله دول هما أزواج المستقبل بالنسبه ليكم
فأدوا فرصه لأزواجكم في المستقبل يكونوا مستقبلهم
و يشتغلوا و يجيبولكم الشبكه و الشقه و الجهاز
إيه الأفضل تسيبوا فرصه لأزواج المستقبل؟؟؟
و لا تشتغلوا و تنضموا لطابور العوانس؟؟؟
مجرد رأي
و الأختلاف في الرأي لا يفسد للود قضيه

نورا ضلام
23-11-2009, 02:44 AM
السلام عليكم ورحمة الله وبركاته
شكرا استاذ فوزي على الرد
ولكن احب اقول لحضرتك ان انا وخطيبي بنشتغل في نفس المجال او بمعنى اصح واوضح بندرس نفس المجال
والشغل متاح الحمد لله بس محتاج شباب يكونوا اد المسؤولية وما يشتكوش من المواقع والسهر فيها...؟
وملحوظة بسيطة
ان الوظايف المناسبة للفتيات في هذا المجال
لا تجدي نفعا مع اي شاب
فمن من الشاب يمكنه فتح بيت ب 500 او 600 او 700 جنيه؟؟؟
في حين انه بيدفع اصلا 500 او 600 جنيه ايجار للشقة الساكن بها؟؟؟
حضرتك انا بطلب المناسب للفتيات مش اماكن الرجال
لا اظن ان مواقع اللاند سكيب تتناسب مع الفتيات في الصحاري وما الى ذلك بالرغم من هناك اصحاب عمل يوافقون على هذا
ولكن انا اطلب ما يتناسب معهن كثيرا مثل المكتب الفني وشغل الاوراق الذي مرتبه لا يصلح لشاب يريد الزواج في هذا الزمن
واريد لفت انتباه حضرتك
ان الشباب في هذا الزمن يتكفلوا بجزء من اعباء الزواج كما تكرمت وذكرت
ولكن لا تنسى ان الفتيات يتكفلن بالنصف الاخر ام اننا نسير برأي الزوج يتكفل بكل شيء؟؟؟
فكيف تتزوج فتاة سيدي وهى لا تستطيع ماديا على سبيل المثال تجهيز بيتها في هذا الزمن ؟؟؟
ام اننا اصبحنا جميعا اصحاب املاك ؟؟؟
جزاك الله خيرا على الرد
في حفظ الله

نورا ضلام
01-12-2009, 06:20 PM
سبحانك اللهم وبحمدك
اشهد ان لا اله الا انت
استغفرك
واتوب اليك

marleno
01-12-2009, 07:02 PM
السلام عليكم و رحمة الله و بركاته
انا هادخل في الموضوع علي طووول
بالرغم اني رجل و لاكن انا مع البشمهندسه في الراي
اولا البنات عمرهم ما هينافسو ا الرجال في العمل لان لكل واحد رزقه و مقدر له من زمان بغض النظر راجل او امراه
ثانيا لو بنت تعول اسره و لها اخوات صغار تقوم بالصرف عليهم و علي تعليمهن يجب منا جميعا ان نرفع لها القبعه لتحيتها و تشجيعها و مساعدتها بكل ما نملك من خبره و جهد و وقت
و لو البنت والدها مريض وهي التي تعول الاسره و علاج والدها هل ينفع ان نقولها سيبي الشغل للرجاله و الا تبقي عانس بقي ده اسمه كلام يا راجل
ثالثا لو البنت ظروفها كويسه و والدها بصحه جيده و هي نفسها تشتغل في مجال درسته و احبته يبقي حرام يا راجل
و انا باطمن الرجاله كل واحد هاياخد رزقه ان شاء الله ده شيء مفروغ منه و منتهي و شغل البنات ليس له علاقه برزق الرجال
ولاكني اوصي الرجال و اوصي نفسي بتقوي الله لانه من يتقي الله يجعل له مخرجا و يرزقه من حيث لا يحتسب
انا من خلال خبرتي البسيطه و جدت ان البنات متفوقين عن الرجال في مجالات زراعيه تحتاج الدقه و الصبر و طول البال و لايصبر عليها الرجال مثل
معامل زراعة الانسجه و الهندسه الوراثيه و امراض النبات و الميكروبيولوجي
و هي وظائف لا تحتاج الي مجهو د عضلي بقدر ما تحتاج الي تركيز و صبر و دقه و طول بال و هو ما لا يتمتع به اغلب الرجال بسبب ضغوط الحياه المختلفه علي اغلب الرجال
انا اسف للاطاله
و السلام ختام

نورا ضلام
07-12-2009, 05:05 AM
السلام عليكم ورحمة الله وبركاته
جزيت خيرا
استاذي
رد بليغ
بكلمات بسيطة
ربنا يصلح الحال
وفعلا كل انسان له رزقه لا احد يستطيع اخذ رزق احد
سبحان مدبر الكون
يرزق من يشاء بغير حساب
وربنا ييسر لنا الرزق الطيب الحلال جميعا
حفظكم الله ورعاكم
السلام عليكم ورحمة الله وبركاته

م/محمد الغرياني
07-12-2009, 09:03 PM
السلام عليكم ورحمه الله
يا تري ممكن اشارككم الرأي...
اكيد يا جماعه كل واحد ليه رزقه بس الاول ربنا بيختبره بعدة اختبارات عشان لما ربنا يكرمه ويوسع عليه و يساله الفقير اعطني مما اعطاك الله ..لا يقول انما ورثته كابر عن كابر..
ان شاء الله الرزق جاي بس شويه صبر ويقين بأن الله حايرزقنا وطبعا ساعتها ما فيش فرق بين راجل ولا ست دا رزق الله يرزقه من يشاء من العباد ,, يعني بمنتهي البساطه مش عشان موقف ضايق حضرتك يبقي الرجاله ظالمين الستات في شباب بردو لسه في مرحله الاختبار من ربنا .
شئ كمان مهم..
اي واحد بيتخرج جديد شاب او بنت بيفتكر نفسه حايشتغل مدير ومرتبه كبير
اكيد الخبره ليها فرق ,, يا ريت يا اخت تبحثي عن الرزق ولا تيأسي
دا رزق ربنا مش حد بيتحكم فيه لا راجل ولا ست
شكرا.

أأجلال
09-12-2009, 12:54 PM
السلام عليكم ورحمة الله وبركاته
سبحان موزع الارزاق اخواني ادعوا لكم بالتوفيق ولكل مجتهد مصيب وانا عن نفسي ان شاء الله ناوي استثمر في مصر بالزراعه والانتاج الحيواني والاكيد احتاج لمن يساعدني فيها ويشتغل معي فيها وحينها لا فرق عندي ان كان مهندس او مهندسه لكل مجتهد نصب والاجدر يقوم بالمطلوب وارجو من الله التوفيق لكم
شكرا لكم

نورا ضلام
09-12-2009, 09:25 PM
السلام عليكم ورحمة الله وبركاته
جزاكم ربي كل خير على الردود البناءة
وانا والله لم أيأس ولكني قد أكون
أصابني بعض الغضب
لاني أجد فرص لا تناسب شهادتي التي تعبت وسهرت عليها
وبمعنى ادق
اتبهدلت
عشان احصل عليها
فهذا ما أثار غضبي بعد كل هذا اذهب لاعمل سكرتيرة او علاقات عامة او تسويق
وايضا كما سبق واوضحت فهناك من يرفضون بشكل منمق عمل فتيات
تحتشم في ملابسهن
في المكاتب الهندسية
لانهم يريدون واجهة
تتعامل مع العملاء ويصرفون من احتشمن الى المواقع التي لا تتناسب اصلا مع فتاة فلا ادري أين عقول هؤلاء...؟؟؟؟
فهذا ايضا اثار غيظي
ولكن اقول ان
مع العسر يسرا
ولكل مجتهد نصيب
ورزق الله في كتاب عند ربي
ينزله بمقدار
وانا لا اتعجل
واؤمن تماما بان ربي يقدر لي الخير
وان التعجيل ليس فيه خير لي
لان ربي
اعلم بما فيه الخير لي
واخيرا
ادعو الله لي ولكم التوفيق والسداد في الدنيا والاخرة
حفظكم الله ورعاكم
والسلام عليكم ورحمة الله وبركاته

علاء عزقوله
11-12-2009, 01:42 AM
ربنا يوفقك يا نورا وتتحققي حلمك يا رب

sayed.fawzy
13-12-2009, 11:28 PM
اخت نورا
كنت أعمل انا و خطيبتي التي هي زوجتي الأن و أم أبنتي مثلك تماما انت و خطيبك في مكان واحد
و بعد ثلاثه شهور طلبت منها ان تطلب العمل برضاها طبعا
و تركت العمل لانها أصبحت من الصعب أن تعمل
أصبحت الحياه بلا معني نقضي طول الوقت بالعمل و بعد لعوده أرهاق و تعب لها اكثر مني
فاصبحت الحياه ممله
فالسعاده ليست كلها بالمال
اشياء كثيره تجعل الانسان سعيدا غير الماده
فالغني من زاد دخله عن انفاقه
و الفقير من زاد انفاقه عن دخله
و كلنا يستطيع التحكم في انفاقه ان لم يستطيع التحكم في دخله
و بالتالي
كلنا ممكن نختار ان نكون اغنياء او فقراء

علاء عزقوله
13-12-2009, 11:34 PM
هندك حق يا مهندس سيد وياريت الناس كلها تفكر بالاسلوب العملي ده

alamea
13-12-2009, 11:44 PM
وفقكم الله ورعاكم وسدد خطاكم وحفظكم من كل سوء

sama_zayd
14-12-2009, 03:20 AM
فعلا الدنيا عمر سعدتها ماكانت فى الفلوس الفلوس مجرد غاية بنحقق بيها احتياجتنا واوقات الفلوس بتدمر النفوس وبتخلى الناس تعمى عن الخطأ وتحكم على الاشياء من الناحية المادية وليست المعنوية وعمرها مابتشترى الحب والاحترام بين الناس انا شخصيا حل مشكلتى انا ولانسان الى بحبه متوقفه على الفلوس اتقدم واترفض عشان الفلوس وانه مش مستعد تخيلو لو كان غنى ومش كويس جايز كانوا وفقوا عليه اهلى بسرعة ربنا كريم يكرمنا ويرزقنا كل هدفى انى اشتغل واسعده عشان يعجب اهلى ويتقدم تانى وربنا يسهل ويوفقوا ربنا كريم ولسه الامل جوانا وبنقول يارب وان شاء الله فرجه قريب

sama_zayd
14-12-2009, 03:26 AM
للاسف الشباب مش لقيين حد يساعدهم تايهين فى الدنيا كلهم عايزين يتجوزوا ومش لقيين الى ياهلهم للجواز ولا الى يسندهم فى الدنيا نفسى اعرف ليه الى معاه ميساعدش الى معهوش مثلا رجال الاعمال يساعدوا فى زواج الشباب والبنات الى عيزيين يتجوزوا بدال مابيروحوا يصرفوا فلوسهم على الحفلات ويدوا للعيبة الكورة ملايين على الاقل لو ساعدوا الشباب دى انهم يتجوزوا ثوابه هيكون عظيم اوى ربنا ييسرلنا امرنا جميعا

sama_zayd
14-12-2009, 03:28 AM
احنا تعبنا اوى فى الدنيا دى ومحدش بيقدر يحقق الى بيتمناه ربنا كريم يحللنا جميعا كل مشكلنا ويكون فرجه قريب

نورا ضلام
20-12-2009, 08:27 PM
جزاكم ربي كل خير
اختي سما ربنا ييسرلك الخير يااارب
وخلي عندك يقين بالله ان لو ليكي خير في خطيبك او الانسان اللي انتي اخترتيه ربنا هيرزقك بيه ان شاء الله
ونصيحة من اخت ليكي
الاهل في الغالب بيبقوا شايفين الصح
حتى لو احنا مقتنعين تماما انهم غلط وتصرفاتهم غلط بس سبحان الله
في النهاية بيكون رأيهم هو السليم
ويااااااااااارب ييسرلك الخير اختي سما
ويرزقك بالخير ويرزق الانسان اللي اخترتيه بالرزق الطيب الحلال ويباركله فيه عشان يقدر يسعدك ياااااااااااااااارب
وجزاكم ربي كل خير
بس فيه حاجة بسيطة الاستاذ سيد فوزي اتكلم فيها موضوع الفلوس وانها مش كل شيء...؟؟
دا مش طلبي ومش اساس موضوعي
انا مش بتكلم اني اشتغل في وظيفة اعلى بمرتب اعلى وباشتكي....
لا انا بتكلم عن موضوع مختلف
حقي وحق كل فتاة دخلت كلية رغما عنها في انها تشتغل
مفيش حد يعرف ظروف حد.....؟؟؟
والله اعلم باحوال الناس
واما عن حضرتك وخطيبتك فانت قولت بنفسك انكوا كنتوا مخطوبين لكن بعد الزواج الوضع اختلف لان الشغل كان واخد كل وقتها
بس الاكيد ان فيه ناس تانية عشان البيت يفضل مفتوح في الزمن ده
لازم يكونوا هما الاتنين بيشتغلوا عشان يقدروا يكفوا مصاريفهم
وعشان ما نقولش المصاريف اقل من اللي جاي او العكس وحكمة مين الغني والفقير
احسبها معايا حضرتك
شاب لسة في مقتبل عمره خاطب وداخل على زواج مرتبه 1200 جنيه
بيدفع ايجار شقة 600 جنيه
ومواصلات طبعا سفر لان شغل اللاند سكيب كله سفر قدره بقا ذيي ما تقدره؟؟بس لو قلنا هيصرف في اليوم على الاقل 10 جنيه يعني 300 جنيه
حضرتك ممكن تفهمني 400 او 500 جنيه هيعملوا ايه؟؟؟؟لبيت مفتوح مياه وكهرباء وفطار وغداء وعشاء؟؟؟؟

sama_zayd
20-12-2009, 08:59 PM
جزاكى الله كل خير اختى نورا لاهتمامك وردك عليه ويوفقك ربنا للى بتحلمى بيه وعايزة توصليله ويكرمنا جميعا ويسرلنا امرنا وشكرا جدا للنصيحة وربنا يكرمك

abuelenain2000
21-12-2009, 12:15 PM
والله يانورا ربنا يوفقك وكلامك أتمني أن يكون عاكس للشخصية والافعال مش انتي بس بس يكون كل البنات بتفكر بالايجابية دي مع انه صعب شوية

نورا ضلام
22-12-2009, 02:27 AM
ويبارك لك يا رب يا سما وييسرلك الخير في الدنيا والاخرة اللهم آميـــــــــــــــن
ربنا يبارك فيك استاذ ابو العيون واكيد كثير من الفتيات في هذا الزمن لا يملكوا الا هذا التفكير
حتى تسير الحياة....
ربنا ييسر الرزق الطيب لكل طالب رزق ويبارك له فيه
يااااااااااااااارب

sama_zayd
22-12-2009, 04:11 AM
الهي كيف أدعوك وأنا انا وكيف أقطع رجائي منك وأنت أنت .الهي ان لم أسألك فتعطني فمن ذا الذي أسأله فيعطني؛وان لم أدعوك فتستجيب لي فمن ذا الذي أدعوه فيستجيب لي ؛وان لم أتضرع اليك فترحمني فمن ذا الذي أتضرع اليه فيرحمني.
اله وكما فلقت البحر لموسى فنجيته من الغرق؛فصلي وسلم يارب على محمد وآل محمد ونجني مما أنا فيه من كرب بفرج عاجل وغير آجل وبرحمتك يا أرحم الراحمين.
اللهم آمين

عبداللة جعفر
22-12-2009, 07:02 PM
ياجماعة انتوا بتتكلموا عن عمل البنت وكانة الطبيعى انها مش تشتغل
ونسيتوا انها انسان وربنا بيقول عن الانسان دا (وخلقناكم من ذكر وانثى .....)
يعنى ان البنت ليها فرصتها انها تشتغل وتثبت ذاتها زى ما دا حق لكل انسان فى الدنيا

نورا ضلام
22-12-2009, 07:55 PM
ربنا يستجيب دعائك سما
اللهم آميــــــــــــــن
ربنا يبارك فيك استاذ عبدالله
متشكرة جدا على تعليقك
ومرورك
في حفظ الله

sayed.fawzy
05-01-2010, 01:39 PM
جزاكم ربي كل خير




اختي سما ربنا ييسرلك الخير يااارب
وخلي عندك يقين بالله ان لو ليكي خير في خطيبك او الانسان اللي انتي اخترتيه ربنا هيرزقك بيه ان شاء الله
ونصيحة من اخت ليكي
الاهل في الغالب بيبقوا شايفين الصح
حتى لو احنا مقتنعين تماما انهم غلط وتصرفاتهم غلط بس سبحان الله
في النهاية بيكون رأيهم هو السليم
ويااااااااااارب ييسرلك الخير اختي سما
ويرزقك بالخير ويرزق الانسان اللي اخترتيه بالرزق الطيب الحلال ويباركله فيه عشان يقدر يسعدك ياااااااااااااااارب
وجزاكم ربي كل خير
بس فيه حاجة بسيطة الاستاذ سيد فوزي اتكلم فيها موضوع الفلوس وانها مش كل شيء...؟؟
دا مش طلبي ومش اساس موضوعي
انا مش بتكلم اني اشتغل في وظيفة اعلى بمرتب اعلى وباشتكي....
لا انا بتكلم عن موضوع مختلف
حقي وحق كل فتاة دخلت كلية رغما عنها في انها تشتغل
مفيش حد يعرف ظروف حد.....؟؟؟
والله اعلم باحوال الناس
واما عن حضرتك وخطيبتك فانت قولت بنفسك انكوا كنتوا مخطوبين لكن بعد الزواج الوضع اختلف لان الشغل كان واخد كل وقتها
بس الاكيد ان فيه ناس تانية عشان البيت يفضل مفتوح في الزمن ده
لازم يكونوا هما الاتنين بيشتغلوا عشان يقدروا يكفوا مصاريفهم
وعشان ما نقولش المصاريف اقل من اللي جاي او العكس وحكمة مين الغني والفقير
احسبها معايا حضرتك
شاب لسة في مقتبل عمره خاطب وداخل على زواج مرتبه 1200 جنيه
بيدفع ايجار شقة 600 جنيه
ومواصلات طبعا سفر لان شغل اللاند سكيب كله سفر قدره بقا ذيي ما تقدره؟؟بس لو قلنا هيصرف في اليوم على الاقل 10 جنيه يعني 300 جنيه


حضرتك ممكن تفهمني 400 او 500 جنيه هيعملوا ايه؟؟؟؟لبيت مفتوح مياه وكهرباء وفطار وغداء وعشاء؟؟؟؟



400 أو 500 جنيه يعملوا كتير طبعا و ممكن توفري منهم كمان.
إيه مياه و كهرباء أسألي بابا دفعت قديه كهرباء الشهر الي فات مش هتعدي 30 جنيه و المياه كل 3 شهور زيهم يعني الموضوع كله 40 جنيه ميه و كهرباء مش حكايه
باقي 360 جنيه
ممكن أعملك ليهم ميزانيه فطار و غذاء و عشاء و يفيض كمان إنتي لو إشتريتي أساسيات الشهر من رز و زيت و سمن وشاي و سكر مره واحده بسعر الجمله مش هتكلفك 150 جنيه باقي كام كده هنقول 200 جنيه دي المصاريف اللي باقيه للحجات الخفيفه طماطم خضار اي حاجه هتلاقي نفسك مش بتصرفي 5 جنيه يعني في الأخر ممكن توفري اكتر من 50 جنيه شهر علي شهر هتلاقي الخمسين دي عملت 500 و الحياه بتمشي بس لو أحنا أللي عايزينها تمشي و لو نظرنا ليها بنظره متفائله مع شويه تنازلات بسيطه عن شويه كماليات تافهه ممكن لبعض الناس تكون مش موجوده و كل واحد له ظروفه و دخله و مصاريفه يعني ممكن شحن موبيلي في الشهر و الفسح و الهدايا تكون عباره عن دخل شهري لشخص تاني مش يجي بقي الشخص التاني يصرف دخله الشهري كله في شحن الموبيل و الفسح و الهدايا لأن دي مش اساسيات و علي قد لحافك مد رجليك متقولشي عايز لحاف جديد لأنك ممعكشي تجيب لحاف اكبر و برده متمدش رجلك بره اللحاف عشان ميجيلكشي برد و روماتيزم خليك علي قد لحافك عشان تفضل بصحه و عافيه

صدقوني يا اصدقائي الكلام اللي بقوله ده مش شعارات الكلام ده لاني مريت بأغلبه و عشت بأغلب المراحل دي في عمري اللي مش كبير قوي لتفكروني عجوز انا من نفس جيلكم مريت بالفتره اللي كان لحافي صغير و بمد رجلي علي قده أيام مكنت باشحن الموبيل ب 112 جنيه و بيخلصوا بعد أسبوعين و بسيبه من غير رصيد لحد ما الاربع شهور يخلصه تلات شهور صلاحيه و شهر سماح و بعد كده أشحن غصب عني ليوقفوا الشريحه و اجهز قبلها بشهر اني يوم كذا في الشهر الجاي لازم اوفر ال112 جنيه للشحن و مريت بالفتره اللي بقيت ممكن أشحن بتلت أضعاف المبلغ في شهر واحد ليه؟؟ عشان اللحاف طول و بحبح و بقيت امد رجليا علي الأخر و مش عارف أجيب اخره فاجيب حد ينام معايا تحت اللحاف الكبير الموبيل ده مثل وسط كام حاجه تانيه و اكيد مش انا لوحدي اللي كده في كتير زيي بالظبط
اهم حاجهااعرف انا عايز ايه ضروري اوي اوي النهارده لما يكون دخلي بسيط يعني مشحنشي الا اذا كان الخط هيتوقف و لما ربنا يسهلها ابقي اشحن و اتكلم براحتي
بس خلاص

نورا ضلام
05-01-2010, 08:32 PM
ربنا يكرمك استاذ سيد فوزي
جرعة تفاؤل مالهاش حل
:)
ياريت تبقا الحياة بسيطة كدة
انا مع اني مش شايفاها كدة مع الناس الحيطين بيا لكن طالما فيه حد شهد بانها ممكن تكون
يبقا اكيد ممكن تكون
مع اني انا وكل الناس ملاحظين التغيير والفرق الشاسع بين الزمن ده وبين من سنتين تلاتة فاتوا كانت الحياة اسهل كتيـــــــــــــــر
ربنا يعينا جميعا ياااااااااااارب ويرزقنا كلنا بالرزق الطيب الحلال اللي يكفي ويفيض
وفي النهاية مش بكتر الفلوس او قلتها
الموضوع هو البركة في الرزق ده مهما كان بسيط
يكفي ويزيد
وربنا يبراك لخلقه في الرزق يااااااااااااااارب
جزاك ربي كل خير استاذي
في حفظ الله

sayed.fawzy
05-01-2010, 10:10 PM
أخت نورا
الحياه هي الحياه من سنتين تلاته زي دلوقتي زي من خمس سنيين زي من عشره
وضع مصر زي ما هو متغيرشي من 1981 م حتي الان
برده من خمس سنيين كان فيه متفائليين و متشائميين
انتي اللي ممكن تشوفي الحياه زي ما انتي عايزاها
و كل واحد بيشوفها بطريقتوا
مش هاقولك ان الحياه كانت وردي معايا من يوم ما اتخرجت لحد دلوقتي
لا طبعا شفت ايام اسود من قرن الخروووووب
بس الحمد لله الابتسامه ماكنتشي بتفارق وشي وما زالت
دايما منشكح علي ايه مش عارف علي رأي واحد صاحبي
و عمري ما يئست و فقدت الأمل
كنت دايما عارف ان اليوم الحلو هو اليوم اللي لسه معشتوش
و ان اليوم الاسوء برده لسه مامرش عليا
حتي في الوقت الحالي انا معملتش 10% من اللي بحلم بيه
زمان برده في نفس جيلي كان فيه ناس بتردد نفس الكلام المتشائم ده
و من كتر تكرار الكلام ده النفس بتصدق انه حقيقي
من كتر ما بنسمع كلمه ( مفيش فايده ) بنفتكر فعلا ان مفيش فايده
لاه طبعا فيه فايده
بس نجرب و نحاول و نحاول
كل حاجه فيها نسبه نجاح و نسبه فشل
لو افترضنا ان نسبه نجاحنا 1 % اننا نحصل علي شغل يبقي لازم نجرب 100 مره و نروح 100 مكان
و نعمل 100 انترفيو عشان نوصل ل 1 %
و لو البلد حالها زفت خااااااااااااااالص و النسبه واحد في الالف يبقي لازم نجرب الالف مره
وهو دي الفرق بين واحد والتاني فيه واحد بيوصل لل 50 % و بييأس و فيه واحد بيجرب ال 60 %
و فيه واحد ممكن يوصل 99 % و يبقي فاضله التجربه الاخيره بس للأسف مبيكملشي
و فيه واحد بيقول مفيييييش فايده من البدايه و مبيجربشي
فأنتي إللي تقدري تحددي دلوقتي هتحاولي كام مره حسب رؤيتك لحال البلد و علي فكره كل ما حال البلد هيكون سئ من وجهتك نظرك لازم هتجربي أكتر عشان توصلي للواحد في الميه او في الالف او في المليون
حسب رؤيتك
أنا فاكر بعد ما خلصت كليه بسته شهور طبعا معنديش خبره و محدش محتاجني انا اللي محتاج اي حد يشغلني لفيت جميع مصانع العاشر من رمضان بالكامل بدون مبالغه عشان الاقي فرصه عمل و ملقتشي
(شفتي مش زي ما قولتي ان الظروف ايامنا كانت احسن ) و مع ذلك مزهقتش و الدنيا مقفلتشي في وشي لأه كنت عارف أن البلد حالها زفت و ان الفرصه ضعيفه و ان انا اللي غلطان لاني مجربتش اصلا عدد كافي يوصلني للواحد فكان لازم ادور اكتر و اكتر لدرجه اني كنت بادخل المكان او المصنع و انا متاكد اني مش هلاقي شغل و مع ذلك بادخل عشان اعد محاولات و اقرب للواحد
لا يأس مع الحياه و لا حياه مع اليأس
أعظم جمله في التاريخ
و مش عايز أكرر المثل بتاع الكبايه اللي نصها ميه
و فيه ناس بتبص للنص الفاضي و بتزعل و تقول يييييييه دا نصها فاضي
و ناس تانيه بتبص لنفس الكوبايه و تقول ياااااااااه الحمد لله دا نصها مليان
و الله هي الدنيا عايزه كده
مش شعارات و الله
جربي النهارده من قبل ما تنامي
و قولي انا ناويه اكون سعيده بكره و مش هاخلي اي حاجه
تزعلني مهما حصل مهما حصل
و عدي اي حاجه تضايقك كانك مشوفتيهاش
ركزي بس تكوني سعيده
و ان شاء الله هتكوني اسعد انسانه
بس خلاص

محمد الهوارى
06-01-2010, 12:51 AM
وفقكم الله ورعاكم وسدد خطاكم وحفظكم من كل سوء


من يتق الله يجعل له مخرجا ويرزقه من حيث لايحتسب
اعتقد هذا أفضل رد فحافظى على دينك وأنتظرى الفرج من ربك

نورا ضلام
07-01-2010, 12:07 AM
ربنا يكرمكوا بجد كلامكوا جميل
بس انا مش يائسة ولا حاجة بالعكس انا في منتهى التفاؤل والحمد لله الفترة دي ربنا ميسر لخطيبي بشكل ما شاء الله لا قوة الا بالله
انا كان قصدي بجملة ان الدنيا دلوقتي مش زيي زمان بمعنى ان اللي كان بيقبض 500 من فترة مش اكتر من 10 سنين كان بيبقا ملك دا شيء انا لمسته وعيشته
لكن دلوقتي كل حاجة بقت ناااااااااااااااار فعلا دي مش مبالغة اسعار كل شيء بقت خمس وعشر اضعاف
شيء لا يطاق دا كان قصدي بان المبلغ ده مش هيكفي مش يأس او كدة
واصلا انا سبب كتابتي للموضوع هو استهزاء اصحاب العمل بالفتيات اللي راحوا يقدموا في الفرص المعلن عنها في المجال ده
حاجة تخلي الدم يغلي
بعد ما تعبت كل ده وهى اتفرض عليها ده اصلا الكلية والدراسة
والموضوع كله
في النهاية لما تتقدم لشغل ذيها ذي اي شاب في مجالها تلاقي ردود تغيييييييييييييييييط فعلا وكأنها ارتكبت جريمة او رايحة تعمل حاجة حرام
وشوية شوية بابقا حاسة ان الشخصية اللي بتكلمني دي لو طالت هتضربني او تقفل في وشي التليفون
كأني جاهلة وبشحت شغل ما تعبتش في دراسة مواده اربع سنين من عمري على الاقل دا بغض النظر عن الثانوية والاعدادية وغيره
ومع الاسف كنت متفوقة :(
هو ده سبب فتحي للموضوع مش يأس لكن غضب من امثال الناس دي اللي بتحسس البنت انها تعبت نفسها على الفاضي وناقص يقولولها
روحي يا بنتي قشريلك بصلتين واقريلك كتابين في الطبخ يمكن تفلحي :(
ربنا يهدينا ويهديهم
وهما هما نفس الشخصيات بتتعامل مع مناظر تانية بتعامل تاني خااااااااالص
وكل يغني على ليلاه
ولا حول ولا قوة الا بالله

Dr.Ahmed Abdo
13-01-2010, 12:50 PM
قال تعالي(فلا وربك لايؤمنون حتي يحكموك فيما شجر بينهم ثم لايجدوا في صدورهم حرجا مما قضيت ويسلموا تسليما) النساء56
وقال تعالي ( وقرن في بيوتكن ولا تبرجن تبرج الجاهلية الاولي ) الاحزاب 33


"الاسلام لم يحرم عمل المرأة ولم يحرم خروجها لقضاء حاجتها ان احتاجت لذلك
قال رسول الله صلي الله عليه وسلم (اذن لكن في الخروج لقضاء حوائجكن)
لكن اذا لم تكن المرأة المسلمة في حاجة ضرورية او ملحة للعمل فلا شك ولاريب في ان بعدها عن الفتن اولي واكمل مع مراعاة الضوابط الشرعية
والالتزام بالحجاب الشرعي
والتعامل مع الرجال بضوابط وفي حدود قضاء المصلحه
الاحتراز من الخلوة مع الاجنبي في العمل "
(قولي لي بالله عليك كيف يمكنك الاحتراز)
"من وحي فتوي شيخنا الكريم محمد حسان"
شاهد
http://www.youtube.com/watch?v=zgKd6zF3ToM (http://www.youtube.com/watch?v=zgKd6zF3ToM)



ومن خواطر شيخنا الكريم محمد متولي الشعرواي رحمه الله
شاهد
http://www.youtube.com/watch?v=CFXloWfY1Nk (http://www.youtube.com/watch?v=CFXloWfY1Nk)

نورا ضلام
31-01-2010, 06:12 PM
جزاك ربي كل خير اخي الكريم
كلامك لا نقاش فيه
ولكن انا فعلا بحاجة لشغل
وربنا يسر للجميع الرزق الطيب الحلال
ويبارك لهم فيه
جزاك ربي كل خير اخي الفاضل
في حفظ الله