لو سمحتوا استفسار عن مبيد حشرى.....

[nadiaalihafez]

انا كان عندى زهرة وحيدة عباد شمس و هاجمتها حشرات المن الدقيقى و النمل فا جبتلها مبيد اسمة الملاسون/كيمينوف و خففتة بنسبة 2سم على التر ماء حسب التعليمات و بدات ارش النبات مرة واحدة كانت ليلا و المفروض ان ارشها كل اسبوع و لكن تانى يوم لاحظت ان فعلا الحشرات ماتت و الورق بتاع النبات اصبح كويس و استمرت لمد يومين ثم وجدت ان الوردة بدات تدبل و تموت ...............عايزة اعرف الخطا كان فى اية بالظبط مثلا ممكن يكون المبيد اصاب الزهرة و هى المفروض لا يتم رشها و لا اية المشكلة بالظبط

و شكرا لكم

[م جمعة عطا]

من الملاحظ انكم قمتم برش المبيد والارض تحت تاثير العطش مما اثر على بتلات الازهار وادى الى جفاف حبوب اللقاح ومياسم الازهار كان من المفروض ان يتم الرش على الاوراق فقط وعدم الرش على الازهار .... هذا الاحتمال الاول
اما الاحتمال الثانى يرجع الى انه احتمال يكون تركيز المبيد اكثر من اللازم
والله الموفق........

[yasserymn]

ممكن تكوني زودتي الرش زيادة عن اللازم ...
والمفروض يكون الرش علي السريع...

[طة السيد]

اولا :
يعنى اية من دقيقى

ثانيا : حشرة المن اذا كانت منفاى مبيد سيعالجها

ثالثا : الملاثيون والتركيز الى قولتية مناسب جدا

رابعا : استمرار الزهرة لمدة يومين تنفى تهمة الاهمال فى الرش اواستخدام المبيد لحساسية الزهور غالبا وسرعه تاثرها اذا اضيرت من الرش

يبقى مافيش غير انها عطشت منك او اتمت نضجها

[nadiaalihafez]

شكرا ليكم يا جماعة جدا .....انا مبسوطة انكم اهتميتوا و رديتوا عليا بصراحة كلامكم كلة مظبوط الحاجة الصح الى عملتها فى الموضوع دة ان النسبة كانت مظبوطة اما بعد كدة كلة انا عملتة غلط..... اولا انا رشيت كتير من المبيد عشان كنت عايزة ارش كل نقطة فى النبات عشان الحشرات كانت كتير و مضيقانى و عايزة اموتها باى طريقة يعنى كان الرش كتير ....ثانيا انا رشيت الزهرة كمان عشان كان فيها نمل و طالما انتم قولتوا ان كان المفروض مرشش الزهرة يبقى دة السبب التانى و عموما الحمد لله انا اتعلمت و ربنا يستر بقى فى النباتات الجديدة و شكرا ليكم تانى

[mora_227]

اسمحى لى اخت نادية اسجل تجربتى
انا ارش الملاثيون و لكن اغطى تربة الاصيص اذا امكن ، و اروى التربة رية غزيرة حتى لا تؤدى نقاط المبيد المتساقطة الى احتراق الجذور
تقبلى مرورى ، و تحياتى لكل من قدم افادة

[nadiaalihafez]

شكرا ليكى جدا يا mora_227 و دى فعلا فكرة جميلة

[mo3taz]

انا رأيي من رأي اليشمهندس طه

بس بالنسبه للمن

ممكن مكافحته عن طريق الماء فقط

او الماء والصابون

وبالنسبه للنمل اي مبيد يون بتركيز قليل

[طة السيد]

شكرا ياباشمهندس معتز على تايدك لراى وانا معك فى المن حشرة ضعيفة

[mo3taz]

لا شكر على واجب يابشمهندس حضرتك معلمنا الاول طبعا

بالنسبه للنمل

النمل بييجي للنبات من قلة الماء ويراعي عند وجود نمل ري


النبات والتربه .......

[طة السيد]

يا باشمهندس معتز هى يتقول نمل دقيقى فانا مستغرب التسمية مش اكتر

وطالما ذكرت النمل احب اقولك النمل بيتغذى على افرازات الجذور للنباتات والسليلوز

[mo3taz]

عارف يابشمهندس

بس النمل اساسا بييجي في التربه من العطش

صح فعلاجه الري

[محمد زهجر الدين]

اختى العزيزه/ سلسبيل مبيد ميلاسون او ميلاثيون كيمينوف هو مبيد فسفورى 75 فى الميه تاثيره وهو ذو تاثير قوى وفعال ولكن اعتقد ان رش المبيد غير موزع اى استخدمتى المبيد بطريقه صحيحه وربما يكون الموت او الذبول ليس سببه المبيد اصلا علما بان النسبه اللتى استخدمتيها ضئيله جدا ولا تسبب ذلك الذبول والامر طبيعى وليس هناك خوف منه تقبلى تحياتى شكرا