المساعد الشخصي الرقمي

مشاهدة النسخة كاملة : ما المطلوب في كلية الزراعة؟


osama shaker
12-10-2009, 01:46 AM
السلام عليكم ورحمة الله وبركاته
اخواني واخواتي
أنا سعيد ان انضممت لاسرة المنتدى الجميل ده وارجو ان اكون اخ خفيف عليكم
لو سمحتم دي اول مشاركة لي
************************
بعد اذنكم ...
عايز نصائح منكم لاني في سنة اولى زراعة
- تخصص عام - جامعة الازهر
وعايز اعرف ايه المطلوب مني علشان اكون متفوق بين زملائي ومتميز وانال حب الدكاترة ؟؟؟
وايه اللي همر عليه خلال السنتين الاول
لاي بصراحة مبقتش فاهم اي حاجه

وهل لو فيه اي مسألة أو نقطة مفهمتهاش - لاقدر الله - هل فيه حد هيساعدني فيها ؟؟؟؟
وان شاء الله ان هبذل مجهودي طبعا قبل ما اسال

ومتشكر جدا .. ومنتظر منم الرد .. وتقبلوا مني وافر الاحترام والتقدير :-)
osama shaker
13-10-2009, 03:50 AM
ايه يا جماعة ...
هو حاجه من الاتنين .. يا إما انا لوحدي في المنتدى وده مستحيل .
يا إما مليش مكان في المنتدى وده جايز وممكن
ع العموم .. شكرا جزيلا
ندوة
13-10-2009, 05:22 AM
اهلا بك معنا ونتمنى لك التوفيق في دراسك

والمطلوب منك المتابعة اولا مع الاساتذه
وثانيا حاول ان لاتعتمد فقط على المحاضرات وانما تعتمد على مراجع اخرى لتستفيد مما في الكتب من معلومات ..وتجارب..

ونسال الله التوفيق والنجاح للطلبة الاعزّاء ......
طة السيد
13-10-2009, 10:40 AM
ياعم اسامة ركز شوية وبطل لعب الزراعة من الكليات العملية التى تحتاج الى حضور مكثف حيث ان نسبة الحضور والعملى فيهم ارعين فى المية من درجات النجاح وبعدين قدامكمسنتين هاتدرس كل حاجة وبعدكدة شوف راسك هاتوديك على فين للقسم الى هاتلقى نفسك فية مع اطيب التمنيات بالنجاح ويجعله عامر
رانيا رمضان
13-10-2009, 04:16 PM
صبر صبرك يا سمسم باشا
انا لي 3 ايام ما دخلت النت لأنو الكمبيوتر اتفرمت
اقوم اجي الاقيك عامل دوشة وهليلة واكتشفت انك براك في المنتدى ووحيد
يا حرااااااااااااااااااااااااااااااااا اااااام


:makefun::laugh::makefun:


شوف يا سيدي

ذاكر اول بأول واتعلم تجي الاول ولاحظ من اول سنة ايه المواد اللي حتجذب انتباهك وميولاتك وركز عليها ومن الاول حدد هدفك واعرف انت عايز تبقى ايه
اكاديمي يعني معيد
مهندس زراعي يعني امكانات ومعلومات شاملة بعلم الزراعة من التربة لحدت التسويق
منتدانا دا بسهل عليك اخذ المعلومات من مختلف الاقسام وتابع معانا في المنتدى واكيد مش حنخيب ظنك وحتلاقي اللي يجاوب عليك
mahmoudram2030
13-10-2009, 05:57 PM
1- تبييض المحاضرات اول بأول
2- أعرف ايه اللى بييجى من السكاشن فى الامتحان فليس كل مايعطى بييجى فى الامتحان
3- هات امتحانات 5 سنوات سابقة على الأقل لان الامتحان عادة مبتتغيرش
4- احترم الدكاترة ووقرهم فلم يصلوا الى ما وصلوا اليه من فراغ
5- أى حاجه مش فاهمها اسئل الدكتور فيها كل الدكاترة يتمنوا يسعدوك
6 - متهتمش بالبنات ولا الانشطة الطلابية
وربنا يوفقك الجميع
دكتور بكلية الزراعة جامعة ..........
osama shaker
13-10-2009, 10:32 PM
السلام عليكم ورحمة الله وبركاته
أنا بجد سعيد اني لقيت حد يوفرلي كل المعلومات القيمة دي ..
وبقيت اسعد لما بقيت عضو في اسرة المنتدى الجميل ده .. بأعضائه ومشرفيه
بشكركم بجد من كل قلبي على اهتمامكم بسؤالي
وبتمنى لكم تكونوا كلكم بخير وسعادة
وان شاء الله هبقى عند حسن ظنكم

واخص بالشكر دكتور mahmoudram2030
على نصائحه المفيدة وان شاء الله هتبعها بقدر الامكان واكتر ان شاء الله ...

تقبلوا مني وافر الإحترام والتقدير ,,,
mahmoudram2030
18-10-2009, 11:20 PM
أهم حاجة نسيتها للاسف
انك تكون ف معية الله يعنى تذكر ان كل عمل او قول حسن سيقربك الى الله والعكس صحيح
تخيل لو قالو لك استعد عشان هتقابل رئيس الولايات المتحده الرئيس اوباما فمبالك بخالق اوباما
ربنا يوفق الجميع
lenenmarcks
21-10-2009, 07:07 PM
كل المطلوب منك التركيز على دراستك لكي تتفوق فيها
واتمنى لك مستقبل مزدهر
زراعة الازهر
21-10-2009, 07:18 PM
بسم الله الرحمن الرحيم
اخي العزيز
انا في كلية الزراعة - جامعة الازهر - السنة الرابعة
لو احتجت اي حاجة قولي ع طول وان شاء الله ربنا يقدرني واكون خير عون لك

والسلام ختاااااااااااااااااااااااااااااام
abbo
28-10-2009, 01:31 PM
يا سيد اسامه اسمع كلام البهوات واوعي تغيب من المحاضرات
دا اول هام
تاني هام انت قلت تخصص عام لكن نصيحتي ليك ما تهمش اي مادة حتي ولو كنت ما بتحبها لانها حتلاقيك حتلاقيك (ولات حين مندم)
ثالث هام ابعد من البنات ولا تأنتم الحسناوات..!!!!!!!!!
ولنا لقاء
abbo
28-10-2009, 01:33 PM
انت قلت الازهر اذاً اسحب الهام الثالث ولكن لا تنسي الاول والثاني
نيرمين
28-10-2009, 01:56 PM
بعد كل النصائح المهمة يلي تقدمتلك بدعيلك بالتوفيق وبقلك انو ما ضل شي مهم غير وتقدم النصح إلك فيه بس أهم شي إنك تحب المواد يلي عم تدرسها وما تدرس لمجرد العلامات ادرس المواد وحاول تسقطها بذهنك على الواقع لأنك لما بتحب المادة بتصير فيك تدرسها لساعات طويلة بدون ملل .
موفق يارب وان شاء الله بتكون علاماتك أفضل العلامات ولما بتتفوق ياريت تخبرنا مشان ناكل حلوان النجاح:dwink::laziz:
meky
28-10-2009, 06:56 PM
بسم الله الرحمن الرحيم

بالظبط مثل ما المهندسة /نرمين

مش مهم الدرجات ولا التقدير

اجعل عملك خالص لوجه الله

واتعلم عشان تتعلم

وبالتوفيق
Mohamed Omar
03-11-2009, 02:40 PM
توكل على الله ومتعتمدش انك تاخد محضرات من حد ولازم تبقى مركز فى المحاضر وترجع تذاكرها ده اهم حاجه انا مجرب :D
eng.waleed
07-11-2009, 11:40 AM
صح كده الجماعه قالوا كل حاجه
بس حب الدراسه وهى على العموم شيقه
بس المهم زى ما قالت الاخت نرمين
ناكل حلوى النجاح:makefun:
hassn2008
14-11-2009, 04:18 AM
كلية الزراعة من افضل الكليات اخى العزبز
ونسال الله لك التوفيق والسداد
رامى محمد احمد
14-11-2009, 12:21 PM
السلام عليكم
اما نصيحتى لك ان تتعلم الانجليزية جيدا حتى تكون على دراية بتطور العلوم الزراعية فهى فى الخارج متقدمة جدا ولن يساعدك على الالمام بها الا اذا كنت بتعرف انجليزى كويس لاننى مثلا اعانى الان صعوبة الدراسة العليا بسبب الانجليزى
ودمت بخير