المساعد الشخصي الرقمي

مشاهدة النسخة كاملة : إستفسار بسيط عن أجر المهندس الزراعى



mohamed hegazi
20-08-2009, 04:12 PM
بسم الله الرحمن الرحيم


معلش يا جماعة أنا عندى إستفسار بسيط وأتمنى أن ألاقى توضيح ليه من أهل الخبرة فى المنتدى
أنا جبت حتة أرض مساحتها 5 فدادين فى منطقة قلابشو الزيان وحتتزرع بطاطس بنظام الرى بالتنقيط
وإتكلمت مع دكتور فى كلية الزراعة جامعة المنصورة عشان يمسك ليه الأرض وحجيب معاه مهندس صغير عشان يتابع ويشرف على التنفيذ
الحقيقة أنا لسه ما إتكلمتش معاه فى الأجر وأنا معنديش خبرة بالموضوع ده لأنى أول مرة أتعامل مع دكتور فى الجامعة وبصراحة خايف أعتمد عليه وفى الأخر بعد ما أجهز كل حاجة يدبسنى فى سعر خيالى عشان كده أنا حقعد معاه بعد بكره عشان نتفق على الأجر


كنت عايز من أصحاب الخبرة فى المنتدى يدونى تقريبا السعر المتوسط لأجر الدكتور ؟
والسعر المتوسط لأجر المهندس اللى مسئول عن التنفيذ ؟
وهل الأجر ده بيبقى مرتبط بالمساحة يعنى مثلا بياخد كذا على الفدان ولا على الأرض كلها ؟
وهل بياخد نسبة من الأرباح بتاعة كل عروة ؟
وهل أجره بيبقى على الموسم ككل ولا أجره بيبقى شهرى؟
وإيه هى المدة أو الفترة الزمنية اللى المفروض يكون متواتجد فيها فى الأرض يعن يزور الأرض كام مرة فى الأسبوع عشان يتأكد من صحة التنفيذ ؟


أنا عارف إن كل واحد له أسلوبه بس أنا عايز المتوسط عشان أقدر أتكلم مع الراجل وأنا قاعد معاه وأعرف أرد عليه ميدنيش رقم وأنا مش عارف إذا كان ده كتير ولا قليل


أنا عايز اللى كان عنده أرض وإتعامل مع مهندسين زراعيين أو دكاترة زراعة يقولى طلبوا منه كام ؟
أو حتى لو فى دكاترة أو مهندسين زراعيين يقولولى بيتم التعامل معاهم إزاى من أصحاب الأراضى ؟


وشكرا جزيلا لكم واتمنى أن أجد ضالتى عندكم بس ياريت تجوبونى بسرعة قبل ما أقعد مع الدكتور