حصلت على عرض لوظيفة، ما رأيكم؟

[محمد الشيخ 999]

أنا يا جماعه الحمد لله جالى عقد عمل للسعوديه 2000 ريال سعودى والشركه اسمها شركه مصانع الرواد للصناعات الكيماويه . والسكن والانتقالات والتأمين الصحى على الشركه . هل الراتب كويس ولا ايه؟ ولو فى حد يعرف اى معلومات عن الشركه يقولى ارجوكم ساااااااعدونى.
الشركه فى الرياض

ايه ياجماعه مفيش اى حد عاوز يرد؟ ياريت تسااعدونى

[سهيل نعيم]

الحياة تجارب اخ محمد عيش التجربة مش حتخسر حاجة وده رزق ربنا كتبهولك كما قال تعالى( وفي السماء رزقكم وما توعدون ) صدق الله العظيم انت انوي الخير وانشاء الله تكون وظيفة كثير ممتازة الك ولو كان الراتب قليل بنشاطك واجتهادك يرتفع ويكون كثير كويس وربنا يوفقك

[خالد الصعيدى]

السلام عليكم
ماحدش عاوز يرد علشان اسف فى التعبير سؤالك فيه شيئ من السذاجه الغير مطلوبه . انت ادرى بشئون نفسك لو مش عاجبك الراتب وظروفك مرتاحه هنا خلاص ماتقبلش .

[bioagriculture]

الاخ العزيز نصيحتي لكل شاب مصري لا تسافر وكفايه بقي تبيع نفسك وصحتك وخبرتك ووقتك في الفاضي الان اسبحت المرتبات في السفر شيء غير مقبول 2000 ريال بقيمه 3000 جنيه مصري والله لو قعدت في بلدك وبعت فوط صفراء في اشاره المرور هاتكسبهم والله كل الموضوع ان الشباب عندنا مش عايز بشتغل والله في مجالات عمل حر في مصر ممتازه باي طريقه وباقل راس مال ممكن تعمل كتير والله انا حزين علي شباب مصر ......انا جربت السفر وكانت حالتي ممتازه ولما رجعت مصر شجعني احد اقاربي في العمل الحر والان والله اكسب ما لايستطيع اي عقد عمل تحقيقه لي . حاول واكسر حاجز الخوف اللي مضيع كل شباب مصر

[ahmed-hussein]

I do not think that is a good salary for you but it depends on your certifications

[عفاف]

المرتب ده ضئيل جدا
العمل في مصر أفضل ..حتى لو بربع المرتب المذكور..كفاية إنك في وسط أهلك..الغربة صعبة جدا ..وحتفضل محلك سر..عمرك ماحتترقى..ورئيسك اللي حتقدم له فروض الطاعة والولاء بيفك الخط بالعافية..وسنة حتجر سنة ..ويفوت عليك 20 سنة ومش حتحقق حاجة ..وترجع مصر تلقى زمايلك اللي أصبح وكيل وزارة..واللي أخد دكتوراه ..واللي عنده بيزنس خاص به

[محمد الشيخ 999]

شكرا ياجماعه على الردود الجميله دى
أنا شغال فى شركه فى مصر الراتب 450 جنيه هى شركه قطاع اعمال . انا مش عارف اعمل ايه اسافر واسيب الشغل بتاعى مع انى لو سيبت الشغل مش هعرف ارجعله تانى وانتم عارفين حال الشركات فى مصر.
ياريت لو فيه حد من السعوديه يقولى رواتب مهندس زراعى خبره اربع سنوات فى المشاريع الزراعيه يكون كام؟

[محمد عبد السلام]

أخى محمد:
كما ذكر الاخوة و الاخوات السفر مخاطرة فى حالتك غير محسوبة لكن اذا لم يكن لديك ما تخسره فيمكنك السفر على الاقل للتجربة و الاقتناع بما لديك ... لكن لما عرفت أنك تعمل فى وظيفة جيدة و ستفقدها اذا ذهبت أنصحك بالا تذهب فالمرتب بسيط جداً و لا يتناسب مع خبراتك...استمر فى عملك الحالى و بالتوفيق...

[sayed.fawzy]

انا من رأيي تخوض التجربهو بعدين شغال براتب 450 جنيه يعني مش الشغلانه اللي تزعل عليهاو معناها ايه انك لو سبتها مش هتعرف ترجع تاني؟ ما تشوف غيرها يا اخييعني قبل ما تشتغل فيها كنت فيينو طول ما القطاع الخاص حاسس انك خايف تسيبه و مش تلاقي شغل بيمرمط فيكو بعدين بتقول انك خبره طيب فين راتب الخبره؟؟المهندس الزراعي حديث التخرج اللي مش عارف حاجه دلوقتي راتبه 500 جنيهتوكل علي الله و غامر مش هتخسر حاجهلو ما غامرتش هتفضل طول عمرك محلك سرلازم تخاطر و تجرب و تكسب خبرات جديدهو بعدين متبصش للراتب دلوقتي بس للخبره اللي هتكتسبها و مكان جديد بخبره اكبر هتحطه في السي في بتاعكممكن تعمل العقد سنتين و بعد السنتين تطلب مرتب كويس او تشوف مكان تاني هيكون عليك طلب

[IBRAHIM.KORTOBI]

اهلا بك في السعوديه الراتب كبدايه كويس وانت هاتشتغل في شركة كيماويات يعني هاتتعلم حاجات كثيره وخبره جيده والمحترم في مصر هايحترم في السعوديه ومافيش كلام فاضي بس الشغل شغل يعني 8 ساعات عمل وممكن تزاد شوية والحياه هنا ماتفرقش عن مصر غير انك بعيد عن الاهل بس مافيش وجع غربه ولا اهانات ولا كلام فاضي انت في وسط اهلك وناس بتحبك طول ماانت بتدي وبتعمل الواجب الي عليك هنا هاتشوف جميع الجنسيات وجميع الاديان السماوية وغير السماويه والكل عايش وبيبسط نفسه وماحدش هايسألك انت مين طول مانت مابتعملش مشاكل لحد وعايش وبتشتغل . وبعدين انت ناسي الحج والعمره احسب كدة قيمة الحج لمرة واحده وضيفها علي دخلك في السنه الاولي اتوكل علي الله وربنا يوفقك وانا في جده من 20 سنة وربنا يوفق الجميع للخير وده ذي ماقالك احد الاخوه رزق معين في مكان معين حدد القيمة والمكان رب العباد من قبل الولاده احنا بس بنجتهد وبنعمل الاسباب .

[Jamal_Abazid]

السلام عليكم ورحمة الله وبركاته

صباح الخير للجميع

الأخ محمد الشيخ

أنا أحترم كل الآراء الواردة بالردود وما كتب أحدهم رأيه إلا عن خبرة ودراية بأحوال العمل والغربة و يريد لكَ الخير .

أما رأيي

الشركة التي سوف تسافر لها لا اعرفها وممكن أسألك عنها حسب مقدرتي ومعرفتي بكم شركة من الكيماويات هنا .

أخي العزيز أعطيك تجربتي .

أنا أخوك العبد الفقير كنت في بلدي وأموري والحمد لله ماشية وسعيد ضمن اصدقاءي وعملي ولكن بعد تفكير أحببت أن أطور نفسي وحياتي ولم استطع الوصول إلى أحسن ما أنا عليه .

عرض علي عقد عمل في المملكة العربية السعودية براتب وقدره ( 1500) ريال سعودي
فقط لاغير .

وفي مجال غير مجال عملي وتخصصي وبعيد عن الحدائق والزهور .

فكرت وقلت ماذا سأربح وماذا سأخسر من هذه المغامرة .

خسارتي هي عملي في بلدي وغربة أصدقائي وأهلي .

الربح يكون وفكرت بها على هذا النحو .

_ سوف أذهب وسوف أغامر وحياتنا واحدة ويجب التخطيط لهذه المغامرة . وكان هدفي واحد وخططت له كالتالي : سوف يأتيني عقد عمل على أختصاصي ولن أعرف طبيعة التعامل والشركة وسوف أسأل وأسأل وأسأل والأجوبة سوف تكون سالب وموجب . ما دام جاءني عقد العمل هذا وفي مدينة كبيرة مثل ( الرياض , جدة , الخير ) سوف أذهب وأكتشف بنفسي و أعتبر هذه السنة أو السنتين خبرة حياة مضافة لحياتي وإن خسرت لن أخسر الكثير .

الخطوة الثانية : عندما أكون في قلب الحدث ( مسروقة من قناة الجزيرة العبارة ) عندما أكون داخل السعودية أول عمل أقوم به هو الأخلاص لعملي المؤقت وإنشاء شبكة علاقات عامة من شريحة الأخوة الذين يعملون في مجال الحدائق والزهور في الغربة وهذا الأمر سهل للغاية .

عندها أكون قريب من أرض الواقع وأتعرف على الرواتب ومزايا الشركات وتعامل أرباب العمل ووووووو .... و قبل أنتهاء فترة عقدي أكون كونت فكرة شاملة كاملة و خلال هذه الفترة يكون أصدقائي وشبكة علاقاتي العامة التي كونتها هي من تبحث لي عندها على عقد محترم .
( قد يقول بعض الأخوة : تكون قد خسرت سنتين من حياتك , خسرت , و........ ... فأقول : لا يهم أمامي بمشيئة الله العمر كله أربحه .) ..

عقد العمل في شركة الرواد يا أخي محمد لن يستطيع ربطك طوال العمر بهم وإذا أراد أحدنا الرجوع وفسخ العقد فهناك ألف ومائتين وستة طرق لفسخ العقد ولا أحد في الدنيا يستطيع أن يلزمك بالمتابعة .

الراتب 2000 ريال ولكن هناك ما تستطيع الأعتماد عليه ونسي الأخوة أمور مهمة في السعودية وهي مهمة جداً ويعلمها المغترب ألا وهي ( المواصلات والسكن ) يعني2000 ريال تستطيع أن تدخر منها مبلغ 500 جنيه راتبك بمصر المحروسة بكل سهولة . إذاً أعتبر سفرك وضريبة غربتك مدفوعة الراتب بمصر الحبيبة . هذا على الأقل .

الحمد لله من تجربتي أنا قد نجحت في الوصول إلى ما أردت ورسمت وخططت .

أخي محمد لا تنسى ما قاله لك الأخ الحبيب IBRAHIM.KORTOBI إذا خسرت ماديا فأنك سوف تربح الحج العمرة إلى بيت الله تعالى .

الحياة مغامرة وإذا جلسنا ننتظر الفرصة فلن تأتي على طبق من ذهب .. تقدم أنت خطوتين والفرصة تتقدم خطوة .

أنزل على أرض واقعك فلا أحد غيرك يعرف واقعك وطبيعة حياتك وظروفك وأحكم أنت بما ترضاه لنفسك وأخلص لله تعالى فهو من سوف يكون لك العون بحياتك ومستقبلك . واستخير الله تعالى بما سوف تقدم إليه .

شكراً لله دائماً وأبداً وشكراً للأخوة جميعاً وأنا على يقين بأن الجميع كتب بما هو مصلحة للأخ محمد الشيخ من وجهة نظره .

اسف على تداخل الرؤى والكلمات في ردي

أحترمكم ولكم مني الأحترام المتبادل .

جمال أبازيد .

[محمد الشيخ 999]

أنا يا جماعه عاوز اعرف راتب المهندس الزراعى خبره اربع سنوات فى المشاريع الزراعيه؟ يكون كام؟

[علي ابو النجا]

ماعليك من الراتب الراتب كويس هي الشركات رواتبها حتى للسعوديين يارجل كما قال الاخوان هتكسب حج وعمرة وربنا كاتب عليك كذا اعقلها وتوكل على الله الذي لاتضيع عنده ودائعه وكفى بالله حسيبا

[رانيا رمضان]

محمد انت مهندس زراعي عمرك يادوب 25 سنة يعني اسم الله عليك يا دابك كتكوت طالع من البيضة شكلك اشتغلت بدري من اول ما اتخرجت (ما شاء الله اللهم لا حسد)
اللي انا عايزه اقوله اني ما بوافق كتير من الاراء اللي قالتليك ما تسافر
انا بقول ليك سافر زمان قالو في السفر سبع فوائد
بالنسبة للرارتب هو راتب بسيط لا شك امام خبرتك لكن ما تنسى انهم حيوفرو ليك السكن و العلاج و المواصلات يعني لو عشت على الف حتوفر الف ودا مبلغ ما حتلاقيهو في مصر بعمرك الحالي دي وخبرتك اللي بتتشاف قليله في سوق العمل وانت شايفها كبيرة
اتخيل انهم ادوك راتب 5000من غير علاج ولا سكن ولا مواصلات
انا اتولدت في السعودية وعشت فيها كتير لكني ااكد ليك انو لو انت عايز تسكن في شقة محترمة ايجارها ما حيقل عن 10000 في السنه والعلاج لو اصابك مروه لاسمح الله حتشيل كل اللي وفرتو عشان تدفعو في ليله حتقضيها في مستشفى محترم
خلاصة القول ومن شخص عاش في السعودية بقول ليك ادخل التجربة وباذن الله ما حتندم و الاهم من دا كلو انك حتزيد سطر في السي في بتاعتك وانت في عمر الكتكوت ومن جهة وبلد محترم
ماتستعجل على الفلوس و الراتب الكبير حيجيك يوم وحتكسب بس المهم ابني حياتك صح وكل سطر في السي في بتاعتك زيدو بدراسة متأنيه وعميقه للموقف

دعواتي لك بالتوفيق

[محمد الشيخ 999]

أنا الحمد لله اشتغلت من اول ما اتخرجت والحمد لله فى شركه قطاع اعمال شركه زراعيه
ياريت لو فيه حد يشوفلى عقد كويس لان انا اتصلت بواحد فى السعوديه قالى انك هتوفر 1000 ريال وعمر ما مرتبك هيزيد الا بعد اربع سنوات ممكن الراتب يزيد وده احتمال ضعيف

[Jamal_Abazid]

أنا يا جماعه عاوز اعرف راتب المهندس الزراعى خبره اربع سنوات فى المشاريع الزراعيه؟ يكون كام؟

خبرة أربع سنوات في المملكة لا شيء في سوق العمل هنا .

[محمد الشيخ 999]

طيب هما عوزيين كام سنه خبره ؟

[علي ابو النجا]

شوف مدير مشروع زراعي قمح في السودان لواحد مستثمر سعودي راتب2000دولار(6000جنيه)تقريبا على القائمة الرئيسيه