المساعد الشخصي الرقمي

مشاهدة النسخة كاملة : أرجو المساعدة في وظيفة في مجال الزراعة



ahmed fthy
19-07-2009, 05:40 PM
انا مهندس زراعى خريج 2003 قسم ارشاد زراعى
بس بصراحه مشتغلتش بالمؤهل خالص ومعنديش اى خبره لانى اول لما اتخرجت فتحت مشروع انترنت كافيه فبى كل خبرتى فى الكومبيوتر ونفسى اشتغل بالزراعه اوى بس ياريت فى مجال اللاند سكيب انا عمرى 29سنه ومتزوج واعول فهل من مجيب لى

ندوة
19-07-2009, 05:49 PM
اخي الكريم

طالما انت في مكتب الانتر نت فبامكانك التدريب على تصميم الحدائق بواسطة برامج خاصة بالتصميم لتسهيل المهمّة عليك ومن ثم ابدأ بمراجعة نباتات الزينة واقسامها واسماءها وكيفية استخدامها في تنسيق الحدائق وفي قسم الزينة وتنسيق الحدائق ما يعينك ..واي سؤال نحن موجودين للمساعدة..ونتمنى لك التوفيق..

ahmed fthy
19-07-2009, 09:09 PM
اولا انا لسه مسجل عضويه جديده معاكم هنا فياريت تقبلونى اخ ليكم فى هذا الموقع الجميل انا اسمى احمد فتحى محمد حاصل على بكالوريوس زراعه جامعه المنوفيه سنه 2003 والحمد لله على كل شىء انا مش لاقى اى وظيفه ليا ونفسى اشتغل فى مجال الزراعه اوى وبالاخص فى الاند سكيب او حتى تدريب فياريت حد يفيدنى لانى بصراحه مخنوق جدا من غير شغل مع العلم انى متزوج واعول وانا خريج قسم ارشاد زراعى بتقدير مقبول
ولكم جزيل الشكر

taiser
19-07-2009, 09:15 PM
نتمنى لك التوفيق و النجاح في حياتك و ان شاء الله تلقى طلبك اخي الكريم

م/ فوفو
20-07-2009, 03:58 AM
نتمنى لك التوفيق فى حياتك
وأن تجد عملا جيدا مناسبا
و أهلا بك أخاً عزيزا علينا بالمنتدى

مهندس محمد عبد الله
20-07-2009, 04:41 AM
اهلا بيك
قم بوضع السيرة الذاتية لك فى قسم عرض وطلب وربنا يوفقك

fahad ksa
20-07-2009, 08:46 AM
الله يفتح لك ابواب رزقه
مثل ماقال المشرف ضع سيرتك الذاتيه
وانا اقول لك ضع ايميلك في خانه الكاتب

خالد ابوعيسى
20-07-2009, 10:14 AM
السلام عليكم ورحمة الله وبركاتة
الشعور الطيب فى هذا المنتدى الطيب الكل اخوة وهنا بالذت يوجد روح تعاون
خذ بنصيحة الاخوةوربنا يكرمك ان شاء الله
تحياتى فى امان الله

نسرين يونس
20-07-2009, 01:57 PM
اخ احمد توكل على الله وضع السيفى زى ما قالولك الزملاء .
وربنا يجيبلك الى فى الخير يا رب ,
ونتمنى لك التوفيق والنجاح الدائم باذن الله.

ahmed fthy
20-07-2009, 10:43 PM
:thinking:انا مهندس زراعى خريج 2003 قسم ارشاد زراعى

الاسم: احمد فتحى محمد
المؤهل: بكالوريوس زراعه جامعه المنوفيه
القسم: ارشاد زراعى
الموقف من التجنيد:اعفاء نهائى
العنوان :8 شارع محمود اسماعيل شرق الثانويه بنين -بنها قليوبيه
رقم الهاتف:0104711161
الايميل:mody22_mody22[at]yahoo.com





الخبرات:
دوره فى التقنيات الحديثه للزراعات المحميه فى المركز القومى للبحوث الزراعيه

دوره فى الاسس السليمه والرعايه الصحيه فى تسمين الحيوانات المزرعيه



نفسى اشتغل فى مجال الاند سكيب بس معنديش خبره فممكن حد يساعدنى

المهندس الحر
21-07-2009, 03:31 PM
والله يا أحمد إنت إعطتني أمل إني لسه ممكن أرجع للمجال من تاني أنا كمان من أول ما اتخرجت وانا ما اشتغلتش في الزراعة برغم إن عندنا مزرعة في النوبارية ومساحتها 45 فدان ومزروعة موالح وفيها قسم انتاج حيواني وما شاء الله شغاله لكن تعمل إيه بئا إخترت بإيدي إني أسافر وأسيب المزرعة واشتغلت في وظائف إدارية ونسيت خالص موضوع الزراعة برغم إني من وقت لآخر بشعر بالحنين له وبصبر نفسي بدخولي هنا المنتدى علشان ما انساش إني مهندس زراعي ..

يمكن إنت فرصتك أكبر وأحسن .. ده حتى أنا فكرت مرات اني اترك الغربة وانزل مصر واشتغل اي حاجه في المجال الزراعي بتاعنا لإن حاسس إن الأيام بتجري والواحد مش حاسس .. إنت فرصتك أكبر لإن في مصر المجال الزراعي منتشر شوية مش زي في البلد اللي انا فيها الوقتي يكاد يكون المجال الزراعي منعدم مما يؤدي إلى ضعف الرواتب وبالتالي كنت مضطر إني أشتغل في أي مجال غير مجال الزراعة ..

أنا لو مكانك .. أبدأ أشوف الإعلانات اللي بيطلبوا فيها مهندسين زراعيين حديثي التخرج .. أي نعم حتتبهدل شوية بس السلم بيبدأ بدرجة .. خد إنت أول خطوة وإن شاء الله يسهلك بقية الخطوات ..

كمان .. إنت حوليك أماكن ممكن تعمل فيها دراسات عليا كثير بجانب الشغل .. زي مثلاً معهد البحوث والدراسات الزراعية في السادات .. ده أنا لما شوفته على النت كان نفسي أنزل مصر وأقدم فيه وأحقق كل اللي كنت بتمناه

ساعات الطريق بيلف بينا وما بنعرفشي إحنا رايحين فين .. لكن لازم لنا وقفة ونشوف إحنا رايحين فين بدل ما طول عمرنا نفضل نلف في متاهة وفي النهاية يبئا الندم مصيرنا ..

تحياتي وتمنياتي بالتوفيق

أنا أكثر واحد حاسس بيك .. وإذا كان المهندس الزراعي مش واخد مكانته ووضعه اللي المفروض يبئا عليه فالمهندس الزراعي لما بيشتغل في مجال غير الزراعة بيتعب أكثر وبيلاقي نفسه لا طايل سما ولا طايل أرض ..

ahmed fthy
22-07-2009, 07:31 PM
الف شكر لاهتمامكم بس ياريت حد يساعدنى اشتغل

ahmed fthy
08-08-2009, 08:50 AM
ايه يا جماعه مفيش حد يقدر يساعدنى هنا ولا ايه

رانيا رمضان
08-08-2009, 10:20 AM
انا مش عايزة احبطك يا احمد
لكن لازم تعرف انو من الصعب تلاقي شغل بخبرتك البسيطة دي في مجال الاندسكيب
انا بنصحك انك تبدأ من الصفر وتشوف مؤسسة تعمل فيها تدريب ما يقل عن سنة وخلي في بالك انو احتمال كبير تنزل التدريب و تدرب بدون عائد مادي لكن بالمقابل حتطور من نفسك
الكويس انو عمرك لسه صغير ودا حيساعدك انو لسة عندك فرصة لتجديد السي في قبل ما تصل ال30
لوكان عندك فرصة وحظ يمكن تتثبت في نفس المؤسسة او اثناء عملك معهم تتعرف على مؤسسة تثبتك
لازم تسعى وتثابر وتكتسب خبرة مش من خلال العمل و التدريب بس لكن من خلال القراءة
و أهو عند منتدانا يعتبر موسوعة
عايز معلومات حتلاقي
عايز افكار تصاميم لحدائق حتلاقي
عايز تصميم شبكات ري حتلاقي
عايز تتعرف على امراض النبات و العلاج حتلاقي

انت بس قول يارب واسعى و الله كريم عليك وعلينا

ahmed fthy
09-08-2009, 04:33 PM
الف شكر على اهتمامك بيا وردك عليا بس انا والله زهقت من القاعده وبرضو الخبره العمليه احلى وانا خلاص نفسى اشتغل فى اى مجال مش هربط نفسى بمجال معين بس ياريت الاقى اى حاجه فى مجال الزراعه

الحديقة الغناء
09-08-2009, 06:42 PM
أخي أحمد
تخصصي لا علاقة له بالزراعة
و لكن أحب القراءة في هذا المنتدى و الذي أعتبره كلية زراعية و لكن بدون شهادة
استفدت كثيراً من الإنترنت و لدي الاستعداد أن أعمل بمفردي في هذا المجال
سؤال يا أخي أحمد
تقدر تربي 5 دجاجات ؟
هل تستطيع شراء فقاسة بيض 42 بيضة ؟
خلال 9 أيام تقريباً تمتلئ الفقاسة .. و يمكن ينجح معاك 38 بيضة إذا كان شغلك مضبوط و اتوفقت بإذن الله
21 يوم والبيض فروخ
ممكن تأكلها ؟ راح تكبر
مو ممكن تأكلها بيعها فروخ .

حبه حبه و تطور نفسك

والله يا أحمد و أقسم لك بالله أني تزوجت و أنا طالب و خسرت في تجارة كانت معي لدرجة أني ما عاد عندي مصروف حتى قيمة الخبز لا أملكها .. و كافحت حتى أصبحت أملك عقارات ولله الحمد
كنت أشتري صيصان دجاج في نهاية الشهر قبل ما يستلم الموضفين رواتبهم لأن الشراء ضعيف و الأسعار أرخص و في الصيف لأن الناس عندنا يعزفون عن شراء الحيوانات من شدة الحر .. فأشتريها و أعتني بها حتى تكبر و يخف الحر و أبيعها بأضعاف قيمتها .
و كنت أشتري فروخ رومي و نفس الحكاية
و كنت أشتري أجواز حمام في رمضان قبل الفطور الناس في الحراج مستعجلة تمشي علشان تفطر و أنا أخبرت زوجتي أن فطوري ثلاث تمرات في يدي سآكلها في أي مكان أكون فيه .. فيستعجل البائعون في آخر العصر في الحراج ( يعني ما معاهم دكاكين و سيعودون ببضاعتهم ) فيبيعوا برخيص و أنا أقتنص الفرص و أشتري أجواز حمام واضح عليها أنها منتجه وأبيعها مع فروخها بعد رمضان بمكسب

الحياة كفاح
و الثروة تبدأ من الصفر