المساعد الشخصي الرقمي

مشاهدة النسخة كاملة : احذرو شركة الوادى للانتاج الداجنى سابقا



anawenta_20011
18-07-2009, 07:20 PM
اولا اعرفكم بنفسى انا د على محمد سيد طبيب بيطرى

قريت اعلانات الشركة النصابة دى على النت زى منتوا كلكم بتقروها اتصلت بيهم هو النمر الابيض هنا ف المنتدى اخوة اسمة واسمه بالكامل اتفقت معاهم نعمل معمل تفريخ مشاركة انا بمكنة 12 الف بيضة وهما بمكنة 19 الف بيضة اتفقنا على سعر المكنة 12 الف بيضة 26 الف جنية

!!!!!!!!


كنت فرحان بقى بدراسة الجدوى اللى هو بعتهالى وهضيفه الكو هنا ف المقال علشان تتاكدوا بنفسكم

المهم بعد دراسة الجدوى دى اتوكلت على الله ورحت مضيت عقد ودفعت 10 الاف مقدم وجه وقت التنفيذ
على فكرة ولا محمد سليم ولا اخوة درسوا هندسة ويقلك مهندس محمد ومهندس احمد
اولا
المكنة الى شفناها واتفقنا عليها غير اللى جت ازاى؟ (على فكرة المكن اللى بيفرجوك علية بتاع الكتب الفنى للدواجن

الرطوبة رشاش مش اقراص ودى بتخلى الرطوبة متزدش عن 55 % مش بتوصل ابدا 65 % وكمان بتخلى الترول يصدى

جهاز التحكم مش ديجتال زى اللى ورهولنا دة جهاز عادى خالص كلة يدوى قلت مش مهم مهى الارباح خيالية بردوا

ثانيا كنت متفق معاهم على مكان مجهز وانا ادفع نص الايجار علشان مشاركة رحت لا لقيت مكان جاهز ولا زفت لقيت مخزن ارضيتة تراب وعنكبوت ملية قعدت اكتر من شهر ف بلد غريبة انا معرفش حد منها اجيب مبلط وابلط الارض وكهربائى وسباك المهم شطبت المكان وركبنا المكنة وهما طبعا كل ما اسالهم مكنتكم هتيجى امتى يقولى الاسبوع الجى






!!!!!!!!!!


المهم يجماعة ادراج التقليب هى الى بتحدد المنة سعتها كام وهو انة نصاب اخر الادراج بحجة انها لسة مجهزتش ولما جت عديت الادراج لقيتها متشلش الا 10 الاف بيضة

سالت الى جة ركبها وهنا اكتشفت المصيبة

anawenta_20011
18-07-2009, 07:22 PM
اولا المكنة سعة 10 الاف بيضة مش 12



ثانيا مفيش مكن 12 الف بيضة من الاساس
ثالثا سعرها 12 الف جنية فقط يعنى نصب عليا ف 14 الف جنية


ثالثا ودى الطامة الكبرى والمفاجئة لكل المنتدى


مفيش اصلا حاجة اسمها مصنع الوادى للبطاريات ولا المفرخات والراجل اللى جة ركب المكنة طلع هو اللى بيصنع المكن وهما بيشتروا منة ويبعوة باضعاف اضعاف التمن للمغفلين اللى زينا ولا جابوا مكنة ولا مشاركة ولا حاجة اديتة 19 الف جنية على اساس هنجيب بيض هبرد لقيتة جايبلى بيض بلدى 6 لالف بيضة وباقى الفلوس ابقى قابلنى بكرة!!!!!!!!!!!!!!!


ولما سالت اكتشفت ان اساسا البيض الابيض مش موجود ف السوق ومحدش لاقى بيضة واحدة ف مصر يفرخها


!!!!!!


ومفيش اساسا شركة اسمها الوادى للانتاج الداجنى د كان شقة ف الدور التامن ف ميدان الساعة فيكتوريا الاسكندرية ومحمد \دة اتقبض علية ف قضية توظيف اموال واتحبس 3 سنين وخرج من السجن اشترى جيب شيروكى واوكتافيا وفيلا ف الساحل الشمالى واحمد سليم عندة جيب شيروكى وفيلا ف الساحل الشمالى من جيوب الناس اللى نصبوا عليهم



راحو عملو مكتب ف طنطا وكمان مش معلقين يافطة لان اساسا ملهمش سجل ولا رخصة وسمو نفسهم شركة دلتا فارم للدواجن وبينزلوا اعلانات ف وسيط الدلتا واللى نمكم بيقرا وسيط الدلتا هيتاكد من الكلام دة




هتلاقى نفس الرقم ف اعلان دلتا فارم للدواجن ف الوسيط بتاع الدلتا




اقسم بالله كل الكلام اللى قلتة حصل بالكلمة ولو حد عايز يكلمنى انا رقم تليفونى 0113308814

anawenta_20011
18-07-2009, 07:22 PM
اولا المكنة سعة 10 الاف بيضة مش 12
ثانيا مفيش مكن 12 الف بيضة من الاساس
ثالثا سعرها 12 الف جنية فقط يعنى نصب عليا ف 14 الف جنية
ثالثا ودى الطامة الكبرى والمفاجئة لكل المنتدى
مفيش اصلا حاجة اسمها مصنع الوادى للبطاريات ولا المفرخات
والراجل اللى جة ركب المكنة طلع هو اللى بيصنع المكن وهما بيشتروا منة ويبعوة باضعاف اضعاف التمن للمغفلين اللى زينا ولا جابوا مكنة ولا مشاركة ولا حاجة اديتة 19 الف جنية على اساس هنجيب بيض هبرد لقيتة جايبلى بيض بلدى 6 لالف بيضة وباقى الفلوس ابقى قابلنى بكرة!!!!!!!!!!!!!!!

ولما سالت اكتشفت ان اساسا البيض الابيض مش موجود ف السوق ومحدش لاقى بيضة واحدة ف مصر يفرخها

!!!!!!

anawenta_20011
18-07-2009, 07:25 PM
anawenta_20011

: طيب هل ممكن لو عملت المفرخ الشركة تديرة لحد م اخد خبرة واتعلم



mohamed seleim

: تفضل



mohamed seleim

: مفيش مشاكل



anawenta_20011

: لا مفرخ فقط وبيع عمر يوم



mohamed seleim

: تمام



mohamed seleim

: نديره لك لغاية ما تاخد الخبرة



mohamed seleim

: والموضوع مش لوغاريتم



mohamed seleim

: تمام



mohamed seleim

: رأس مال المفرخ كام ؟؟



mohamed seleim

: يعنى عايز مفرخ فى حدود كام



mohamed seleim

: ظظ



anawenta_20011

: ممكن لحد 30 الف



mohamed seleim

: ؟؟



anawenta_20011

: ينفع



mohamed seleim

: تما



mohamed seleim: 19200

بيضة



mohamed seleim: = 38000

ج



mohamed seleim

: تمام



mohamed seleim

: وده يحقق ربح شهرى لن يقل عن10000ج



mohamed seleim

: وممكن فى شهور معينة يوصل 20000ج



mohamed seleim

: تمام



mohamed seleim

: تفضل



anawenta_20011

: تمام ياباشا



mohamed seleim

: غدا هرسلك دراسة التفريخ من الشركة إن شاء الله

anawenta_20011
: طيب 38.000 دى تكلفة البيض ولا الكل



mohamed seleim

: علشان أنا بكلمك من اللاب توب



mohamed seleim

: الماكينة



anawenta_20011

: اوكى ياباش مهندس



mohamed seleim

: االبيض سهل أمره



mohamed seleim

: تحت أمرك



anawenta_20011

: طب ممكن ابدا اقل من كدة ولا دة انسب حاجة



mohamed seleim

: ممكن



mohamed seleim

: حسب رغبتك



anawenta_20011

: اسعار المكن عندكم كام



mohamed seleim

: بيبدأ من 2600 ج



mohamed seleim

: سعة 608 بيضة



mohamed seleim

: وفيه 2432 بيضة



mohamed seleim

: وده سعره 6500ج



mohamed seleim

: وفيه 9100



mohamed seleim

: وده سعره 22000ج



mohamed seleim

: سعات مختلفة



mohamed seleim

: تمام



anawenta_20011

: طيب بالنسبة للمكان ياباش مهندس حضرتك تفضل فين



mohamed seleim

: حضرتك مفيش مكان عندك



anawenta_20011

: لا انا من المنيا بس انا عايز استقر ف الغربية لانى هتجوز من هناك انشاء الله



mohamed seleim

: هوفرك مكان فى الغربية

anawenta_20011
: ياريت والله اتمنى



mohamed seleim

: سهلة وبسيطة



mohamed seleim

: فى اى مكان عندنا متوفر مزارع وعنابر ومعامل



anawenta_20011

: تمام ياباشمهندس



mohamed seleim

: بكرة إن شاء الله هنقولى على المفرخ هيبقى سعته كام بيض ؟



mohamed seleim

: تمام



anawenta_20011

: والله انا بفكر ابدا اقل شوية من 19000 على اساس اوفر مبلغ لمصاريف دورة التفريخ



anawenta_20011

: وبعدين اكبر المعمل



mohamed seleim

: تمام



mohamed seleim

: حدد السعة وكلمنى غدا هرسلك الدراسة المالية والفنية



anawenta_20011

: انشاء الله بالنسبة للتسويق اية ظروفة



mohamed seleim

: أسهل حاجة



anawenta_20011

: على بركة الله خلاص انشاء الله بكرة هكلم حضرتك واقلك على السعة الى هبدا بيها واقابل حضرتك بعدها ونتفق على كل حاجة



mohamed seleim

: إن شاء الله تعالى



mohamed seleim

: وربنا يوفقك



anawenta_20011

: الف شكر والله ياباش مهندس على تعب حضرتك معانا

anawenta_20011
18-07-2009, 07:29 PM
anawenta_20011:

يعنى التكلفة كلها ف حدود كام



anawenta_20011:

لحد انتاج اول دورة



mohamed seleim:

والله بالنسبة لعدد 12000بيضة = 30000ج



mohamed seleim:

وده على حسب سعر يوم الدخول



mohamed seleim:

يعنى ممكن يقل



mohamed seleim:

وممكن يزيد



anawenta_20011:

سعر البيضة كام



mohamed seleim:

يعنى فى المتوسط 2,5 ج للبيضة



mohamed seleim:

ده اليوم



mohamed seleim:

والكتكوت = 6,5 ج



mohamed seleim:

كويس جدا جدا جدا



anawenta_20011:

واية تانى تكلفة غير ثمن البيض



mohamed seleim:

يعنى لو نسبة الفقس 80 %
mohamed seleim: يصفى ربح لا يقل عن 35000 ج



mohamed seleim:

شهريا تقريبا



mohamed seleim:

وبعد كده أعملك قطيع أمهات



mohamed seleim:

يبقى البيض من عندك



mohamed seleim:

وهتوفر كتير



anawenta_20011:

صافى ربح بعد المصاريف 35000



anawenta_20011:

؟؟؟؟؟؟؟



mohamed seleim:

مفيش تكلفة تانى



mohamed seleim:

أه



mohamed seleim:

ده دلوقتى



mohamed seleim:

ممكن يزيد وممكن يقل



mohamed seleim:

حسب سعر السوق



mohamed seleim:

بيكون فى وقت البيضة ب 2 ج



mohamed seleim:

الكتكوت ب 4ج



anawenta_20011:

انا قصدى هل فى مصاريف تانية زى ايجار مية كهربا تكلفة نقل تكلفة تحصين



mohamed seleim:

وقت البيضة 1,5 الكتكوت 280 قرش



mohamed seleim:

ملاليم



mohamed seleim:

لا تعدى ال 1000 ج للدورة



mohamed seleim:

طبيب



mohamed seleim:

ومياه وكهرباء



mohamed seleim:

تمام



anawenta_20011:

كام عامل بيحتاجة المفرخ



mohamed seleim:

لا



mohamed seleim:

هو فيه واحد بيتابع الكهرباء



mohamed seleim:

متواجد



mohamed seleim:

بس



anawenta_20011:

كويس



mohamed seleim:

تمام



anawenta_20011:

لو الشركة هتديرة نسبتها 1 %
anawenta_20011: 10%
mohamed seleim: مش هتفرق



mohamed seleim:

المفرخ شكل الثلاجة



mohamed seleim:

على حجم أكبر نسبيا



anawenta_20011:

طيب بند التقسيط ف الشركة بيبدا من كام



mohamed seleim:

بالنسبة للمفرخات



mohamed seleim:

؟؟



anawenta_20011:

اه



mohamed seleim:

كاش



mohamed seleim:

التقسيط فى الدجاج والبطاريات



anawenta_20011:

تمام



mohamed seleim:

دى ماكينة بتتصنع



anawenta_20011:

يعنى تكلفة البداية 60 الف



mohamed seleim:

نسبة الربح فيها ضئيلة جدا



mohamed seleim:

تقريبا



mohamed seleim:

والربح كويس جدا



mohamed seleim:

وبعدين لما يبقى فيه أمهات عندك



mohamed seleim:

هيبقى المكسب كويس جدا

anawenta_20011
18-07-2009, 07:30 PM
وفى النهاية بنبه اى حد عايز يعمل مشروع ينزل للناس اللى عندها نفس المشروع ويسالهم وهما هيدلوه على الحقيقة



بطارية الفراخ البياض ب 800 جنية مش 1500 زى مهما بيقولو دجاج البيض عمر التبشير ب20 جنية مش ب 30 جنية زى مبيكتب ف دراسة الجدوى واخيرا كرتون البيض من المزرعة بقالة 5 شهور ماشى 12 ل 13.5 ورفع من اسبوع بقى ب 14 جنية مش البيضة ب 55 قرش زى مهو بيكتب والسلام عليكم ورحمة الله وبركاتة

سهيل نعيم
18-07-2009, 07:58 PM
والله قصتك بتحزن با دكتور بس الحق عليك انت عاوز تعمل مشروع انت نفسك بتعمل الجدوى وبتجيب الاحتياجات والاسعار من اكثر من شركة ومن اكثر من محل وبسئل الناس اللي عندهم مفرخات من فين اقدر احصل عليها ومين افضل شركة تصنيع للمفرخات وكدة بكون حصلت على كل المعلومات اللي تفيدني في عمل المشروع وبعد كدة بقرر وبنفذ المشروع وكمان انت عاوز محل للمفرخ ببحث عن مكان وبعمل دراسة للمنطقة كام مفرخة فيها وهل الناس بتستسيغ اكل لحم الفراخ ام اللحوم الحمراء البقر والجاموس والاغنام اكثر علشان اعرف ازاي اسوق الفراخ وزي ما بيحكوا عندكم في مصر ما بيوقع غير الشاطر و حسبنا الله ونعم الوكيل فيهم

kignkassem
19-07-2009, 07:05 AM
ربنا يعوض عليك و يعوضك خير
ان شاء الله

م/ فوفو
19-07-2009, 07:49 AM
أخى
ربنا يعوضك خير ان شاء الله
وجزاك الله كل خير على تنبيه اخوانك فى المنتدى حتى لايقعو ضحية
وتأكد أخى ان الظلم عواقبه وخيمة
وياريت يكون درس نتعلم منه كلنا عدم التعامل بحسن نية مع من لانعرفه
وفقك الله

محمد عبداللطيف
27-07-2009, 06:23 PM
أخى الكريم رزقك الله الخير وأعانك على مابتليت به من خسارة وعلى فكرة فيه ناس كتير زيك المهم انك متغلطش الغلطة مرتين وربنا معاك ولو عاوز تشتغل تانى ان شاء الله اشتغل مع حد يكون شغال واسأل أكتر من شركة ومكان ومتجريش ورى العروض الزائفة وربنا معاك
وأخيرا متنساش تدعى لإخوانك ان محدش يقع فى نفس المشكلة وان شاء الله بعد فترة قصيرة تعرفنا ان انت بدأت المشروع مع جهه موثوق فيها ونجحت ان شاء الله

عفاف
27-07-2009, 06:44 PM
ربنا يعوض عليك ..ويبارك لك في صحتك..ويجازي اللي كانوا السبب
كان الله في عونك

هيما
27-07-2009, 08:39 PM
السلام عليك
اخى الفاضل كما علمنى والدى
ان النصاب يستطيع الايقاع بضحاياة عن طريق طمعهم فى المكسب السريع الخيالى
يعنى انت وقعت ضحية سبب تسرعك وحبك لمكسب سريع
مش بعيب فيك لكن دى تذكرة لكل الاعضاء الموجودين
وكمان دى شجاعة ادبية منك انك تحاول تحذر الناس من خطا انت وقعت فية
عموما ربنا يعوض عليك
اقبل تحياتى

النمرالأبيض
02-08-2009, 02:38 AM
السلام عليكم ورحمة الله
أولا أعرفكم بنفسى أنا رجل أعمال مصرى فى مجال الدواجن وصاحب مجموعة الوادى للإنتاج الداجنى بالأسكندرية وشركاتها { دلتا فارم - الإيطالية بأسيوط } وإسمى محمد شوقى حسن إبراهيم سليم

وأشهر من نار على علم فى هذا المجال والحمد لله كونت ثروة من الحلال ولا يهمنى أى أحد فى الدنيا ولا أخاف إلا الله ولا يهمنى ما قاله والذى كون رأس ماله عن طريق قرض من بنك بالصعيد ولا يوجد عندى رد على المهاترات ولكنى سأوضح لكم الآتى :

أولا من كان منكم له أحد بالإسكندرية فى نفس المجال فليسأل عنى وعن سمعتى وهل نحن مصنعون للبطاريات والمفرخات أم لا { ده أولا }

ثانيا : هذا الذى طالما قال عنى بأننى سجنت فكان عليه أن يقدم الدليل على صدق كلامه بدل رمينا بالباطل .
.
ثالثا : من كان منكم لديه فكرة عن أسعار ماكينات التفريخ فليقل ماهو سعر الماكينة ال 12000 بيضة أو يسأل عليها فى أى مكان وأولهم المكتب الفنى الذى لا أعرفه ويقول لنا ما هو سعرها ؟؟

رابعا : نقسم بالله لأ أعرف شئ على ما يقوله من مشاركتى له فى مكان ولا ماكينات ولا معمل وإحنا ناقصين مشاركات وبعدين صحيح إحنا بنشارك ولكن على حجم أعمال أكبر من ذلك .

خامسا :هذا طلب منا بيض هبرد أو روص والبيضة = 3,5 ج يعنى 12000 بيضة × 3,5ج = 42000 ج وهو لا يملك شيئا من هذا المبلغ وأقسم بالله لم يعطنى مليما واحدا من ثمن البيض ورفضت تقسيط البيض من المبدأ .

سادسا : لو كان عندك مكان أو مصنع ليعطينا نفس هذه الماكينة ب 23000 ج {جديدة مثل ما استلمتها منا } لأخذت منك { وكنت عاوز ربنا يكرمك إزاى وانت رأس مالك من البنك }

سابعا : من تابع إعلانتنا على النت أو الوسيط أو الأهرام سيرى إننا نبيع المشاريع والعنابر بالتقسيط المريح يعنى لو فشل العميل مش هناخد أقساطنا , ولذلك بندير المشاريع للعملاء حتى نضمن القسط ونكسب الناس وكمان بنستأجر المشاريع المباعة للعملاء منهم وعلى سبيل المثال { ماكينة 12000 بيضة = 26000 ج ونستأجرها ب 2000 ج شهريا لمدة 5 سنين يعنى ب 24000 ج فى السنة } يعنى بتجيب رأس مالك فى 13 شه بالتحديد ومن خلالنا ولكن الأخ قال أنا دكتور وليه تاخد الماكينة وتستأجرها وتكسب من ورايا أنا أدير مشروعى وعندئذ إنقطعت صلتى به }

ثامنا : أعتقد أن الذى يقسط وبسعر الكاش لمشروع 100 أم أرانب ب 23000ج وبياخد 11500 جنيه مقدم والباقى قسط , والذى يقسط مشروع سمان قيمته 15000 كاش وبياخد 7500 مقدم والباقى قسط , والذى يقسط مشروع دجاج بياض لإنتاج بيض المائدة { 1000 دجاجة بالبطاريات المخصوصة = 45000 ج } وبياخد 22500ج والباقى قسط غير التقسيط فى ماكينات التفريخ وأنتم شفتم نواب القروض وكل مقترض من بنك إيه اللى بيحصله حتى لو قرض 1000 ج { وأذنوا بحرب من الله ورسوله } وشركتنا سياستها تشغيل المشاريع للناس يعنى الناس تكسب واحنا نكسب .

تاسعا : أعتقد أن الفيلل والعربيات والثراء نتيجة الجهد والعرق واللى ما يعرفهوش الناس وبنزله فى إعلاناتى إن فيه مشاريع مجانية لأصحاب الحالات الخاصة بمشاركة من بعض أعضاء مجلس الشعب فى مدينة الأسكندرية , وكان يجب على كل عضو محترم أن ينتظر الرد من الطرف الآخر قبل أن يخوض وينعت أحد بالنصب وأعلن بأننى غير مسامح وسأقتص من كل من سبنى يوم القيامة .

عاشرا : شركتنا لا تحتاج إلى عملاء النت ولا غيرهم فالحمد لله أمتلك من المزارع مايكفينى ويعيننى على الحياة للحظة الوفاة ويعين ورثتى إن شاء الله ومن حلال ولا يهمنى إلا الله وليس أنتم أو غيركم

وأخيرا أود من كل من لا يصدقنى ويصدق هذا أن يزورنى فى الأسكندرية أو فى فروعى ويرى مشاريعى ومزارعى ومصنعى ويسأل عنى قبل الزيارة فأنا فارس مجال إنشاء المزارع والمشاريع .

وأحب أن أوجه نظركم وأعلم أنكم تعلمون فى المجال وخباياه لأثبت لكم :

لو كان فاهم ومعاه رأس مال لكان جهز قطيع أمهات ساسو مثلا { 500 أم + 100 ديك } وهذا القطيع ثمنه 18000 ج مصرى { بدل ما يفترى ويقول إنه عطانى 19000 جنيه للبيض وأقسم بالله على عدم صحة هذا الكلام } وينتج حوالى 12000 بيضة مخصبة شهريا وتكلف البيضة الساسو المخصبة { أكل الأمهات والآباء } حوالى 60 قرشا وبنسبة تفريخ 90% {زى ما الماكينة اللى خدها مننا ما جابتله النسبة دى فعلا فى البلدى ولم يذكر ذلك } يبقى تكلفة البيضة 66 قرش + سكن للأمهات وكهرباء ومياه حوالى 5 قروش على البيضة , إذا تكلفة البيضة حوالى 70 قرش بعد التفريخ لننتج حوالى 10800 كتكوت وسعر الكتكوت على الأقل من 150 قرشا : 2 جنيه فى هذه الأيام .

إذا الربح = التكلفة الإجمالية للبيض { 8400 ج } مطروحة من ناتج البيع { 16200 ج }

إذا الربح كل شهر حوالى 8000 ج , ولو حضن الكتكوت لعمر 21 يوم يكسب فى الكتكوت حوالى 2 ج كمان ويبيع ويعيش ويكسب كمان حوالى 20000 من التحضين شهريا واللى مش مصدق ييجلى وهبعته لعملاء كتير شغالة معانا ويشوف المكسب إزاى , ولو أجر الماكينة للشركة لتشغيلها وخد 2000 ج شهريا { أعتقد إنه مبلغ جيد جدا مقارنة مع رأس مال الماكينة { 26000 ج } كان كسب وجاب رأس ماله فى 13 شهر وعقد الإيجار مدته 5 سنوات يعنى هيكسب 50000 ج غير إسترداده لرأس ماله { وعجبى على الطماعين } وعلى فكرة دى سياستنا اللى شغالين بها وعندنا معامل بتاعة العملاء وإحنا مستأجرين لها وكثير جدا والحمد لله بنكسب وبنكسب الناس { ذكاء }


طبعا من بنك التنمية من الصعيد ولم أكن أعرف إلا بعد أن اشترى الماكينة وأقسم بالله على ذلك .
فلا تعلق فشلك على الآخرين .

وأشكر كل من سيقرأ ردى وأشكرا كل من سيزورنى للـتأكد من صدق كلامى وكذب الفشل وإفتراؤه على { حسبى الله ونعم الوكيل }

وأخيرا وبفضل الله الشركة تمتلك مشاريع خاصة بها فى { بملايين } وتدير مشاريع للعملاء بملايين أيضا ولا ننتظر عملاء والرزق على الله مش على حد ولكننى وضحت الموقف وأكرر لكل من نعتنى بالنصب بأننى لا ولن أسامحه وسأقتص يوم القيامة منه { وهذا ليس ضعف } فأننى على الإستعداد لأخذ حقى من أى مخلوق ولكنه العقل والتريث وسنتقابل فى اليوم الاعظم

شكرا لكم
0020129611414

النمرالأبيض
02-08-2009, 02:40 AM
أرجوا الردود يا من نعتونى بالنصب

يا زراعيين :
يوجد لدى سؤال هل كل من امتلك معمل تفريخ بيبقى فاشل ؟؟؟؟؟؟؟؟؟؟؟
الإجابة لو كانت النتيجة الفشل مش هنلاقى كتكوت ولا فرخة ولا بيضة ناكلها صح ولا لأ؟؟؟؟؟
وعلى فكرة الماكينة حققت نسبة فقس فى حدود 92% وأقسم بالله على ذلك ودى صنعتنا واللى عايز يزور المصنع يتفضل ويشرفنى .

إلى الأخوة : فوفو - عفاف - هيما

أنتظر منكم الردود وأنتظر زيارتكم للتحقق من صدق الكلام

anawenta_20011
02-08-2009, 06:34 PM
السلام عليكم ورحمة الله وبركاتة
اولا انا مدخلتش نت من فترة لان شبكتى كانت اول امبارح لكن انا هرد ف جمل تثبت الحقيقة مش انا مليونير وانا مش عارف اية

1 انا هتشر العقد اللى موقع علية محمد شوقى

اللى ملهوش تاريخ !!!!!!!!!!!!!!!!!!!
تخيلوا فية عقد ف الدنيا ملهوش تاريخ والعقد مش مكتوب فية ولا محل الاقامة ولا الرقم القومى يعنى اى حد هيعرف ان دة غلط


2 هنشر ايصالات الامانة اللى مضى اخوك عليها لما استلم الفلوس
وابقى قول ان دى مش امضتة ولا دة مش عنوان ولا دة مش رقمة القومى

3 انت ردك كلة غرور وشتيمة ودة دليل على انك والاستاذ وائل وعم جابر ناس محترمة ويعرفوا الانسان اللى مش محترم من ردة
وانك كمان بتستغل اسم شركة الوادى للدواجن بتاع الاستاذ موسى فريجى اللى هو مليونير فعلا علشان كدة معندوش وقت يدخل نت ويعمل دعاية انما انت مليونير بس خالى شغل وفاضى للنت صح؟؟؟؟؟؟؟؟؟؟؟؟

5 انت مرديتش على كل التهامات اللى انا قولتها انما جى تتهمنى بدل مترد على اللى انا قلتة وانا هرد على كلامك كلة

1
طيب ما تكتبوله عقد بالارباح دى وتلتزموا بيها وتدولوا ضمانات بالأرباح دى زى شيكات مثلا أو إيصالات

اولا دى حاجة بتاع ربنا ومحدش يعرف رزق حد ولما انت بتقول كدة طيب لية انت مكتبتليش ايصال بانى هكسب من المكنة 35 الف وادى الدليل من اللى انت قلتة وابقى قول انا مقلتس
*********************************** ***** ****


mohamed seleim:
يعنى لو نسبة الفقس 80 %
mohamed seleim: يصفى ربح لا يقل عن 35000 ج

mohamed seleim:
شهريا تقريبا

**********************************

والدراسة دى عملها مربى ودى من سجل مزعتة مش من مكتب ايجار وانت لما مليونير تاجر شقة ف الدور الخامس علشان تعمل شركة

2
مجموعة الوادى للإنتاج الداجنى بالأسكندرية وشركاتها { دلتا فارم - الإيطالية بأسيوط }

انا هروح انا والاستاذ وائل ابو يوسف لفرع اسيوط ممكن العنوان ورقم الارضى ولا استنى اسبوعيين لما تاجر مكتب تانى ؟؟؟؟؟؟؟؟؟؟؟؟؟؟؟؟؟؟؟؟

3
والذى كون رأس ماله عن طريق قرض من بنك ربالصعيد

عندك دليل واحد على الكلام دة؟؟؟؟؟؟؟؟؟؟؟؟؟
اقسم بالله العظيم ان الفلوس دى فلوس ارض انا بعتها علشات اعمل المشروع واكبر دليل على كدة انا انا كان زمانى مرمى ف السجن لانى كنت هدفع منين اقساط القرض وانت لا تعرف ان عرش الرحمن اهتز لانك اقسمت كذب وربنا هيعرفك معنا ان عرشة يهتز وحسبى الله ونعم الوكيل


4
{ هو فيه بيقسط ؟؟؟؟؟؟؟؟؟ }

اه لما المشروع اللى ب 100 الف تحسبة ب 200 الف وتاخد 100 وتقسط 100
5
ماهو سعر الماكينة ال 12000 بيضة أو يسأل عليها فى أى مكان وأولهم المكتب الفنى
خامسا :طلب منا بيض هبرد أو روص والبيضة = 3,5 ج يعنى 12000 بيضة × 3,5ج = 42000 ج وهو لا يملك شيئا من هذا المبلغ وأقسم بالله لم يعطنى مليما واحدا من ثمن البيض ورفضت تقسيط البيض من المبدأ

اولا دة رقم المكتب الفنى 0123737430
اسالوا المكنة ال 12 بكام هتعرفوا ان مفيش اساسا مكن 12 الف بيضة

وانا هقولكم على حاجة حلوة تحسم الموقف انا على استعداد انى ابيع المكنة بتاعتى الى بيقول عليها ب 26 الف ب 12 الف بس اية رايك ؟؟؟؟؟؟؟؟؟؟؟؟؟
تاخد المكنة ب 12 الف بس مش ب 26 الف لو انت مش,,,,,,,,,, رد

اكبر دليل على كدبة اهو وقع بلسانة
بيقول البيض بكام؟؟؟؟؟؟؟؟؟؟؟؟؟؟؟؟؟؟؟
42 الف
طيب بصوا على الى قالهولى

anawenta_20011:
يعنى التكلفة كلها ف حدود كام

anawenta_20011:
لحد انتاج اول دورة

mohamed seleim:
والله بالنسبة لعدد 12000بيضة = 30000ج

وعلى الاساس دة انا اديتة 19 الف من تمن البيض ووصل الامانة

6
لو كان عندك مكان أو مصنع ليعطينا نفس هذه الماكينة ب 23000 ج {جديدة مثل ما استلمتها منا } لأخذت منك

انا موافق وهديهالك ب 12 الف بس مش ب 26 الف بس انت موافق ؟؟؟؟؟؟؟؟؟؟

7

{ ماكينة 12000 بيضة = 26000 ج ونستأجرها ب 2000 ج شهريا لمدة 5 سنين

طيب تستاجر منى ؟؟؟؟؟؟؟؟؟؟؟؟؟؟؟؟؟
اقسم بالله لو انت كلامك صح كان كل اصحاب المعامل اجرولك معاملهم وقعدو مستريحيين


عاشرا : شركتنا لا تحتاج إلى عملاء النت ولا غيرهم فالحمد لله أمتلك من المزارع مايكفينى

انت لاتملك اى مزارع والمزرعة الوحيدة اللى انت عملتها 18 الف بياض كلهم دخلوا المجزر وبيعتهم لكارفزر لان ربنا مش بيوفق انسان زيك ولما انت مش محتاج عملاء النت امال كل يوم تدخل تعمل دعاية على النت لية؟؟؟؟؟؟؟؟؟؟؟؟؟؟؟؟؟؟؟؟؟

النمرالأبيض
02-08-2009, 10:31 PM
يعنى ماحدش رد وياريت اللى يرد يكون فاهم فى المجال وكمان يسأل ......أنت أخدت ماكينة تفريخ جديدة ولا لأ من شركة الوادى وكمان تتصلوا بمصنعين مكينات التفريخ وتسألوهم الماكينة ال 12000 بيضة بكام ؟؟؟؟؟ وبعدين تردوا على الأخ ...... , ولا المفروض إنى أديله ماكينة ب 26000 ج وأديله بيض ب 40000 ج هدية عليها !!!!!!!!!!!
مستنى الرد يا أعضاء