المساعد الشخصي الرقمي

مشاهدة النسخة كاملة : عاجل بالنسبة لاراضى وضع اليد



sanad_88
20-04-2009, 02:11 PM
يا جماعة فى ناس كتير متعرفش حاجة على نظام وضع اليد دا فيا ريت اللى يعرف حاجة يقولها علشان الكل يستفيد ولو الواحد اشترى من واضع اليد دا وعاوز يملك يعمل اية مع الحكومة واية هى جهة الولاية عليها ؟؟؟؟؟؟
وياريت محدش يبخل علينا بالمعلومات علشان محدش يقع فريسة للناس النصابة
وياريت لوحد يعرف حاجة على ارض شمال سيناء يضيفها او اى ارض اهو اكيد كلو هيستفيد
وشكرا مقدما للى هيفدنا فى الموضوع دا

Citrus
20-04-2009, 03:38 PM
سلام عليكم
اهلا بك وشكرا لرسالتك ولكن الحق لا املك فى هذا الموضوع معلومات او خبرة
واشكر من الاعضاء من يكون قد تعرض لهذه الخبرة ليشرحها للبقية
تحياتى

sanad_88
21-04-2009, 07:12 PM
تحياتى لكى
امال فين بقى الخبراء اللى فى المنتدى

i love agriculture
21-04-2009, 08:11 PM
شكرااااااااااا على المشاركة المفيدة و وفقكم الله

aboodarsh
31-05-2009, 08:41 PM
وضع اليد لو مش من ناس مضمونة بلاش
لكن قىه ناس سمعنها كويسة اسال كتيييير قبل ما تشترى و بعدين تقوم بعمل اجراءات التمليك من المحافظة او من هيئة التعمير المحافظة بتملك والهيئة بتدى حق انتفاع وعامة دايما فى المناطق الصحراوية فية ناس دى شغلتهم اسال مرة واتنين وهتلاقى هناك اللى بيخلص الورق لك تحياتى

Ayman El Kotamy
01-06-2009, 12:39 AM
بسم الله الرحمن الرحيم


موضوع هام ومفيد رجاء من لديه معلومات فليعرضها على الجميع

ايمن الكـُـتامي

sanad_88
13-06-2009, 10:12 AM
شكرا على تفاعلكم مع الموضوع بس كنت عاوز معلومات اكتر

IBRAHIM.KORTOBI
13-06-2009, 11:22 AM
الموضوع بكل بساطة بلطجة واحنا سمناه وضع يد تجربتي الشخصية اني رحت اشتري ارض زراعية من جمعية لها اسمها ومحترمة جدا لكن للأسف النظام عندنا مابيتعملش مع البلطجة طالما انت راضي وانا راضي يبقي الحكومة هاتوجع دمغها ليه المهم الجمعية قالت لي انليها ارض 270 فدان وواحد من العرب حاطت ايدة عليها روحة اتفاهمو معة وفعلا رحنا قابلنا بترحاب حار وغداء واكننا اهل الطلباط ياشيخ قال بسيطة انا باخد 7000 جنية في حين ان الجمعية بتأخد 3500 جنية وبعد كدة الجمعية لماعرفت اننا دفعنا المبلغ دة هم رفعو المبلغ مع اننا كنا كتبنا عقود مع الجمعية لكن اشمعنا تدفع للبلطجي 7 وانا 3.5 وقد كان. المشكلة انك لازم ترضي العرب والا هاتتسرق يعني لازم تدفع لهم حراسة وانت تجيب الحارس هم بيخدو اتاوة الحراسة ولو عايز تبني او تعمل اي حاجة لازم عن طريقهم ولو حبت تبيع الارض لازم تدفع لهم الحلاوة وهي نسبة او تبيع لهم او عن طريقهم . طبعا كل دة ماعدا قيمة وضع اليد يمكن تجنبة لو انت لك واسطة كبيرة في القوات المسلحة وممكن بس مش اوي لو في الشرطة . دة هو نظام البلطجة المسماه وضع يد.

A_ASAID
13-06-2009, 11:36 AM
يا عم انت زعلان ليه
ومش عيب انه حد يقول انه مش عارف العيب لما حد يقولك حاجه غلط
والعيب الاكبر لما حد ما يردش عليك اصلا
انا تحت امرك
بس عاوز اقولك ان وضع اليد بيختلف من مكان لاخر داخل الجمهوريه
لانه تخصيص الارض بيخضع لمعايير كتيره
هى تابعه لجمعيات زراعيه
صندوق استصلاح الاراضى
ولا للاستثمار
حماية املاك الدوله
كل دى جهات ممكن انت تكون بصدد التعامل مع واحده منهم
الموضوع دا فيه شوية قلق وبالذات بعد انتشاره لان الموضوع بقى زى تجارة مش زراعه
الى اقدر اقوله لك لنك تسال الاول الجهات الحكوميه التابعه للمحافظه الى فيها الارض
لانى انا اؤكد لك ان الموضوع دلوقتى بقى صعب جدا
........اشمعنا وضع يد ما الاراضى الى ماعليهاش مشاكل كتير ولا اييييه

م/محمد اسماعيل محمد
05-08-2009, 05:52 PM
السلام عليكم هذا رد على سؤال الاستاذ sanad_88 حول تملك اراضى وضع اليد اولا عمل خريطه مساحيه بابعاد الارض واحضار موافقات الجهات الحكوميه بعدم اخضاع هذه الارض للمشاريع الحكوميه والقوات المسلحه وعمل وعمل اسطوانة كمبيوتر محمل عليها صوره من الخريطة المساحية التى تقع فيها هذه الارض من على النت وتحديد موقع الارض عليها وتختم الخريطة الورقية من مكتب هندسى ويقدم مع طلب لهيئة التعمير بوزارة الزراعه بالدقى بمحافظة الجيزه ومعها الاوراق التاليه1-اقرار بعدم وضع اليد باكثر من 100 فدان 2-اقرار بدفع رسوم المعاينة عند قبول الطلب 3-اقرار بان الارض تم وضع اليد عليها قبل 2006 4-اقرار بان الارض مزروعة باشجار ويوجد بها بئر ارتوازى وطرق 5- عند قبول الطلب بعد شهرين من تقديمه تزهب الى هيئة التعمير وتدفع رسوم المعاينة ورسوم المواصلات وتعلم بميعاد اللجنه لتعاين على الطبيعه حتى تربط سعر الفدان المزروع وتحدد سعر ايجار الارض الغير مزروعه وبعد ذلك تدفع25%من قيمة ثمن الارض والباقى يقسط على 10 سنوات من هيئة التعمير

م/محمد اسماعيل محمد
05-08-2009, 05:55 PM
هى دى المعلومات الصحيحه ومفيش معلوملت تانيه

م/محمد اسماعيل محمد
05-08-2009, 05:57 PM
اى خدمه تانيه يااستاذ سند لو في معلومات تانيع مش هاخرها عليك هى دى المعلومات اللى عندى لان ليا ارض وضع يد فى سيناء وقمت بهذه الاجراءات

sanad_88
20-08-2009, 10:19 PM
الف شكر يا بشمهندش
انا شاكر افضالك
وان شاء الله هيكون فى تعاون قريب بينا

black star
19-10-2009, 08:19 AM
استاذي الفاضل م/ محمد اسماعيل لقد ذكرت حضرتك الاجرائات التي قمت بها في ارضك بسيناء .
انا لدي ارض وضع يد في طريق الكريمات واستخرج ترخيص القوات المسلحة الان .
لقد ذكر الدكتور ياسر التلمساني ان الهيئة لا تقبل الطلب بغير اثبات ان وضع اليد قبل 2006 , فهل الشهادة الموقعة من حضرتك كانت كافية لقبول طلبك وتحديد موعد للجنة .
ارجو من حضرتك توضيح ما وصلت اليه حضرتك حتي الان لتعم الفائدة
الشكر لكرم سياتك

هانى انور
19-10-2009, 02:08 PM
اعتقد ان حضرتك ممكن تكتب عقد مع اى حد بتاريخ قبل 2006 وترفق هذا العقد بالاوراق
وبكدا تبقى واضع يدك على الارض قبل 2006

black star
19-10-2009, 11:57 PM
استاذ / هاني
احنا معانا عقود تنازل فعلا بتاريخ 5 /2006 ولكن هل الهيئة سوف تعتبره اثبات لو تم عمل صحة توقيع في المحكمة بتاريخ الان ؟ هذا ما اريد الاجابة عليه من شخص قام بالتقنين حديثا او متخصص . وشكرا

dqdq1945
21-10-2009, 01:29 AM
الاخ الفاضل
انا عندى قطعة ارض وضع يد وهذا الكلام الخاص بعام 2006 لم اسمع عنه حيث اننى بدات التقنين فى نهاية عام 2007 سيبك من كل الكلام الذى لا يسمن ولا يغنى مع احترامى للجميع
اهم شىء تتفق مع العرب كما اشار الزملاء من قبل وعلى فكرة احسن فدان تمنه500ج ولو وصله مياه مثل اراضى الفيوم التى تعتبر رى بحار يبقى 1500 على الاكثر اما الاجراءات فى الهيئة
فحذارى و الف مرة اقلك حذارى من الاستعانة بالمحامين لان كلهم نصابين وخصصضا ان منهم ناس كتير لجأت لمنتدنا ولمنتديات زراعية اخرى لتروج فكرة مقدرةتهم على اتمام اجراءات التقنين فى وقت قياسى
انا شخصيا نصب على فى 450000 ج من2 محامين والان عندى من القضايا ما لا تتخيله وكل هذا ولازالت الارض كما هى لم يتم تقنينها بعد
نصيحة لك تعامل مع موظف الهيئة وهو حيخلص وباقل من المحامى بس بحرص لانهم بيعزوا اداء دور اخر الرجال المحترمين بينما افضل ادورهم السادة المرتشون
تقبل خالص تحياتى

black star
21-10-2009, 05:59 AM
الاخت الفاضلة /dqdq1945 بالنسبة للتاريخ الذي بداء فيه تنفيذ قانون وضع اليد فهو 31/12/2007 لاني كنت في عام 2007 اشتري ارض وضع يد وذهبت الي الهيئة وقابلت رئيس اللجنة العليا شخصيا واكد لي انه لايمكن له نفسه تثمين الارض قبل ان يراها ويحدد مزاياها ومزروعتها . ولكن لم اشتري تلك الارض لانها كان ورائها مشاكل .
الحقيقة ان القانون 148 لسنة 2006 فعلا نص علي تمليك الاراضي لواضعي اليد بشرط ان يكون الانتفاع بها بدا قبل صدور القانون.

وهذا يفسر ان اجرائتك تمت بدون السؤال عن تاريخ وضع اليد لانك ذكرت انك وضع اليد منذ زمن .

والان نعود لنفس السؤال هل عقد تنازل بتاريخ 2006 له صحة توقيع بالمحكمة بتاريخ 2009 اثبات قانوني للهيئة ؟

mohamedmddm
28-10-2009, 02:47 PM
الاخ الفاضل

انا عندى قطعة ارض وضع يد وهذا الكلام الخاص بعام 2006 لم اسمع عنه حيث اننى بدات التقنين فى نهاية عام 2007 سيبك من كل الكلام الذى لا يسمن ولا يغنى مع احترامى للجميع
اهم شىء تتفق مع العرب كما اشار الزملاء من قبل وعلى فكرة احسن فدان تمنه500ج ولو وصله مياه مثل اراضى الفيوم التى تعتبر رى بحار يبقى 1500 على الاكثر اما الاجراءات فى الهيئة
فحذارى و الف مرة اقلك حذارى من الاستعانة بالمحامين لان كلهم نصابين وخصصضا ان منهم ناس كتير لجأت لمنتدنا ولمنتديات زراعية اخرى لتروج فكرة مقدرةتهم على اتمام اجراءات التقنين فى وقت قياسى
انا شخصيا نصب على فى 450000 ج من2 محامين والان عندى من القضايا ما لا تتخيله وكل هذا ولازالت الارض كما هى لم يتم تقنينها بعد
نصيحة لك تعامل مع موظف الهيئة وهو حيخلص وباقل من المحامى بس بحرص لانهم بيعزوا اداء دور اخر الرجال المحترمين بينما افضل ادورهم السادة المرتشون

تقبل خالص تحياتى




الاخ العزيز dqdq1945

السلام عليكم

اذا امكن ان توضح لنا اين نجد ارض وضع يد بهذه الاسعار المذكورة
وشكرا

سالم محمد سالم عياد
08-11-2009, 09:44 PM
الاخوه الافاضل
بعد السلام عليكم ورحمة الله وبركاتة
بداية تقنين اراضى وضع اليد او تملك اراضى الدولة يختلف كثيرا من حاله الى اخرى
بل تحضع التصرف فى اراضى الدوله لاكثر من سبع جهات لها حق التصرف مع اعتبار ان الخمس موافقات لجهات بالدولة التى تتطلبها الهيئه العامه للتنمية بوزاره الزراعة جهه واحده
كما تتحدد الجهه المختصة بالتقنين حسب "موقع الارض " والمقصقود بموقعها هنا يختلف عن معناه بالنسبة لتقدير السعر او الثمن بمعرفة اللجنه العليا لتثمين اراضى الدولة _ لدرجة قد تتداخل الاختصاصات بين جهات الدوله نفسها لمعرفة من المختص ويلتبس الامر عليها _ويدل على ذلك كم فتاوى الجمعية العمومية لقسمى الفتوى والتشريع بمجلس الدوله بهذا الخصوص _ ومع احترامى لمهندس افتى بان راييه هو الاول والاخير فاقول لحضرتة _قل لمن يدعى العلم معرفة حفظت شيئا وغابت عنك اشياء _اما الفاضلة المؤدبة التى عممت ولم تخصص بان الساده المحامين:showoff: نصابين _فخير من اجابتها السكوت:thumb2: _وما اقدر ان انصح به من يريد ان يتبين الخيط الابيض من الاسود فى هذا الموضوع هو ان يلجا للمركز الوطنى لتخطيط واستخدمات اراضى الدولة "بصفته المنسق بين جهات الدولة فى هذا الاختصاص بتقنين وضع اليد وشروطه ومعايره واسسه _لان بحث الامر قانونا يعجز ان تحيطه كلمات قصيرة وخاصه اننا بلد روتنيه ونطبق القانون على اناس دون اخرين لهم طرقهم وسبلهم الغير مشروعة وانا على استعداد لاى اجابه عن اى سؤال ومجاااااااااااااااااااااااااااااااا اااااااااااااااااااااااااااااااانا :thumb1:

عنوان المركز الوطنى لتخطيط واستخدام اراضى الدولة هو المنبى الجديد له بمدين نصر امام قاعة الموتمرات بالمعرض الصناعى الزراعى ويتولى رئاسته السيد اللواء عمر الشنوانى

سالم عياد ودمتم باحسن حال واهنا بال :thumb1:

sanad_88
11-11-2009, 01:18 PM
الف شكر ليك يا استاذ سالم عياد

واتمنى تقولنا الخطوات اية علشان اعرف الارض تابعة لاى جهة من خلال المركز القومى لتخطيط استخدامات اراضى الدولة ؟

سالم محمد سالم عياد
11-11-2009, 10:38 PM
بسم الله الرحمن الرحيم
اخى الفاضل :brows:
مركز تخطيط واستخدام اراضى الدولة لن يحدد لك الجهه صاحبة الاختصاص فى التصرف فى الارض التى ترغب فى تقنين وضعها وتملكها الا بعد ان تقوم برفعها على خريطة مساحيه جديدة ومعتمده من مهندس نقابى كى يعرف مكانها تحديدا وبناء على هذا الموقع سوف تتحدد جهه الاختصاص
حسب خروجها عن الحيز العمرانى وبعدها عن الكردون المعتمد وهل بمنطقه شواطى او ساحليه وهل تحضع لمرمى الرماية فى تدريبات القوات المسلحه من عدمه الخ الشروط والاوصاف التى ثوثر فى تحديد جهه الاختصاص وكذلك فى تقدير اللجنه العليا لتثمين اراضى الدوله لها
والله يوفقكك لما فيه خير البلاد والعباد
ودمتم بخير :thumb1: