المساعد الشخصي الرقمي

مشاهدة النسخة كاملة : أحتاج إلى خبرة زراعية



مصطفى عبد الفتاح
17-04-2009, 02:20 AM
انا طالب فى كلية الزراعه قسم الهندسه الزراعيه بالفرقه الثالثه وبصراحة انا كنت عايز اكتسب خبره واشتغل فى نفس الوقت بحيث انى لما اتخرج بعد سنه ان شاء الله يكون عندى بعض الخبرة وانا ممكن اشتغل اى حاجه المهم انى اكتسب خبره فى مجالنا وما اضيعش الاجازة القادمه
ارجومن الاخوه الافاضل اعضاء المنتدى ان يفدونى بارائهم فى هذا الموضوع وذلك لما لهم من خبرة وان يعيرونى بعض النصائح التى تفيدنى فى حياتى العملية وجزاكم الله عنى خيرا
ارجو المشاركه

i love agriculture
17-04-2009, 03:02 AM
الفكرة جيدة ويجب ان تعمل مع المهندسين ولو بالمجان حتى تكتسب الخبرة وعندها سوف تجد عملك بكل سهولة لان لديك خبرة عملية.

مصطفى عبد الفتاح
17-04-2009, 12:44 PM
الفكرة جيدة ويجب ان تعمل مع المهندسين ولو بالمجان حتى تكتسب الخبرة وعندها سوف تجد عملك بكل سهولة لان لديك خبرة عملية.



شكرا جزيلا لك يا باشمهندس على تفاعلك معى وبالفعل دا اللى انا بدور عليه وجزاك الله خيرا

ندوة
20-04-2009, 05:30 PM
لو تتعرّف على صاحب مشتل وتعمل عنده وكما تفضل محب الزراعة حتى ولو بالمجّان..تتعرّف على اسماء النباتات وطبيعة العمل وكثير من اعمال المشتل وطريقة ادارته ..

مصطفى عبد الفتاح
12-05-2009, 12:49 PM
ايه الحكايه هو ما فيش حد عند نصايح ولا ايه

تامر سمير فاضل
12-05-2009, 02:53 PM
أبشرك خيراً فأن ماتفكرفيه قد فعلناه وقد أفادنا كثيراًبعد التخرج
أولاً : أنا لست قسم هندسة ولكن أحد زملائى يعمل فى ثلاجة خضار و فاكهه يحتاج فنى لمدة ثلاث شهور بأسرع وقت يا حبذا لو النهارده
ثانياً : ياريت تقولى أنت زراعة جامعة أية لان بعض الدكترة فى الكليات يساعد الطلاب على العمل فى الصيف فى المزارع

هيما
13-05-2009, 12:24 AM
السلام عليكم
اخى الفاضل
طبعا تحياتى ليك انك عايز تتعلم شىء
ودة انا عملتة فعلا من سنتين خرجت واشتعغلت عامل فى شركة للانشاءات الحدائق
بس انا مش عارف تحديدا مجالات الهندسة الزراعية لان هية اكيد غير انشاءات الحدائق
لكن انت ممكن تشوف المناطق الى فيها مشروعات واستصلاح اراضى جديدة
وتروح تشتغل معاهم كعمالة صيفية طبعا هتكون عامل اكيد
فية مناطق فى اسكندرية وفية فى الصالحية وفية فى وادى النطرون وفية فى العوينات وكدة
وانت بقى وحسب ماتقدر توصل وتتحمل المتاعب الى هتقابلها
وتحياتى

eng_alaraby
13-05-2009, 01:55 AM
أخي الفاضل فكرة العمل اثناء الاجازة فكرة جيدة جدا فهي تعطيك خبرة في سوق العمل وخصوصا ان تخصصك من التخصصات القليلة في مصر وان شاء الله اقدر اساعدك في الموضوع ده في بعض المزارع بالاسكندرية الصحراوي والنوبارية والاسماعيلية بس اديني معلومات عن اقامتك عشان احاول ادبرك مكان قريب منها وان شاء الله يبقي العمل في مجال الهندسة الزراعية ( الري والشبكات ) في احد المزارع او الشركات لتكتسب خبرة جيدة ان شاء الله وهذا ايميلي اذا اردت التواصل engalaraby[at]yahoo.com

عبد الوهاب الديب
13-05-2009, 01:01 PM
الاخ الفاضل يشرفنى ان استضيفك للتعرف على كل ما يخص المشاتل اذا كان عندك الوقت الكافى فبفضل الله عندى اكثرمن مشتل فى الاسكندريه وان طلبت ذللك ساعطيك الايميل الخاص بى

مصطفى عبد الفتاح
10-06-2009, 11:37 AM
السلام عليكم ورحمة الله
اولا انا اسف جدا فى التاخر على الرد على كلى كل من تفاعل معى ولكن اعذرونى فالايام السابقه كانت ايام امتحانات وانا بشكر كل من تفاعل معى فى هذا الموضوع وجزاكم الله خير وفى انتظار المزيد

مصطفى عبد الفتاح
10-06-2009, 12:08 PM
أخي الفاضل فكرة العمل اثناء الاجازة فكرة جيدة جدا فهي تعطيك خبرة في سوق العمل وخصوصا ان تخصصك من التخصصات القليلة في مصر وان شاء الله اقدر اساعدك في الموضوع ده في بعض المزارع بالاسكندرية الصحراوي والنوبارية والاسماعيلية بس اديني معلومات عن اقامتك عشان احاول ادبرك مكان قريب منها وان شاء الله يبقي العمل في مجال الهندسة الزراعية ( الري والشبكات ) في احد المزارع او الشركات لتكتسب خبرة جيدة ان شاء الله وهذا ايميلي اذا اردت التواصل engalaraby[at]yahoo.com





بداية انا بشكر حضرتك على التفاعل البناء
اما بالنسبه للمعلومات عنى
انا من محافظة قنا
ومع ذلك فانا مستعد للعمل فى اى مكان
وانا اضفت الايميل الخاص بحضرتك للتواصل
وانا بكرر اسفى لحضرتك فى التاخر على الرد
وجزاكم الله خيرا