أسكن في الدور الثامن و أريد زرع نبات للظل

[حسين عشري]

الموضوع سبق و عرضته في الزراعة بدون تربه لكن تقريبآ محدش إهتم
ممكن هنا حد يقدر يساعدني
أنا ساكن بالدور الثامن و ده الدور الأخير
عايز أزرع حاجه فوق السطح بحيث تؤمن لي الظل من الشمس و كمان ممكن تكون قعده جميلة في الصيف
ممكن حد يفيدني ؟
و شكرآ
بس ياريت ألي يعرض أفكاره يلاحظ أني مش متخصص في الزراعة
و شكرآ

[ندوة]

السلام عليكم ورحمة الله

اذا بالامكان توفر وعاء كبير ( اصيص) وتزرع فيه الياسمين الياباني وهو نبات سريع النمو ودائم الخضرة ويوفر الظل المطلوب ..

[مهند النجم]

ممكن تزرع نبات اسمه ست الحست ده نبات متسلق له القدرة علي النمو السريع و يمكن ان يغطي لك السطح في فترة قصيرة
في حالة التسميد الجيد

[حسين عشري]

لو سمحتم
بالنسبه للياسمين الياباني هل لازم له تعريشه و لا لأ
و كذلك بالنسبة لست الحسن
و هل ممكن توضحوا لي مساحه 150 مترمسطح محتاجه كام شتلة و أجيبهم منين و أزرعهم في قصيص عمقه كام و نوع التربة المطلوبه
و الله أنا آسف بس أنا تقريبآ معنديش أي خبره في الموضوع ده
أنا متشكر جدآ لأهتمامكم

[ندوة]

اخي الكريم
150 متر تستفيد منها بوضع اكثر من نوع من النباتات مابين الشجيرات والنباتات الموسمية ونباتات زينة اخرى ..
لو اردت ان تستفيد من ظل الياسمين الياباني لمساحة معينة في هذه الحالة تحتاج الى تعريشة تعطي فائدة وجمال للمكان .. مع الزراعة تحت ظلها لنباتات عديدة .. الاصص التي ممكن استخدامها تكون كبيرة الحجم والعمق ليكون للنبات مجال للنمو ومع التسميد ممكن تعيش مدة طويلة .. (عمق الاصيص ممكن يكون 75 سم عمق مع قطر 50-60 سم ) .. التربة المستخدمة تربة عادية مزيج من الطمى والرمل ..اتمنى ان اكون اوضحت لك الفكرة .. النباتات اكيد متوفرة في المشاتل بكثرة والوقت مناسب جدا لزراعتها ..