المساعد الشخصي الرقمي

مشاهدة النسخة كاملة : نصائح من خبراء تربيه الجاموس



a7med-alex
05-04-2009, 03:23 PM
السلام عليكم ورحمه الله وبركاته

اخوانى انا عضو جديد بينكم بطلب مساعدتكم ..


دلوقتى انا عايز اعمل مشروع لتربيه العجول وحلبها وليس تسمينها ...

مطلوب منكم تقولولى

ايه هوا راس المال اللى اقدر ابدء بيه ؟؟ وايه هوا اقل عدد فى الجاموس اللى اقدر اكسب من وراه وميكونش العمليه فيها خساره ؟؟ ايه هيا افضل الوجبات اللى ممكن تتقدم للجاموس ؟؟ وفى اى معاد فى اليوم ؟؟ الجاموس افضل ولا الفريزيان ؟؟ افضل انواع الجاموس انتاجآ للحليب متواجده فين فى مصر ؟؟ ولو عدد الجاموس 10 مثلا مقدار الاكل فى الشهر يكون قد ايه ؟؟ يعنى اشتريلهم اكل ايه وقد ايه شهريآ ؟؟

فى إنتظار مساعدتكم ضرورى .. وشكرآ مقدمآ

a7med-alex
06-04-2009, 12:09 AM
up .

fayedm1
06-04-2009, 04:51 PM
نصيحة من أخ ليك أولا لو انت عاوز تعمل مشروع زي ده لازم يكون عندك الأرض المتوفرة لزراعة النباتات التي يتغذي عليها الأبقار أو الجاموس ولو معندكش ارض التكلفه هتكون زياده عليك قوي وغير كده ممكن يجي عليك فتره متلقيش لهم أكل دي نصيحه الأول
النصيحه الثانية لو انت عاوز كميات لبن وفيره فعليك بالفرزيا الهولاندي ولكن جوده اللبن البقري عموما معروفة أنما لو كنت عاوز كميات لبن محدوده ولكن النوعية جيدة فعليك بالجاموس المصري وده موجود في مناطق كتير منها أولا الصعيد والمنوفيه بمعني اصح عند الجماعة إلي يقوموا بتربية الجاموسة بالبيت لأنها تكون مضمونة وتكون أطباعها جيده " جاموس هادي" وربنا يوفق الجميع

a7med-alex
06-04-2009, 11:38 PM
اولا شاكر جدآ لردك اخى الكريم ..

بخصوص الارض والاكل .. فانا الاول احب اوضح لحضرتك انى بالفعل شغال فى الموضوع دا بس بعدد 3 راس جاموس مصرى ،، وبالفعل قمت بأستاجار ارض مش كبيره اوى بس كويسه بمبلغ 300 جنيه فى 6 شهور وبتتزرع برسيم طول موسم البرسيم ..

اما بخصوص الفريزيان فانا لقيت شويه معومات عالنت تخص مقارنات بين الفريزيان والجاموس وواضح ان الجاموس افضل + انى بالفعل بربى جاموس وعارفو كويس ومربتش فريزيان قبل كدا

شكرآ لردك مره اخرى وفى إنتظار حد يفيدنى فى تطوير المشروع وزياده إنتاجيته .. واجابات اسالتى اللى فى الموضوع وشكرآ

مصطفى كامل الجبالى
16-12-2013, 09:42 PM
العدد الى ممكن تبدا بيه اى عدد حسب ظروف راس المال اما بالنسبه لتربية الجاموس فهو اكثر امانا من الفريزيان لتحمل الحيوان الظروف الجويه اما بالنسبه للتغذيه التغذيه لا يحكمها سوى العقل المدبر اللى ممكن يوصل للحيوان كمية البروتين والطاقه اللى بيحتاجها على حسب الفئه للحيوان او حالته وممكنالتغذيه على اى ماده علف متوفرة او مجموعه مواد متاحه ىف المكان اللى حضرتك قريب منه

mustafa hafiz 55
22-12-2015, 07:53 PM
الأخ أحمد
السلام عليكم و رحمة الله و بركاته
الابقار الفريزيان تباع الرأس الواحدة بحوالى 25 ألف جنيه مصرى
يمكن الحصول عليها من مزارع وزارة الزراعة او من بعض المزارع الخاصة باوراق ملكية و سلسلة النسب
معظم الموجود فى مصر بقر فريزيان تم تهجينه مع البقر المصرى لرفع نسبة تحمل البقر للظروف الجوية فى مصر
متوسط الانتاج اليومى 40 كيلو حليب نسبة الدسم 3.5 %
متوسط استهلاك العلف اليومى للراس 45 جنية
العجول المولودة حديثا يصل وزنها الى 40 كجم و تباع بأسعار جيدة
تكرم الاخوة الافاضل اعضاء المنتدى و وضحوا ان البقر المصرى افضل و هذا صحيح
الفريزيان محتاج رعاية عالية لكن العائد المادى منها كبير