التعليم المفتوح معترف به رسمى فى مصر
مناسبة
غير مناسبة
لا اعلم عنها شىء
جيدة ولكن لى تحفظ وسأذكره فى رد
التعليم المفتوح معترف به رسمى فى مصر
سلام عليكم الاخ الفاضل مهندس زراعه انا كل الكلام اللى انت قلته فعلا صحيح والمواد بتاعت اللائحه الجديده هى دى قعلا واحنا فى سنه اولى ما اخدناش اسماك وظهرت واخدتها الدفعه 18 اللى هى الدفعه اللى بعدى وكل المواد عندنا فى زراعه عين شمس بجد بجد رائعه ومش بناخد المواد باستفاضه الا لو
كان فى جديه منك زيه زى التعليم الانتظامى فى طالب جاى ياخد شهاده وطالب محب للماده العلميه ولو انت محب لدراسه الاسماك والمزارع السمكيه ممكن تعمل دبلومه وتتخصص فيها ودى سهله جدا لكن المهم تكون محدد هدفك انت داخل زراعه عشان يبقى مجالك ولا حب فى ماده معينه ممكن تعرف كل شىء عنها بمجهود بسيط ولو ناوى على انك تعرف جميع النواحى الزراعيه وناوى تكون مجالك فالحق وقدم لان بجد الدقايق محسوبه من عمرنا والترم الجديد شهر تلاته وحقولك حاجه لو الموضوع فلوس يبقى شوف معاك كام الماده ب160 جنيه سجل فى تلات مواد حتى وامتحنهم واعرف النظام وربنا حيسرلك الاحوال وحيرتك انا مريت بيها وحسه بجد انت بتفكر ازاى اتمنى انى اكون افدتك وللعلم انا فاكره اول يوم دخلت فيه كليه الزراعه وقلت لزميلتى اللى جنبى يا ترى حنكمل اتمنالك التوفيق وربنا يهديك للصواب
اولا مهندس وليد احب اشكرك جدا على كلامك انا بجد استفدت منه جدا وصححلى حاجات كتير
ويبقى الف الف شكر لو فعلا جبتلى اللايحه الجديدة و اماكن تدريس الثروة السمكية الله يكرمك
والمهندسة داليا انا برضه بشكرك جدا انا برضه استفدت من كلامك كتير اوى وخصوصا تحديد الهدف
لكن طبعا الدبلومة دى بعد ما اخد البكالريوس ودى مدتها اد ايه تقريبا ؟ ممكن تعرفينا اكتر عنها
انا لسه حاليا ف 3 ث/ع ولسه هخلص فى شهر 6 بس انا بحاول احدد طريقى من دلوقتى
والمهندس محمد الف شكرا للمعلومة ونورت الموضوع
ومهندس وليد و مهندسة داليا الموضوع بقالوا شهور متقالش فيه المعلومات دى قبل كده وهى دى بالظبط الاجابات اللى عاوزها منكم
وهنتظر ردودكم ع الاسئلة لو سمحتم
ومتشكر جدا جدا ليكم الله يكرمكم
الله يكرمك يا رب يا يوسف وانا لاحظت صغر سنك والدبلومه حسب مدى تخصصها مثلا ممكن تكون سنه
ا اكثر وهناك دبلومه سته شهور حسب المدى او المستوى اللى حتصل ليه
الف شكر يا مهندسة داليا على مجهودك بس عندى سؤال هل الدبلومة دى لازم بعد اخلص البكاليريوس ولا ايه
ومعلش يا مهندسة داليا سؤال تانى فين بقى الدبلومة دى كليات الزراعة مثلا ولا فين؟؟
والله يكرمك انا مش عارف اشكرك او اشكركم كلكم ازاى
واللهى يا اخ يوسف المفروض سوالك المنتدى كله يجاوب عليه لان الكل هنا بيترددوا على النقابه او الكليه
اما الدبلومه ممكن حسب التحصص يعنى فى دبلومه مثلا فى عيش الغراب بيديها استاذ دكتور عالمى محمد على اسمه ده بيديها فى شهر ونص ومش شرط الموهل خالص قيها حسب نوع الدبلومه يعنى الدبلومه دى بتدرس فى الشتا الصيف صعب لان المكان بيكون قى الصيانه وعسل النحل ايضا وفى دبلمات اكاديميه وليست عمليه وللعلم اسعار الدبلومات دى فى متناول الكل تقريبا 75 جنيه دبلومه عيش الغراب وفى دبلومات اكاديميه زى دبلومه فى زراعه الانسجه واكيد انت متفق معايا انها لازم اللى يدرسها يكون خريج رراعه وللعلم انت كمان ممكن تدرس اثناء دراستك فى الكليه دبلومه تحاليل طبيه لان مجال التحاليل الطبيه متاح لتلات كليات علوم وطب وزراعه ارجوا انى اكون افدتك
لا الف شكر بجد يا مهندسة داليا اجابة شاملة وجهد يستحق الف تحية
وانا عارف للاسف الموضوع الاقبال عليه ضعيف رغم ان فى ناس كتير ممكن تفيد الموضوع بشكل كبير اوى....................
وكل الشكر لمن ساهم فى هذا الموضوع
واخيرا نقدر نقول انت لازم تبقى عارف انت عاوز ايه الاول عاوز مجرد تثقيف ولا مجال للعمل
الجزء العملى و التدريبات مهمة جدا لتكون مهندس زراعى ناجح فى مجالك
تعليم مفتوح او انتظامى الافضل لك هو حسب اختيارك
مع العلمان التعليم الانتظامى التدريب العملى فيه اكتر
الاهم هو هدفك و التدريب العملى المكثف اينما وجد
شوف انت واختار
لكن الموضوع لسه مفتوح لو لسه عندكم اراء
وبجد انا عاوز اشكر من كل قلبى المهندس والمهندسة وليد و داليا لانهم فادونى جدا جدا فى الموضوع ده
والشكر للكل
وهنتظر ردك يا مهندس وليد
شكرا
اخى العزيز يوسف اعتزر لتاخير الرد ولكن يعلم الله كم مررت بظروف صعبة فلاتنسانى من صالح دعائك
ثانيا اجابة استفسارات تنص الائحة الجديد ة على ان الدراسة تكون بالساعات المعتمدة ويختار الطالب المواد التى يريد دراستها من مجموعة مواد اختيارية فى السنة الاولى و الثانية تؤهله للتخصص فى السنة الثالثة والرابعة وساذكر لك التخصصات والمواد حسب نظام جامعة القاهرة
اولا البرامج
1-البيوتكنولوجي وينقسم إلى توجه البيوتكنولوجي وتوجه الكيمياء الحيوي
2-الإنتاج النباتي ينقسم الى محاصيل وبساتين
3- الإنتاج الحيواني ينقسم إلى الأسماك والدواجن والإنتاج الحيواني
4-علوم الأغذية والألبان ينقسم إلى ألبان وعلوم أغذية
5-الاراضى والمياه شعبة واحدة فقط
6-الوقاية والأمراض ينقسم إلى أمراض نبات وحشرات و مبيدات
7- الاقتصاد والعلوم الاجتماعية الزراعية ينقسم إلى اقتصاد وإرشاد
ويكون التخصص من العام الثالث
المواد كالاتى
اولا مواد المستوى الاول والثانى والدراسة بهما عامة ويختار الطالب 5 مواد من المواد الاختيارية على أساسهم يكون التخصص و المواد هي
أ-المواد الإجبارية:
1-نبات زراعي 2- حيوان زراعي 3- كيمياء عضوية 4- كيمياء حيوي 5- فيزياء وأرصاد جوية 6-أساسيات علوم الأغذية والألبان 7-أساسيات بساتين 8-أساسيات محاصيل 9-ميكروبيولوجى زراعية 10-أساسيات علوم الاراضى 11- أساسيات الإنتاج الحيواني والداجنى 12- وراثة عامة 13- أساسيات هندسة زراعية 14- إحصاء 15- رياضة 16- مقدمه فى الاجتماع الريفي 17- أساسيات اقتصاد 18- انجليزي 19- حقوق إنسان 20-أسس وقاية نبات 21-التفكير العلمي وكتابة التقارير
ب-المواد الاختيارية :
1-فسيولوجي حيوان 2- رعاية حيوانات المزرعة 3- تغذية حيوانات المزرعة يؤهلوا(للانتاج الحيوانى)
4- اسس حشرات 5- اسس امراض نبات 6- مبيدات الافات ( وقاية نبات)
7-اسس البان 8-اسس صناعات 9- كيمياء تحيلية (علوم اغذية )
10-فسيولوجى نبات 11-محاصيل بساتين 12- محاصيل حقل( انتاج نباتى)
13- موارد ارضية ومائية 14- الاستشعار عن بعد فى الزراعة 15- نظم معلومات جغرافية (الاراضى)
16-اقتصاد زراعى 17- ارشاد زراعى 18- اسس تنمية مجتمع ريفى ( اقتصاد زراعى)
19-تكنولوجيا حيوية 20- وراثة حديثة (بيوتكنولوجى )
مواد المستوى الثالث والرابع التخصص لكل برنامج
اولا برنامج الإنتاج الحيواني
فسيولوجى حيوان-نظم انتاج حيوان ودواجن-السلوك والرفق بالحيوان-امراض حيوان ودواجن واسماك-مواد علف وتجهيزها- تغذية دواجن –الغددالصماء والاقلمة-تغذية اسماك وقشريات-تحسين حيوان ودواجن – تكنولوجى لحوم والبان- انتاج محاصيل علف وحبوب-مبانى زراعية-تمثيل غذاء وطاقة- تغذية حيوان
ادارة مشروعات-ارشاد-محاسبة وتسويق
مواد الاقسام
1-الانتاج الحيوانى :-فسولوجى التناسل فى حيوانات المزرعة-انتاج الماعز والاغنام-انتاج اللحوم-رعاية ماشية اللبن- الاتجتهات الحديثة فى الإنتاج الحيواني
2-الدواجن: فسيولوجي دواجن- الاتجاهات الحديثة فى الدواجن-رعاية امهات الدجاج- رعاية الطيور الداجنةوالارانب- انتاج لحم وبيض دجاج
3-قسم الاسماك : انتاج سمك – فسيولوجى سمك – مزارع سمكية- التفريخ والحضانة فى السمك- الاتجاهات الحديثة فى الاسماك
ثانيا الانتاج النباتى
الحشائش ومقاوتها-اسس تربية المحاصيل الحقلية والبستانية-انتاج النباتات الطبية والعطرية-انتاج خضر المواسم المعتدلة والباردة-الزراعة العضوية فى المحاصيل والبساتين-انتاج نباتات الزينة- انتاج الفاكهة المتساقطة الاوراق-انتاج المحاصيل الصناعية الياف وزيت وسكر-افات زراعية-انتاج المحاصيل الغذائية حبوب وبقول وعلف- امراض نبات ونيماتودا –خصوبة اراضى وتسميد- انتاج خضر مواسم دافئةوحارة-انتاج فاكهة مستديمة خضرة-ادارة- ارشاد- محاسبة وتسويق
1-قسم محاصيل : اسس تصميم وتحليل تجارب- طرق تربية محاصيل زراعية- نظم وبرامج محصولية- فحص وفرز الياف- تكنلوجيا انتاج تقاوى.
2-قسم بساتين: انتاج موالح- انتاج نباتات الصوب والتنسيق الداخلى-تكنولوجيا اكثار الخضر- انشاء وخدمة مزارع الفاكهة-اكثار نباتات الزينة- انتاج العنب –تنيسق حدائق-اعداد وتداول وتخزين الخضر-معاملات ماقبل وبعد الحصاد لثماراشجار الفاكهة-تربية محاصيل الخضر-انتاج الخضر المحمية-فسيولوجى الخضر-اشجار وشجيرات ونخيل الزينة-تربية وتحسين واكثار اشجار الفاكهة-تداول نباتات الزينة والطبية والعطرية
ثالثا برنامج العلوم الاقتصادية والاجتماعية والارشاد
ادارة اعمال زراعية- السكان والتغير الاجتماعى والتنمية الريفية-ادارة التربة والمياه وصيانتها-ديناميكية الجماعة والقيادة-ثروة حيوانية وداجنة-تغذية انسان-الانتشار طرق التعليم الارشادى-اقتصاديات انتاج زراعى-تسويق زراعى-انتاج المحاصيل البستانية-محاسبة زراعية-انتاج محاصيل رئيسية-البحث والتحليل التشخيصى الاجتماعى والاقتصادى-المؤسسات والمنظمات الاجتماعية والريفية-الاحصاء الاقتصادى والاجتماعى-تخطيط وتقييم البرامج الارشادية
1-قسم الاقتصاد: تقييم المشروعات الزراعية-تمويل زراعى-تحليل اسعاد زراعية-التجارة الدولية الزراعية- تنمية اقتصادية وسياسة زراعية.
2-قسم ارشاد: نظم ارشاد زراعى-تعليم كبار-ادارة التنظيمات الارشادية- ادارة تنميةالموارد البشرية والطبيعية بالريف- مقدمة فى تخطيط وتقييم مشروعات التنمية الريفية
رابعا برنامج الاراضى والمياه
طبيعة اراضى وعلاقات مائية-اساسيات زراعة عضوية-تدوير مخلفات زراعية- تكوين ومورفولوجى اراضى-كيمياء ومعادن الارض-اصلاح وتحسين الارض-حصر وتصنيف وتقييم الاراضى-ادارة الرى والصرف المزرعى- تلوث اراضى ومياه ومعالجتها-الاسمدة وادارة التسميد- خصوبة الاراضى وتغذية النبات-ادارة مشروعات-ارشاد-محاسبة وتسويق-انتاج محاصيل بستانية-ميكربيولوجى اراضى-ادارة محميات طبيعية-التغيرات المناخية وتاثيرتها-زراعة لا ارضية-اسس علم بيئة-صيانة وخدمة اراضى- انتاج محاصيل حقلية
خامسا برنامج علوم الاغذية
ميكربيولوجى عملى –اغذية والبان ومكوناتها – نظم تعبئة وتغليف اغذية والبان –ميكربيولوجى تصنيع اغذية ومعالجة مياه ومخلفات- انتاج حيوانى وداجنى –مثلوجات لبنية ونواتج ثانوية-تكنولوجيا انزيمات-اعداد وتداول الحاصلات الزراعية-الشروط الصحية وادارة جودة الاغذية والالبان-تغذية انسان-اللبن السائل والمركز والمجفف-هندسة تصنيع الاغذية والالبان-كيمياء وتكنولوجى حبوب-ميكربيولوجى تصنيع لبن ومنتجاته
ادارة مشروعات- ارشاد-محاسبة وتسويق
1-قسم الصناعات : تكنولوجيا حفظ الاغذية-تكنولوجيا زيوت عطرية وغذائية ومكسبات-صناعات ميكروبية-تكنولوجيا السكر والمنتجات الخاصة- تكنولوجيا منتجات حيوانية
2-قسم الالبان : الالبان المتخمرة-تصنيع الجبن-تقييم اللبن ومنتجاته- كيمياء تصنيع اللبن ومنتجاته-تكنولوجيا نواتج اللبن الدهنية وبديلاتها
سادسا وقاية النبات
افات نيماتودية-الحشائش ومقاومتها-امراض نبات فطرية-تربية نحل العسل وديدان الحرير-حشرات اقتصادية1-المكافحة الحيوية –سمية المبيدات- امراض نبات بكتيرية وفيروسية-اختبارات وتقديرات حيوية للمبيدات-الحشرات الناقلة لامراض النبات-انتاج محاصيل البساتين-افات اكاروسية-ادارة متكاملةللافات-انتاج محاصيل حقلية-ادارة مشروعات- ارشاد – محاسبة وتسويق
1-قسم حشرات اقتصادية: ادارة مناحل- بيئة وفسيولوجى حشرات-حشرات اقتصادية 2-تطبيقات مكافحة حيوية- القوارض والطيور الضارة
2-مبيدات : تحليل مبيدات –مستحضرات المبيدات-مبيدات فطريات وحشائش- القوارض والطيور الضارة-تلوث البيئة بالمبيدات
3-امراض نبات: مورفولوجى وتقسيم فطر- افات وامراض ما بعد الحصاد-افات وطفيليات لافقارية-تشخيص امراض نبات- ديناميكية مقاومة النبات للامراض
سابعا برنامج التكنولوجيا الحيوية
كيمياء انزيمات وتمثيل غذائى-كيمياء طبيعية حيوية-اسس تربية محاصيل-وراثة كائنات دقيقة-انتاج النباتات الطبية والعطرية-اكثار وانتاج شتلات الفاكهة-دراسات خاصة وندوة-وراثة مناعة-كيمياء البروتينات والاحماض النووية-بيئة كائنات دقيقة-تقسيم كائنات دقيقة-وراثة سيتولوجية- فسيولوجى كائنات دقيقة- كيمياء بيولوجى جزيئية ومناعة- ادارة مشروعات- ارشاد- محاسبة وتسويق
قسم الكيمياء الحيوية: كيمياء زيوت ودهون – كيمياء حيوية نباتية ومركبات ثانوية- كيمياء كربوهيدرات-كيمياء تحليل الكيمائى بالطرق الطبيعية-كيمياء فيتامينات وهرمونات
واخيرا هذة اللائحة كاملة , وبالنسبة للتخصص الاسماك فهو فى كل الجامعات التى تطبق اللائحة الجديدة وبالاخص الاسكندرية وقناة السويس التى كانت تدرسه قبل اللائحة فى كلية العلوم تخصص احياء بحرية وكلية الزراعة تخصص انتاج حيوانى قسم الثروة السمكية وعلى العموم زراعة القاهرة بها, وبالنسبة للدبلومات فهناك فرق بين الدورات التدريبية التى لا تعتبر شهادة دراسية وبين دبلومات الدراسات العليا التخصصية والمهنية والتى تكون عبارة عن عام اوعامين حسب نظام كل جامعة ,واخيرا وليس اخرا نرجو النفع للجميع وان اكون افدتكم ولاتنسونى من صالح دعائكم
الله يكرمنا ويكرمك و يسهلنا كلنا حالنا
والله يجازيك الف الف خير ع المجهود ده
بجد انا مش عارف اشكرك ازاى ع المجهود الجبار ده ... ده حتى موقع كلية زراعة القاهرة مش كاتب بالتفاصيل دى بجد الف شكر
وانا بجد كنت تايه على موضوع انتاج الاسماك ده
ومش عارف ال10 كلمات اللى قولتهم دول هيكفوا شكرا لجهدكم كلم فى الموضوع ده خصوصا المهندسة داليا وطبعا المهندس وليد
و برضه الموضوع ده اكيد هيبقى مفيد لناس كتير
والف شكر لكم كلم بجد
وان كانت الكلمات تعجز عن الشكر
الله يكرمنا و يكرمكم
اخونا الفاضل غير دقيق فى معلوماته ما ذكره عن عين شمس صحيح اما كل ما قاله عن التعليم المفتوح فى جامعه القاهره مجرد كلام وخيال ولا يوجد سوى قسم استصلاح الاراضىالمشاركة الأصلية كتبت بواسطة مهندس زراعة
بكل اسف لم يتم الرد عليه مع ان هنا كل من هم موجودين مهندسين زراعيين
الاخت داليا
نشكركك على التصحيح و نرجى الافاضة فى التفاصيل للفائدة العامة .... علماً بأنه يوجد الكثيرين من أعضاء المنتدى من خارج مصر و بالتالى ليست لديهم معلومات للرد على الموضوع بها ... كما أدعو الاخوة المهندسين من داخل مصر لزيادة التوضيح ......
طالع مواضيع زراعية متنوعة تهمك فى صفحتى على Facebook
http://www.facebook.com/pages/النافذ...966357?sk=wall
الاخوة الافاضل عندما تحدثت عن التخصص كنت اقصد التعليم النظامى وليس التعليم المفتوح وذلك للتوضيح فقط ونرجو من سيادتكم القراءة الواعية بعناية والتعليم المفتوج برامج دراسية وليس اقسام وذلك للتوضيح والمشاركة كانت للرد على الاخ يوسف ولفهم الكلام جيدا يجب متباعة المشاركة من بدايتها وشكرا للجميع
يا جماعة انا متخرج من كلية تجارة عادى بس حبيت ادخل تعليم مفتوح كلية زراعة لانى اخويا فى المجال دة وهوة مهندس زراعى وانا باخد خبرة منة دلوقتى من قبل ما ادرس وانا عايز ادخل تعليم مفتوح وكنت عايز اعرف معلومات عن كلية زراعة جامعة القاهرة تعليم مفتوح كام مادة ومصاريفها كام وفيها عملى ولا لا كدة يعنى ياريت حد يفدنى واكون شاكر لية انا احمد ؟؟
جزاك الله خيرا
مهندسة داليا ذكرت إن الكتاب بيقى موجود وتسألي عن أي حاجه من الدكتور بس هو بيلغي أجزاء منه يبقى المذاكرة تكون من الكتاب أم لابد من حضور المحاضرات وشغل الصحفيين في الكتابة والتبييض وبعدين نذاكر منها ..
اقتباس