تركيب طلمبة ماء
السلام عليكم
عندى استفسار المزرعة عندى دخلاها كهرباء وعاوز اركب طلمبة غاطسة كهرباء ومش عارف الانواع والا ركب طلمبة كام حصان والا حاجة
المزرعة 36 فدان عبارة عن 12 فدان خوخ 10 عنب 4 مانجو 4 موالح والباقى مشاتل
الشبكة الرئيسية 6 بوصة وعندى الشبكة كلها تنقيط
وش المية على 20 متر وعمق البئر 80 متر
كان معدل استهلاكى فى الماء 30 متر مكعب فى الساعة دة مع ماكينة الجاز معرفش فى الكهرباء تزيد والا لا
اركب طلمبة كام حصانونوعها اية وحدود الاسعار
وكمان نوع اللوحة وحدود الاسعار وشكرا
مواضيع مشابهة:
السلام عليكم مهندس وليدفى هذه الحالة انصحك بستخدام الطلمبات الغاطس ( كبرارى ) 60 حصان تقوم بضخ 120 متر مكعب مياه فى الساعة فهى مميزة جدا عن غيرها وعندى فى معظم المزارع التى اعمل مهندس زراعى بها قمنا بتغير الطلمبات القديمه وقمنا بستخدام هذة الطلمبة فكان الفرق كبير جدا جدا جدا من ناحية
كمية المياه 120 متر مكعب فى الساعه وبالتالى تعمل على توفير وقت الرى لان الضغوط ستكون جيده مع فتح كمية اكثر من عدد الفدادين على حسب الشبكة عندك
اما بخصوص الاسعار
اخر مرة قامت مزرعه المهندس احمد الشناوى بالخطاطبة بشرائها بتاريخ 27 / 5 / 2008 م كانت الاسعار كالاتىالطلمبة 55 الف جنية فى نفس الوقت
لوحه الكهرباء قام كهربائى المزرعة بتركيبها وهى تكلف من 5 : 8 ألاف جنية على حسب المكونات والخواص التى تقوم انت بأختيارها
غير شراء المواسير 6 بوصة كان تقريبا المتر بيكلف 210 جنية
وفلانشات بتكلف الوحده فى نفس الوقت 60 جنية
مع العلم طول الماسورة 6 متر بتقوم بتركيب عدد 2 فلانشة على كل طرف للماسورة
ونش تنزيل وتطليع كان فى نفس الوقت بيكلف 600 جنية
امور اخرى 1000 جنية
بس اهم حاجه بعد التركيب تقوم بعمل دبيحة وعزومه
اوعى تنسا تعزمنا
تقبل مرورى
م / محمد بدر
السلام عليكم مهندس محمد
شكرا على المعلومات القيمة
بالنسبة لمواسير ال 6 بوصة دية بتنزل فى البئر والا دية عشان الشبكة الخارجية على حد علمى طلمبات الكهرباء بتنزل على كابل من غير مواسير
بالنسبة للعزومة انا تحت امر المنتدى
يا ترى مكان الشركة او
وكلاء كبرارى فى مصر
التعديل الأخير تم بواسطة aouniat ; 25-10-2008 الساعة 01:55 AM
اخى العزيزالمشاركة الأصلية كتبت بواسطة mohamed badr
الماسورة البلاستيك 6 بوصة سعر المتر 210 جنية * 6 متر طول الماصورة = 1260جنية
ام تقصد ان الماصورة الواحدة ب 210 جنية وكم بار هذة الماسورة
ولك منى الشكر
شوف يا سيدى من الاخر موتور الكهرباء يفرق كتير عن الديزل فى كمية الماء و الضغط و نصيحتى لك ركب 2 موتور كالبيدا 2 حصان هتاخد ماء فى حدود 60 الى 70 متر لكن التركيب ماسورة داخل ماسورة يعنى تنزل ال 6 بوصة للبير ثم داخل ال 6 بوصة واحدة 3 بوصة و لها مشترك حرف تى من الخارج و يركب على المشترك الموتورين واسال فى المنطقة عندك هتلاقى الناس بتعرف طريقة التركيب كويس اوى ما تقلقش ارجو ان تلاحظ فرق السعر عن ال60 حصان وكذلك فرق استهلاك الكهرباء كالاتى فرق الحصان 60 - 4 = 56 حصان و هو يساوى 40 كيلو وات ساعة و بالنسبة لاسعار الكهرباء فى مصر يساوى 12 جنيه فى الساعة يعنى لو 3 ساعات فى اليوم فى الشهر يكون الفرق بين الفكرتين 1080 جنيه شهريا ده طبعا غير سهولة الصيانة التى لا تحتاجها كالبيدا سعر الكالبيدا حوالى 2000 جنيه وممكن تركب موتور صينى 2 حصان مواصفات اتحاد اوروبى ب 600 جنيه
لك تحياتى اخوك د / مصطفى
التعديل الأخير تم بواسطة aboodarsh ; 26-10-2008 الساعة 11:03 AM سبب آخر: اضافة سعر الموتور
يعنى قصدك يا دكتور اسيب الطلمبة الاكسات فى البئر وركب موتوين كالبيدا صح كدة
وبالنسبة للمواسير ال ٣ بوصة بتكون نهايتها فى البئر على الطلمبة والا بتكون مفتوحة
اوك فهمت قصدك يا دكتور مششششششكررررر
اقتباس