الموضوع: مثبت الزبادى

عايز اعرف من فين اشترى مثبت الزبادى و الرايب المشروب و لو من القاهرة يكون احسن او من اى مكان اخر يكون قريب

مواضيع مشابهة:

• مثبت الزبادى ديري جيل
• اسرارصناعة الزبادى
• ما هو افضل مثبت قوام يمكن استخدامه في صناعة الزبادي؟
• [طلب]  مثبت الزبادى
• الزبادي

ياريت توضح اكتر
هل حضرتك عاوز تصنع زبادي
ولو حضرتك عاوز تصنع زبادي المثبت دا بيكون عباره عن خميره اللي هي بتكون اصلا زبادي بلدي من اللي بنشتريه

- -- - - تم تحديث المشاركة بما يلي - - - - - -

وبالنسبه للرائب في صديق ليا عمله بالطريقه دي وهو اللي قايلي عليها بس لسه ما جربتهاش والله

يتم غلي الحليب و تركه ليبرد لدرجة 37 م ( تعرفها بانك تقدر تشيل الحلة على كف ايدك من غير ما تحرقك) و ما نسيبوش لما يبرد خالص علشان محتاجين شئ من الحرارة في اللبن علشان الخميرة تشتغل)
2- يتم اضافة الخميرة و هي عبارة عن كوباية زبادي صغيرة لكل لتر او بعد كده نشيل شوية من اللبن الرايب اللي عملناه امبارح و نستخدمه كخميرة....و لو الخميرة زبادي بيتم ازالة الوش (القشطة) و نضيف الزبادي الى اللبن السابق غليه مع التقليب الجيد جدا
3- يتم وضع اللبن في حلة عادية لكن بشرط تكون غطاها محكم الغلق جدا ، او في طاجن فخار كبير و يتغطى كويس جدا علشان يتعزل عن الضوء و نسيبه يخمر او يتحمض لمدة ما تقلش عن 12 ساعة على الاقل و يكون الجو دافي........في الشتاء مش اقل من 24 ساعة
و ما نفتحش نبص عليه خلال فترة التخمر علشان الهواء ما يتغيرش و الخميرة تقدر تشتغل لان ده اسمه تخمر لا هوائي
نلاحظ مع الرايب اننا نش نحتاجين حلة زبادي
4- بعد تمام عملية التخمر يتم حفظه بالثلاجة و مدة صلاحيته 4 ايام و دي ميزة عن الحليب العادي اللي ما بيستحملش......و نراعي طبعا انه ما يجيش عليه مياه او حاجة تقع فيه تلوثه

الاخ العزيز moro.sniper
انا عندى معمل صغير لتصنيع الزبادى و مشروب الرايب و اقوم بتصنيعها بالفعل
لكن الان اقوم بنقل المنتجات الى اماكن بعيدة نسبيا و كنت احتاج بعض المثبتات
مثل الاكتا و خلافه
و اعلم ان هذه المنتجات موجودة فى الشركات الكبيرة وكنت اسأل ... هل هى موجودة للبيع فى اماكن بيع مستلزمات انتاج الالبان و خلافه ام لا و ما هى اسعارها ان امكن
و شكرا لمشاركتك

الاخ moro انت رجل تدرس فى السياحة والاستاذ احمد بيسال الناس المتخصصين فى الالبان ومن اجابتك عليه انت مش عارف الفرق بين البادئى والمثبت نرجو من السادة الاعضاء اللى عايز يساعد عضو يكون لدية خبرة ومعرفة بالاجابة حتى لايسبب خسائر فى المال واضاعة للوقت ............ اما بعد فالمثبت عبارة عن خليط من البكتين والجيلاتين والصموغ الاخرى لربط الماء الموجودفى اللبن حتى يعطى صلابة فى القوام ويقلل من ظاهرة التشريش فى الزبادى

ممكن سؤال بس يا ا/ مصطفى ليه الهجوم اللي مالهوش اي لزمه ده وايه في ردي على الموضوع اللي سبب خسائر للعضو في المال او الوقت هو اي هجوم وكلام مالهوش لزمه وخلاص انا حاولت اني اساعده مش اكتر وعايز اقولك نصيحه الدراسه ليس لها علاقه بالحياه العمليه وانا فعلا معرفش الفرق بين الاتنين بس حبيت اساعده مش اكتر لو الرد بتاعي فيه معلومه غلط ياريت حضرتك توضح دا بأسلوب مهذب شويه عن كده وانت عندك معلومات ممكن تفيد بيها الاعضاء من غير ماتجرح في اي حد وعلى فكره قبل ماتهاجم الهجوم دا كنت قريت الموضوع الاول لأن الاستاذ احمد مطلبش الافاده من الناس المتخصصين في الالبان الراجل طلب الافاده وخلاص ولو كان طلب كده انا مكنتش علقت على الموضوع وع العموم شكرا ليك

- -- - - تم تحديث المشاركة بما يلي - - - - - -

وبما انك خبير يا استاذ مصطفى حضرتك ماجاوبتش ع الاستاذ احمد علشان الاستاذ احمد طلب انه يعرف منين يشتري الحاجات دي وحضرتك برده ما افادتهوش منين يشتريها مش دا برده اضاعه للوقت من وجهة نظرك برده ولا ايه وبرده شكرا ليك لأنك حاولت تفيد عضو معانا على قدر ماتقدر

- -- - - تم تحديث المشاركة بما يلي - - - - - -

مش عارف والله يا أستاذ احمد تشتريها منين اللي فهمته انك عاوز تصنع في البيت مش اكتر ودا كان ردي على قد علمي واسف جدا اني مقدرتش افيدك وان شاء الله حد من الاعضاء يفيدك

حصل خير يا جماعه كل الحكايه سؤ فهم

الطريقة المذكورة منزلية تصلح للمطبخ وليس للتصنيع داخل المصانع وقد قرأتها فى منتدي الصيد فى مصر لسحور رمضان - اللبن الرائب - الصيد فى مصر نرجو التأكد من النواحي العلمية قبل كل شيئ حتى لا نخرج عن خط سير المنتدي وشكرا للجميع على المجهودات

- -- - - تم تحديث المشاركة بما يلي - - - - - -

بالنسبة للأخ أحمد على أنزل شارع البحر كل اللى انت عايزة هناك