الموضوع: تجربتي في الزراعة في حديقة المنزل حالياً " جرجير و حمص "

تجربتي في زراعة الجرجير و الحمص ... تجربتي كالأتي
أنا زرعت جرجير من 3-1-2014 و تقريباً كان بيموت منو كتير و كان نمو ضعيف جداً
و المهم عرفت السبب أني كنت بروية يومياً
سيبونا من القديم


و بعيدن زرعت جرجير تاني و ده كان من شهر تقريباً
و ألتزمت في الري أنو يكون كل 3 أو 4 أيام و أغرقو مية
بعد 5 أيام من زراعة تقريباً كان كده

و بعدين أنا أطريت أسافر البلد أسبوع و أرجع و كنت سيبو على الوضعية دي
بعد ما سقيتو تاني كويس

رجعت بعد أسبوع لقيتو كده

و بعدين الي حصل بقى أني كنت مستاء من البطئ في النمو فواحد نصحني نصية و قالي أني أحط عليه كيماوي
يمكن تكون الأرض غير مسمدة كويس

فأشتريت كيماوي الكيلو منو بـ 5 جنيه
و هو عباره عن حبوب بيضة كده بتدوف في المية فرشيت شوية كيماوي على الجرجير عن طريق النثر
بمعنى أني خت كبشة بإيدي كده و قمت رميتو عليهم من بعيد

و بعدين بعد الري بكام يوم لقيتو كده

و لو ختو بالكو هتلاقو أن في المنطقة الي وراء ضعيفة شوية الي هي يمين الصورة
عن المنطقة الغزيرة
فقمت أنا مزود شوية الكيماوي و حطيتو على النطقة الضعيبفة و فعلاً بعد كام يوم لقيتو فاق
و أخضر و بقى حلو كده ووثل للصورة دي و دي بتاريخ 17/2/2014

و حالياً هما كده عجبني مع أن نموهم بطئي بردو

---------------------------------------------------------------
و على فكرة أنا جبت أزايز مياه كبير ة و جبت تربة نظيفة و خلطت فيها الكيماوي
و خرمت الأزايز من تحت

و بعدين حطيت البزور بتاعت الجرجير و روتها و كنت بعطشها أول ما طلعت المهم بعد أسبوعين بقى كده

------------------------------------------------------------
نيجي بقى للحمص

أنا زرعت الحمص مع الجرجير الجديد

و نفس الكلام سقيتو و سبتو و أسبوع و لقيتو طول

المهم أنا كل حباية حمص بتنمو مع نفسها
يعني في حاجات بتكبر بسرعو و حاجات بتكير ببطئ شديد



المشكلة أن في حاجات بتموت مش عارف ليه
زي الي وقعة على الأرض في الصورة و زي الي مايلة دي

إيه السبب مش عارف مع ني حاطط ليهم بردو كيماوي بنفس الطريقة
بتاعت الجرجير

مواضيع مشابهة:

• الغذاء والصحة ("اللوز" و"المشمش" أطعمة للوقاية من التوتر)
• "من على سطح المنزل" : بيتنجان ـ خيار ـ طماطم ـ ملوخية ـ فلفل ـ زعتر ـ نعنع
• "الطريق إلى الذهب الأبيض" و "جنائن بابل معلقة ولكن ... في نينوى !" من قسم الأخبار
• زراعة نبات "بهجة الصباح" "Morning Glory" عن طريق البذور
• تجربتي الأولى لزراعة في المنزل ( طماطم + فلفل + باذنجان + يقطين"القرع" )

ما شاء الله عليك اخى AIH لو أمكن اخى نتعرف عليك حتى نستطيع ان نتحاور بارك الله لك فى زرعك وحياتك كلها يارب الجرجير ما شاء الله من اكثر الخضروات المشجعة جدا على زراعتها لسهولة انباتها وعدم احتياجها لرعاية خاصة يكفيها الماء وشمس ومتابعة بسيطة وتجد عندك نباتات رائعة ما شاء الله


أما الحمص فأحيك اخى على اختيارك لنوع قلما ما يختاره الهواه من محبى النباتات والخضراوت فهل هناك سبب معين جعلك تقدم على زراعته ومن أين حصلت على بذوره

عموماً السبب ده لاني بحب جداً الحمص و أو المسبحة الي بتتباع عند مطاعم السورين

عموماً البزور هي نفسها البزور الي بنجبتها من عند العطار
الي بتستخدم في الطبخ بردو بس هو في نوعين
نوع تلاقي أن الحبة بتعتو كبيرة و ده الي أنا قمت بزرعتو
و نوع تاني تلاقي الحبة بتعتو صغيرو و ده أنا لم أقم بالتعامل معه

أنا جبت مثلاً حوالي 30 بزرة و جبت جبت علبة من بتوع الكشري و وضعت فيها قطن و وضعت فيها ماء و أول ما وجت الحبة الحمص كبرت و طلع بوادر الجزر و ده في خلال 3 أيام

أختهم ووضعتهم في التربة بعد حرثها جيداً

و عموماً هو بيتأخر شوية على ما يطلع من التربة

---------------------------------------------------
على فكره دي تاني مره أزرع فيها حمص

و أنا أكتشفت خطئ أنا كنت بعملو و هو

أني كنت بحط الحمص على عمق خفيف
فكان بيطلع الجزر إلى الاسفل و ده صبيعي
و كان في بوادر أنبات بتخرج من التربة ... بدوار الأنبات دي بيخرج منها ساق و الأوراق و المفروض
بخبرتي الضعيفة جداً أن جزء و لو كان بسيط لازم يكون في التربة بمعنى أن التربة لازم تغطيه منو جزء من أجل التسبيت

لاني لقيت أن البوادر الأنبات الي بيخرج منها الساق علقتهم ببعض عضيفة جداً
أي سهل أن الساق تقع و تتمايل من وزن الساق و الورق

مش عارف بقى نظريتي مفهومة لحضرتك ولا لا ؟؟؟

دلوقتي يا جماعة أنا مش عارف ليه الحمص بيموت مع أن فيه حاجات بتسبقو في الطول و ماماتتش ما السبب شوفو أخر صورة في الموضوع الي كانت إنبارح و شوفو الصورة دي دلوقتي

السؤال هل تغييرت الوان الاوراق ام انها لا تزال خضراء " هل حدث اصفرار "


الله اعلم , ولكني اعتقد ان ميول نبات الحمص , بسبب زيادة مياه الري
فأصبحت الاوراق مملوءة بالماء وثقيله جدا فلم تعد قادره علي الوقوف

سؤال اخر يفرض نفسه , هل يمكن ان يكون ميول النبات بسبب الرياح القوية ؟؟

تحيتي وافي انتظار رأي باقي المهندسين

ممكن يكون بسبب الري فعلاً ... بس الباقي كان سليم محصلوش أي حاجه

بعدين النبتة الي مالت دي دبلت خالص

لا لا الرياح مش شديدة و الدليل أن في وحده أطول منها و محصلهاش أي حاجه

إنهردا ده تصويري للجرجير صباح اليوم 26/2/2014

في حاجات كبرة و شكل الورقة تغير
بس الجزي الي في الشمال لا ليه ... مش عارف السبب بطى نمو





و بعدين في حاجه كمان أنا مش فهمها
ليه النبات بينام على الأرض مبيعفش

زي ده كده

ما شاء الله
انا لا اعرف طريقة زراعة الجرجير ولم اراه في حياتي

إنهردا تصويري للجرجير 5 مارس 2014

و على فكره الحمص مات و نشف تماماً

و في حاجه كوميدية .. العصافير بتزل تاكل من الجرجير
فسعات كتير بلافي ورق الجرجير مقطوع منو أجزاء
و ساعات بشفهم و هما بيأكلو منو بيبقى شكلهم حلو هههههه
على الله أنو يجعلها في ميزان حسناتي

بارك الله لك فى مزروعاتك
لكن عن تجربه لى العام الماضى لابد من خف الجرجير حتى ينمو بصوره اكبر و ذلك بقطع بعض منه
وفقك الله

يا جماعة محتاج مساعدة إيه سبب تلف لون الأوراق كده أنا عموماً فعلاً قمت بتخفيف القصير من الجرجير و سبت الحاجات الطويلة فقط

السلام عليكم , اولا لا ادري ما هو الجرجير , يبدو انه المشتي او اللفت , او شيئ مشابه , سبب مشكلتك هي طريقة الزرع ,زرعت بطريقة كثيفة جدا , اي ان البدور التي زرعتها في متر مربع تكفي لزرع 20 متر , اي ان عدد الشتلات التي نبتت في مساحة لا تتعدى 50 سم كان يجب ان تتوزع على عشرات الامتار , الشتلات ستصبح متكدسة تصيبها الامراض الفطرية و تتوقف التغدية بسبب تشابك الجدور و نقص الضوء , الخ , الزرع الجيد يكون خفيف جدا , يمكن في بعض الحالات ان كنت غير متعود على الزرع خلط البدور بكمية كبيرة من الرمل , او اقتلاع كل الشتلات و الابقاء على عدد ملائم بحيث لا تلمس اي شتلة شتلة اخرى , اما عن الحمص فيمكن اصابه الدبول الفطري , الامراض الفطرية كثيرة في مرحلة بنت البدرة و الاوراق الاولى , التهوية و الاقلال من الرطوبة بانتضار جفاف التربة قبل سقي جديد , عدم تبلبل الشتائل , و معالجة وقائية بمبيدات فطرية وقائية ان ارتفعت الرطوبة و الحرارة,

بارك الله لك
نفس المشكلة عندى .... النبتة ضعيفة ولا اعرف من اين اشترى الكيماوي فى القاهرة
ايضا عندما اضع ماء الرى ..الكثيرمن النبتات الصغيرة تميل وتموت

انا مقدم على زراعه الحمص والفول لاكن للان لم اعرف الطريقه
يا ليت طريقه الحمص وكيف زراعته

اهنئك علي محاولتك للزراعة ولكن اولا بالنسبة للجرجير لازم تكون المسافات بي كل واحدة والتانية 25 سم لان جذوره ممتدة وبتموت بعضها فلازم تعمل مسافة بينهم اما الحمص فارجو ان يفيدك احد