الموضوع: أنا هبدأ أزرع ملخوية و خيار كتجربة أولى

___________________________________ _______________
تم تحديث المشاركة بالتالي ليوم 19-3-2014
___________________________________ _______________

ده ظهور بوادر الخيار ده كان إنبارح يوم 18-3-2014
طبعاً كنت فرحان جداً
على العموم أنا قلت أني شلت الأكياس من على 2 من الي على الخيار ...
ده كان واحد منهم للأسف حوار أني أعمل الكيس على العلبة الي انا زارع فيها على أساس أنها تحبس الحرارة و كده طلع موضوع فاشل




ده بقى الخيار إنهردا ... سبحان الله طلع ورقة تانيه في ليلة ... أنا الحقيقة مندهش و سعيد في نفس الوقت




هنا بقى الغريب و الي كان مديقني أن الملخية بتموت ... و بتدبل !!! إيه السبب مش عارف بس فعلاً الواحد متدايق جداً
هل ده أني زوت الري ؟؟؟ أنا تقريباً بسقيهم كل يوم أو يومان و تقريباً أخر النهار يعني الساعة 5 مثلاً مبيبقاش عليهم شمس
و في نفس الوقت بتبقى التربة فعلاً نشفه

هل أنا كترت من الكيماوي ؟؟؟ مش عارف هل وضع حبوب الكيماوي ده أصلاً غلط عليها ؟؟؟؟ مش عارف ؟؟؟
يريت يا جماعة حد يفدني

و أدي الصور











شكراً لكل من رد و تابع معايا و بالأخص ... الأستاذ محمد سكر و الأستاذ محي

الخيار أخى سريع جدا فى النمو ما شاء الله لذلك لابد وان تلاحظة بشكل جيد وتبدأ معه بالتسميد بعد ظهور الاوراق الحقيقة للشتلة

أما بالنسبة للملوخية فإن كنت قد وضعت يوريا فى هذا العمر لها فهذا هو السبب فى تلقها وموتها فلا تضع أى سماد نهائيا للملوخية حتى بداية خروج الاوراق الحقيقية للنبات وتضع نسبة بسيطة جدا جدا فى بداية عمر النباتات ربع ملعقة شاى على لتر ماء وتذوبه جيداً وتسقى به وكلما كبرت فى الحجم تزيد قليلاً ولا يكون الرى بالسماد يوميا بل مرة كل ثلاثة ايام

هو فى كل علبة احت بزره واحده من الخيار او البامية او الباذنجان اوالفلفل علشان انا لسه اول مره
شكرا

المشاركة الأصلية كتبت بواسطة yousra abd salam

هو فى كل علبة احت بزره واحده من الخيار او البامية او الباذنجان اوالفلفل علشان انا لسه اول مره
شكرا

ولله بص أنا من تجربتي ... بقوم مثلاُ في العلبة بوضع 3 أخرام بالقلم في التربة
و بحط في كل علبة 3 حبات ... يعني بزرة وحده في كل خرم أو حفرة

على اساس أن الي نموها سريع هتستمر معايا و على أساس أن ممكن تكون البزور تعبانة و غير قادرة على الأنتبات
و عموماً لو فرض أنهم طلعو مع بعض سبهم لحد ما ينبتو 4 ورقات و بعدين شلهم و حطهم في علبة تانيه خالص يعني كل علبة هيبقى فيها نبته خبار واحده

و عموماً أنا المرة الجاية هزلع عن طريق الشتلات ... و الأحسن تجرب حوار الشتلات ده

أتمنى أني اكون صح في أفعالي و كلامي

- -- - - تم تحديث المشاركة بما يلي - - - - - -

المشاركة الأصلية كتبت بواسطة محمد سكر

الخيار أخى سريع جدا فى النمو ما شاء الله لذلك لابد وان تلاحظة بشكل جيد وتبدأ معه بالتسميد بعد ظهور الاوراق الحقيقة للشتلة

أما بالنسبة للملوخية فإن كنت قد وضعت يوريا فى هذا العمر لها فهذا هو السبب فى تلقها وموتها فلا تضع أى سماد نهائيا للملوخية حتى بداية خروج الاوراق الحقيقية للنبات وتضع نسبة بسيطة جدا جدا فى بداية عمر النباتات ربع ملعقة شاى على لتر ماء وتذوبه جيداً وتسقى به وكلما كبرت فى الحجم تزيد قليلاً ولا يكون الرى بالسماد يوميا بل مرة كل ثلاثة ايام

أستاز محمد طب دلوقتي الورقة الحقيقة الي هي بتظهر تقريباً مع ظهور الأربع ورقات بالنسبة للخيار
طب أنا أستعمل سماد إيه في موضوع حضرتك بتقلي أني أستخدم سماد الي هو الملحول المغزي
و ثمنو 5 جنيه طب ممكن اعرف أسمو إيه بحيث أني أدور عليه عندي

انا رحت للمحل الي عندي لقيت عندو أنواع كتير بنوع 10 و 20 و 30 و بيقلي لكل حاجه ليها حاجه
متخدش أي حاجه إلا لما تعرف أسمها
و لو بعهولي غالي مش مهم في نظير أني مضربش المشوار لشبة الخيمة

و شكراً ليك أستاز محمد على إهتمام حضرتك

- -- - - تم تحديث المشاركة بما يلي - - - - - -

ظهور بوادر البامية .


ده ظهور واحده من الثلاثة الي في العلبة الواحده .. يعني منتظر الباقي

للأسف العصافير هلكت كل الي كنت بزرعو من الخيار و البامية

على العموم أنا عملت تجربة تانيه و هي عمل شتلات خيار و ادي البوادر





و اتفضلو معايا يا جماعة دي كانت أول مره أكل حاجه من الي أنا زرعو ... و بصراحة مصبرتش لما يكبر أكتر من كده لاني كنت مزنوق فيه و مكسل أروح أجيب من برا :D :D :D
و الفضل طبعاً يرجع ليكو

الف هنا و شفا
تجاربك جميلة و الممتع أكثر إنك بتخلينانعيش معاك
أتمنالك التوفيق و أحييك على المثابرة

ما شاء الله لا قوة الا بالله هنئك الله اخى بما تحرث وتجنى ما أجملها من لحظات عندما ناكل مما حرثت أيدينا وغرست أناملنا بارك الله لك أخى

تتجربة كويسة وزى الفل المهم بقى
الرى على حسب رؤيتك الشخصية للتربة مش بجدول معين
ثانيا التسميد مش فى بداية النمو استنى لحد ما تظهر الاوراق الحقيقة للنبات علشان يستحمل
ثالثا متكترش فى نسبة التسميد علشان لو كترت هتتحرق النبتات
رابعا التهوية عامل مهم جدا جدا للنبات فحافظ عليها ولو عايز تسمد تسميد كويس استخدم N P K افضل

السلام عليكم اخى باراك الله لك انا ايضا زرعت خيار والحمد لله انبت وزرعت كوسه بس السماد الان كان عندى كيس سماد منذ عام او عامن بيه كل العناصر استخدمه لو لقيته متحجر لا استخدمه ارجو الافاده وكنت زرعه كوسه زهرت لكن للاسف ربنا يرزقه بقطه فار كل الزهور بس الحمد لله لسه الشجره سؤال هتزهر تانى ولا لا ان شاء الله وهل صحيخ ممكن زراعه الخس الان وما شاء الله اخى ىرب تاكل من خير الجنه انا ايضا زرعت واكلت من زرعى الحمد لله ده كل فى البلكونه هتقع من كتر الطين امزح شكرا

ماشاء الله ربنا يبارك فيك ويوفقك الى زراعة المزيد