الموضوع: ياريت حد يفيدني فى خطواتي كخريج جديد لأني تايه جدا !!

السلام عليكم
أولآ أحب اشكر كل القائمين على هذا المنتدى الرائع وكنت حابب أستفيد من خبرتكم !

أنا خريج كلية الزراعة جامعة المنوفية سنة 2013 قسم إنتاج دواجن بتقدير مقبول
وقدمت ورقي للجيش واترشحت ظابط احتياط !

وفي ناس كتير معايا بس ف كليات تانية حابين يستغلوا الوقت ويقدموا تمهيدي أو دبلومات وأنا تايه ف النس ومش عارف أتحرك علشان كدة ليا كذا سؤال أتمنى بجد حد يفيدني فيهم !!

1- أنا محتار جدا أكمل ظابط احتياط ولآ أنزل عسكري خصوصا ف مجال الزراعة !
وهل لو أنا دخلت ظابط هقدر مثلا أشتغل ف مجالي ف الجيش وآخد شهادة خبرة من الجيش بكدة !

2- أنا حابب أشتغل ف اللاند سكيب مش ف الدواجن ازاي أبدأ ف المجال ده وأقوي نفسي فيه !
هل مثلا بإني آخد دبلومة فيه وآخدها فين ولآ الكورسات أفضل وموجودة فين برضه !

3- كنت حابب أسأل عن موضوع النقابة ياترى أقدم دلوقت فيها ولآ أستنى لما أشتغل والتقديم ليها بيحتاج ايه وايه هي حقوقي وواجباتي فيها !!

4- ايه هو الفرق بين الدبلومة والتمهيدي وأنهي أفضل وهل ينفع ف حالتي أقدم ف حاجة فيهم !!!؟؟؟؟

أرجو ياجماعة الرد على أسئلتي باستفاضة لأني بجد تايه جدا وف عرض إفادة من حد !!!!!

ولو في حد شايف انه هيقدر يفيدني ف المواضيع دي أتمنى يبعتلي ايميله أو رقمه على الخاص علشان أقدر أتواصل معاه بشكل أسهل !!!!

شكرا جزيلا وآسف للإطالة

مواضيع مشابهة:

• حد يفيدنى فى البشملة
• خطواتي في زراعة المورينجا في بلاد الرافدين،
• ورد مهجن .. مين يقدر يفيدني
• هل خطواتي في تصنيع الكومبوست صحيحة؟
• حد يفيدنى

أكتر من 40 مشاهدة ومفيش ولآ واحد رد عليا !!
طب اللي عنده حتى رد ولو بسيط يقوله ممكن يشوفه عادي بس بجد هيفرق معايا كتير !!!

اخى الكريم السلام عليكم ورحمة الله وبركاته
اهلا بيك ومرحبا فى منتدى زراعه نت بيت الزراعيين الاول فى العالم العربى بلا منازع
اما بعد
بخصوص شغلك وتخصصك وتقديرك دا كله بامر الله
ويجب ان تعلم ان مستقبلك مرسوم من قديم الازل ولست انت من سيرسم او يحدد المستقبل لكن كلها اسبتب نتخذها لكى نصل الى ما كتبه الله يعنى انا ها اديك مثل لى بعض الاصدقاء زميل لنا وهو خريج زراعة وسافر الى الامارات واخد كورس فى المحاسبة والان يعمل كمدير حسابات لاحد المشاريع هناك وكل ما ييجى يصفى شغله وعاوز يرجع مصر المؤسسه ترفع راتبة الى ان وصل الان 32الف درهم اماراتى تخيل رغم انه لو كان فضل مهندس زراعى عمرة ما كان هايتحصل على نص الراتب دا على سبيل المثال اما موضوع انك ضابط احتياط وعاوز تنزل عسكرى فانا شايف انه افضل ليك وتخرج بعد الجيش تشوف مستقبلك وانا شايف ان التخصص كتير مش بيكون له اى فائدة اللهم الا اذا كنت هاتتعين فى مؤسسه او شركة حكومية وساعتها كمان هايشترطو التقدير يعنى اغتقد برضة هايكون فى عقبات
كمان النقابه التقديم ليها بعد اداء الخدمة العسكرية يعنى لازم شهادة الجيش تكون ضمن الاوراق بالنسبة للذكور بيخصم نها فترة اداء او مدة اداء الخدمة العسكرية والباقى يتم دفع رسوم النقابة علية بمعنى لو انت خريج مثلا 2000 ورحت تقدم فى النقابة بخصمو السنه بتاع الجيش وتدفع اشتراك عن 12 سنه مثلا بافتراض اننا فى 2013 اما المميزات فدا بعد عمر طويل كل ماعليك الان هوانك تدفع وبس الميزة الوحيدة هى انك لو عاوز تغير مهنتك فى البطاقه الشخصية من طالب او حاصل على بكالوريوس يتروح تختم الاستمارة من هناك ب20 جنية ويعطوك شهادة انك مهندس زراعى فى قائمة النقابه وبيدولك الختم على الاستمارة وبتغير المهنه وكمان لو حبيت تغير المهنه تانى من مهندس زراعى لعامل زراعى مثلا او سائق او حتى نجار لازم تروح النقابه وتجيب جواب من النقابه انه لا مانع من تعيير المهنه وبتدفع فى السنه فى حدود 85جنية مش عارف دلوقت هما زودوها ولا اية لانى بقالى حوالى 4سنوات ما دفعتش ومرحتش النقابة
اما المعاش بتاعها بافتراض انك مهندس زراعى وزميل بيكون تقريبا 150جنية فى الشهر لو قارنتها بنقابه المحامين او الاطباء هاتلاقى فرق بين السماء والارض المهم انا جاوبتك على اللى اعرفة اما موضوع الدبلومة والدراسات العليا فاعتقد ان تقديرك سيكون عائق امامك فى الكثير منها اللهم الا اذا كنت ستكون على حسابك الخاص
اما موضوع انك حابب تشتغل فى اللاند سكيب مش فى الدواجن فمستقبل الدواجن افضل مليون مرة من اللاند سكيب فى مصر وخارج مصر وكمشروع شخصى وعن تجارب كثيرة شرط الامكانيات والخبرة اللى بالسهل تقدر تاخدها لكن كل واحد بيحب شيء ممكن ينجح فية كتير كلامى هذا تعبيرا عن وجهه نظرى الشخصية وليس كقاعدة عامه
والله انا مثلا كنت شعبة عامة بس من ومان من 98 والان شغال فى مجال الصوب واستصلاح الاراضى واشتغلت فترة طويله فى الدواجن والحمد لله ربنا وفقنى فى كل مجال دخلته وكل دة بفضل الله وليس لى دخل الا توفيق رب العالمين وطبعا بعد توفيق ربنا الاخذ بالاسباب والجد والاجتهاد وعموما شوف انت عاوز اية وبتحب اى مجال ومع التوفيق والاصرار والعزيمة اكيد فى يوم من الايام هاتنجح بس خدها قاعدة عامه وحلقه فى ودانك من اخ اكبر ( اللى عاوز يتعلم اكيد هاينجح اما اللى عاوز ينجح عمرة مهما حصل ماهايتعلم ) دا كان كلام دكتور عندنا ايام الكلية وفعلا كلامه طلع مظبوط ربنا يوفقك يارب ويكون جنبك على الدوام ولا تنسي الصلاة والسلام على سيدنا رسول الله فى امان الله والسلام عليكم ورحمة الله وبركالته

مهندس أسعد شاكر لحضرتك أفضالك وربنا يجعله فى ميزان حسناتك

في بس نقطتين حابب أوضحهم انه بالنسبة للدبلومة فدي عادي ممكن آخدها بتقدير مقبول علشان لو حبيت آكمل وآخد ماجيستير !
أنا بحثت وكدة بس شفت انه الموضوع مش جايب همه فعلا والأفضل اني أبدأ اتدرب عملي علشان يكون ليا شغلي الخاص بعد كدة !!

بالنسبة للدواجن واللآندسكيب فحضرتك أقنعتني جدا بالدواجن وإن شاء الله هشتغل فيها !!

بالنسبة لموضوع الجيش أنا كلمت عقيد وكدة قالي هما بياخدوا خريجي الزراعة لو كانوا ظباط يودوهم مزارع وكدة وهتقدر تكتسب خبرة كبيرة كمان لأنك بتتعامل مع تجار كباااااااااااااار ومزارع ضخمة جدا !!
أنا هكمل كشوفات كظابط احتياط وربنا يوفق لو فضلت ظابط أو نزلت عسكري ربنا هو اللي مقدرلي الأفضل ان شاء الله

شكرا جزيلا لحضرتك مرة تانية