الموضوع: سؤال بخصوص زراعه الخضروات في اصص 25 سم

السلام عليكم

هل توجد مشكله في زراعه الخضروات في اصص 25 سم علما انها المتاحه فهل دي هتمثل مشكله بالنشبه للزرع ولا لأ


شكرا جزيلا

مواضيع مشابهة:

• استفسار بخصوص زراعه الليمون
• سؤال بخصوص زراعه شتله الشمام
• زراعه الخضروات
• زراعه الخضروات فى حديقه المنزل وداخل اصيص هل تنجح ؟
• سؤال حول امكانبة تعقيل بعض الخضروات

يتوقف ذلك على نوع النبات الذى سوف تقوم بزراعته بالقصرية فهناك من النباتات من يحتاج لعمق اكبر من ذلك وهناك من الاصناف التى لا تحتاج لافضل من ذلك المقاس فمثلاً

لو زرعت بها خس او جرجير او بقدونيس او الفلفل او خيار او شبت او بصل او ثوم او فراولة فتكون مثالية لهذه الاصناف ولا تحتاج لاكبر من ذلك لهذه الاصناف


اما لو قمت بزراعة الطماطم او الباذنجان او بطيخ او شمام او كنتالوب او جزر فانت تحتاج على الاقل مقاس 30 سم واقل من ذلك يسبب مشكلة للجذور وعدم اتاحة الفرصة لها للنمو الطبيعى مما يؤثر على الثمار بعد ذلك ولهذا ان اردت زراعة احدى الثمار التى ذكرتها من الافضل احضار قصارى مقاس 30 سم او اكبر حتى لا تضيع مجهود طويل شاق على امر يمكنك تداركه من الان والامر ليس صعباً ويمكننى اعطائك بعض ارقام التليفونات لبعض الشركات المتخصصه فى صناعة هذه القصارى ومعظمها فى 6اكتوبر والعاشر من رمضان وجسر السويس

شكرا لرد حضرتك استاذ محمد

انا النباتات اللي ناوي ازرعها ان شاء الله الخيار و الطماطم و الفلفل و الباذنجان بنوعيه الابيض و الرومي و الكوسه و احتمال الباميه

فرأي حضرتك اني اجيب واحد 30 للطماطم طيب و الكوسه

- -- - - تم تحديث المشاركة بما يلي - - - - - -

هو بس المشكله حضرتك اني مش في القاهره و بنزل كل فين و فين بس انا مش لاقي هنا غير احجام ال 25 و لقيت واحد بس 30 سم

فهحاول ادور علي واحد تاني 30 علشان اخلي الاتنين دول للباذنجان و الطماطم و الباقي هخليهم للخيار و الكوسه و الفلفل

لو عندك فرع من فروع الشريف للبلاستيك

فيه مقاسات كبيرة كتير

شكرا لرد حضرتك بس الشريف عنده احجام كبيره مش مناسبه عندي انا انسب احجام عندي اقدر احطها هي ال 30 سم

- -- - - تم تحديث المشاركة بما يلي - - - - - -

حاليا انا قست الاصايص الي عندي و لقيت ان اللي المفروض 25 سم لقيته 23 سم و لقيت ال 30 سم 25 سم

فهل المقاسات دي هتكون مناسبه للخيار و الكوسه و الفلفل ولا ايه

- -- - - تم تحديث المشاركة بما يلي - - - - - -

معلش عندي سؤال اخر هو ينفع اعمل خلطه البتموس و البرليت و بودره البلاط و احطها في الاصص و اسيبها فتره كده حوالي اسبوعين و بعدين ابقي ارجع ازرع الشتلات فيها ولا مينفعش و الخليط ممكن يبوظ ؟

هل من مجيب علي اسئلتي بخصوص هل مقاسات ال 23 سم تنفع لزراعه الخيار و الفلفل و الكوسه ولا لأ

و هل ينفع عمل خلطه البتموس و تركها لمده اسبوعين مثلا او اكثر ثم الزراعه فيها

اهلا اخ فادى
--- اولا :- خليط تربة الزراعه يمكن استعماله فى اى وقت مهما طال الزمن فهو لايتلف . ممكن تعبئته فى الاصص وبعد مده استعماله وممكن فى نفس الوقت . المهم فى هذا كله الخلط المتجانس الجيد والنسب المضبوطه .
--- هذه الاصص تعتبر قليله على هذه النباتات .
--- ويوجد رأى لى :- وهو ان تزرع بهذه الاصص النباتات الى ان تجد الاصص الكبيره وستنمو النباتات جيدا بادىء الامر حتى اذا امتلاء الاصيص بالجذور ستتوقف النباتات عن النمو وعندها ابدأ فى نقلها الى اصص اكبر حجما .
--- يوجد فى بنها مشتل ( بجوار هيئة الموارد المائيه ) به جميع مقاسات الاصص وبه ايضا بيتموس قوالب مستورد من سيريلانكا
تحياتى

اذن اصص ال 23 سم لا تنفع لزراعه الخيار و الكوسه و الفلفل

شكرا جزيلا لحضرتك

أنا عندي فكرة بس راح أوضحها عن طريق الصور حتى تكون أكثر فائدة

تمام يا فندم منتظر الصور من حضرتك

شكرا جزيلا

اخواني انا في السعوديه ومن واقع تجربتي فاني زرعة الطماطم والكوسا والباذنجان الاسود والخيار في اصص مقاس 25 والتربة كانت خليط من البتموس والتربة العاديه . في بيوت محمية . واللي حصل الطماطم من النوع غير محدود النمو وصل الطول الى متر وبناء خضري رائع لكل الخضار ولكن للأسف بدون محصون لان الازهار تمكث اكثر من اسبوعين ومع ذلك لاتثمر .

- -- - - تم تحديث المشاركة بما يلي - - - - - -

اخواني انا في السعوديه ومن واقع تجربتي فاني زرعة الطماطم والكوسا والباذنجان الاسود والخيار في اصص مقاس 25 والتربة كانت خليط من البتموس والتربة العاديه . في بيوت محمية . واللي حصل الطماطم من النوع غير محدود النمو وصل الطول الى متر وبناء خضري رائع لكل الخضار ولكن للأسف بدون محصون لان الازهار تمكث اكثر من اسبوعين ومع ذلك لاتثمر .