الموضوع: نباتات بلكونتى ومشاكلها انصحونى اعتنى بيها ازاى

السلام عليكم
النباتات دى موجوده عندى فى بلكونتى المتواضعة
عايزه اعرف ازاى اهتم بيها واعالج الامراض اللى فيها ومنها المن واصفرار اوراق الفل


اولا اليوكا
ودى المشكله ان اطراف الاوراق بتشف

ودى الصوره الحقيقية للنبات
ودى فلتى
والمشكله اصفرار بعض اوراقها ووجود حشرة المن بها وعايزه اعرف اقلمها ازاى
ودى صورتها


ودى سرو الليمون

ودى زهور انا معرفش اسمها لكنها ذابله ومش عارفه اعمل لها ايه
على فكره انا باسمد الزرع كل اسبوعين بسمادNPK



وكمان دول

وده نوع من الابصال انا حطاه فى الظل


- -- - - تم تحديث المشاركة بما يلي - - - - - -

وفى عندى حوض نعناع وريحان وروز مارى عليه حشرة المن
وكمان نبات الشيفيلرا اوراقه سقطت وضعف

مواضيع مشابهة:

• النبات دة اسمو اية و اعتنى بية ازاى
• عندي شتلة طماطم ازاي اعتني بيها .... (تسميد والري)
• اشتري نباتات ايه جديده ؟ انصحوني
• سؤال عن نوع الورده دي وازاي اعتني بيها :(
• ازاى اعتنى بالشفليرا

نباتاتك جميلة ممكن تكون محتاجة للرش بالمبيدات حتى تتخلص من الحشرات
وممكن برد الشتاء يكون اثر على الاوراق وتسبب باصفرارها

المشكله ان عندى اطفال صغار وخايفه من المبيد شكرا لاهتمامك

اهلا اختي العزيزة
نباتات جميلة ماشاء الله تخلصي من الاوراق الذابلة والصفراء
نبات الفل خذي عقله منه هذا الوقت مناسب
بالتوفيق

شكرا ليكى معلش اعذرى جهلى ازاى اخد عقله من الفل

- -- - - تم تحديث المشاركة بما يلي - - - - - -

بصى حضرتك انا بردك كان النباتات عندى مجننانى من واصفرار بس الحمد لله بتعلم وبطبق صراحا بسال الراجل صاحب المشتل الى بشترى منه
اولا المن ده علاجه سهل جدا هتروحى لبتاع النباتات الى فى منطقتك وتشترى حاجة اسمها ميلاثين وهدوبى 2 سم منه وتاخديهم بحقنة وفى لتر ميه وترشى بيه النبات المن هيموت على طول وبعد اسبوعين كررى الموضوع
ثانيا لازم تسمدى النبات بمعنى تديلة العناصر الغذائة الى محتاجها سواء الصغرى او الكبرى هتشترى حضرتك كي سماد اسمه كرستال او الكريستالون وده كويس جدا فيه 90 % من العناصر ونفس النظام تاخدى معلقة منه على 2 لتر ميه وتسقى بيه النبات مرتين فى الشهر
ثالثا حسنى خواص التربة وقدرة النبات على امتصاص العناصر الغذائية هقولك ازاى عن طريق حمض الهيموك اسيد وده حاجة نتشورال جدا وبيباع فى السوق تحت اسم هيومينال ونوعه دوه استراد صينى هتحسى بالفرق فى شكل النبات وجماله وقوه لما تستعمليه بجد ممتاز نفس حوار التسميد العادى خالص
طيب الحاجات ديه تكلفتها كام وهتقضيكى اد اية الميلاثين 10 جنية الكرستال 1 ك 10 جنية الهيومينال 1 ك 25 جنية وتخيلى معلقة شاى صغيرة ممسوحة على 2 لتر ميه كل اسبوعين يقعد اد ايه مش هقولك سنة وبكده تدى النبات كل الى هوه محتاجة من حماية وتسميد
وطبعا الاساسيات من مترويش غير لما النبات يعطش والتعريضة للشمس

السلام عليكم
كما ذكر الاخ محمد التسميد بكريستالون متوازن وممتاذ والتسميد كل 10 ايام بمعد ربع ملعقة شاى على لتر ماء ويكون بين الريات يعنى الرى وثانى يوم الرى بالسماد فى جوانب الاصيص وليس اغراق النبات بالماء المخلوط بالسماد ولا يتم التسميد وقت الصقيع الشديد والحرارة الشديدة
اليوكا والابصال توضع بظل ويراعى عدم الرى الكثير اليكى طريقة بسيطة عامة مع كل النباتات
عليكى بنكش جانب الاصيص 2سم لو التربة بها ماء مندية لا تروى لو التربة مثل التراب اروى حتى يخرج الماء من فتحات الاصيص
الفل
يحتاج شمس لاتقل عن 6ساعات وتخلصى من الاوراق الصفراء ويتحمل العطش ولا يتحمل التربة الغارقة بالماء اتبعى طريقتى فى رى النبات كماذكرت
مكافة الحشرات
استخدمى طريقة الذى شرحتها لكى فى موضوع حضرتك السابق واذا لم تأتى بنتيجة عليكى باتباع طريقتى فى موضوع مقاومة حشرات النبات واليكى رابط الموضوع

- -- - - تم تحديث المشاركة بما يلي - - - - - -
http://f.zira3a.net/t33442

http://f.zira3a.net/t33442

تحياتى وتقديرى

جزاكم الله الف خير استفدت جدا من خبرة حضراتكم

بصي يا حبيبتي بصراحه موضوع التسميد طبعا محتاج خبره بس انا اتعرفت على سيده كبيره بالسن عندها هوايه الزراعه بتستورد وتعمل معارض حاجه كده خيال قالتلي ع كم طريقه للتخلص من الامراض والحشرات سهله اوي وهو انك تجيبيي بسيط منظف اطباق او لبن وتضفيه ع ميه في ازازه من بتوع الجلانس وترشي بيه الزرع ده هيقضي ع المن كمان بالنسبه للبوتاسيوم او المغنسيوم ده مهم طب هنجيبه منين عارفه قشره الموزه حطيه في ارض النبات بحيث يبقا الجزء الطر ملامس للتربه وان شاء الله تبقا النباتات تمام

شكرا ليكى انا عندى سماد npkجبته من المشتل الكيس ب 2 ج

ماشاء الله اخت نانو خبرات رائعة بس بالنسبة لقشور الموز وضعها يؤدى لفطريات وحشرات الطريقة الصحيحة
تضعى قشور الموز على جرائد حتى تنشف وتصبح بودرة ثم تضعيها فى جوانب الاصيص نحفر قيمة 5سم ونضعها ونضع التربة عليها بها بوتاسيم عالى مهم فى هذا الوقت قبل التزهير سوف يجعل النبات يعطى تزهير اعلى من السابق
تحياتى

السلام'عليكم'النباتات'جميلة'و'ممتاز ة'و'الاخوان'اكيد'نصحوكي'اتمنالك'الت وفيق

تحياتي لكم

طبعا انا ضد رش النبات بالملاثون او اي مبيد زراعي اخر
واعتقد رش النبات بالماء مع صابون مع كحول طبي افضل من المبيدات القاتله

ثم مسح الاوراق للتخلص من البيوض حتى لو كانت قد جفت

بالنسبه لليوكا والعنكبوت والفل انا اسقيها واكثر بسقايتها فهي تحب الماء في حال وضعها بالبالكونه مع التسميد وياحبذا لو كان التسميد بالاسمده العضويه

خصوصا الفل بدم اللحم

تحياتي لكم

ما شاء الله لا قوة الا بالله

لم يترك اخوتى ثغرة مفتوحة يدخل منها شخص اخر ما شاء الله


سوف اجيب الاخت ام ورد على استفسارها عن

ودى زهور انا معرفش اسمها لكنها ذابله ومش عارفه اعمل لها ايه
على فكره انا باسمد الزرع كل اسبوعين بسمادNPK


هذه الزهور تسمى القطيفة وهى زهور موسمية اى انها تزرع لموسم واحد ويتم اعادة زراعتها فى الموسم التالى لذلك فذبلانها وتدهور حالها امر طبيعى لانهاتعتبر الان فى نهاية حياتها و قد ادت ما عليها من اخراج الزهور فيتم استخراج البذور منها ثم اعادة زراعتها فى الموسم القادم ان شاء الله

شكرا أخي أحب الزرع هذه خبرات بسيطه ومتواضعه بالنسبه لحضرتك وباقي الاخوه والاخوات