الموضوع: اول مره اربى دواجن ومحتاج مساعدتكم

السلام عليكم

المشرفين والاعضاء الكرام بشكركم على المجهود الرائع فى المنتدى

انا اول مره اربى دواجن ولخوفى بصراحه من التجربه بدات ب200 كتكون عمر يوم ................وعمرهم الان 14 يوم

ساتكلم عن اسلوبى للتعامل معهم بالتفصيل وياريت اى ملاحظات او نصائح لانى اريد تاجير عنبر إن شاء الله والعمل بعد ما جربت



1_تجهيز المكان

غشلت المكان بالماء جيدا
اشتريت جركن يود وفورمالين وفنيك ...........ووضعتهم على بعض بدون التخفيف بالماء ورشيت المكان بيهم

هويت المكان جيدا

ووضعت النشاره بعد تهوية المكان

وقبل وصول الكتاكيت وضعت سقايات استقبال واطباق صغيره من الخشب للعلف

2_بحثت عن حد معروف انه كويس واشتريت 200كتكوت كان سعر الكتكوت وقتها 140قرش

انا شايف اسعار الكتكوت على المنتدى فى دراسات الجدوى اكبر من كدا ((ههههههههه الكتكوت الى جبته دا نوعه ايه يا جماعه لانى اصلا

كل الى قلتهوله انا عاوز كتكوت ابيض؟؟؟؟)))

3_وضعت مياه +سكر وانا بنزل الكتاكيت مباشرتا
بعد 6 ساعات شلت المياه بسكر ووضعت مياه بيضاء بدون اى اضافات

.....برجاء توضيح ماهى مياه الاستقبال وما محتوياتها التى توضع


ووضعت بعد ال6 ساعات علف ((علف اسمه هيرمان بادى 23% ..الشركه المصنعه اسمها ونت فيتا احدى شركات القصبى ..الشيكاره 195جنيه))

هل هذا العلف جيد ؟؟؟

ولو حبيت اغير العلف هل اغيره علطول

وبعد فتره اد ايه اغير لنامى ........... انا حتى الان ماشى على البادى

ولحد اليوم العاشر استهلكت 50كيلو لل200كتكوت

4_ فى اليوم الرابع دكتور بيطرى قالى لازم تحط جرعة استقبال وعطانى علبتين صفيح شبه علبة التونه

قالى دا مضاد حيوى معوى وتنفسى اسمهم((تايلوزين طرطرات 100جم____كبريتات كولستين 100جم____ سعر الاتنين 80 جنيه))

وخد فيتامينات واملاح معدنيه مصرى

حطيتهم لمدة يوم وتانى يوم حطيت مياه بيضاء

(((على فكره لاحظت ان الكتاكيت بتعد كتير وفى منهم بيعرج رجله اليمين بالزات بتوجعه ...دكتور قالى دا نقص فيتامين وبالذات فيتامين اسمه سيلينا

وادانى فى زجاجه 60 سم دواء لونه ابيض سائل زى اللبن ولزج شويه سم /لتر

7_ فى اليوم السابع عطشت ساعتين وحطيت مياه بيضاء 7.5 لتر ماء وجبت امبول تحصين الهتشنز b1
وفتحته تحت الماء وحطيت حتة تلج ولبن بودره ووضعته للفراح لمدة ساعتين

وبقيت اليوم مياه بيضاء

هل بعد التحصين مياه بيضاء ولا احط فيتامينا فى نفس اليوم بعد التحصين؟؟؟

8:12 من اليوم ال8 ل اليوم ال12 بحط فيتامينات والاملاح المعدنيه على المياه سم / لتر

اليوم ال12 تحصين الجمبورو امبول برضو على 7.5 لتر ماء وعطشت ساعتين وحطيته ساعتين ورميت بافى الامبول

هل ينفع احط التحصين على مياه فيها فيتامينات؟؟؟؟

13_ اليوم ال13 ظهر عندى كتكوت الحصله الى هى تحت الرقبه منتفخه زى ما يكون متعبيه مياه وشطلها وكانها وارمه والجانب اليمين من الحصله اكبر من الشمال

سالت دكتور قالى دا تسمم وعطانى جركن مضاد تسمم اسمه s_47 تمنه 55 جنيه 2سم / لتر ماء لمدة 3 ايام

وقالى ان التسمم دا من العلف

وقالى ان مفيش سبب تانى


والشيكاره كان بقالها عندى 10 ايام فقط

14_اليو ال14 جوعت الفارخ بدور على علف تانى ملقتش برضو غير نفس النوع فجبت منه

وحتى الان بحط مضاد التسمم والاملاح والفيتامينات وجبت مضاد حيوى عام اسمه امبيسلين



ياريت يا جماعه اقدر اتابع معاكو من خلال الموضوع وياريت التعقيب على كل الاخطاء التى وقعت فيها ومستنى ارشاداتكو

مواضيع مشابهة:

• اربد معلومات عن تسمين الخرفان
• انا جديد في الزراعه ومحتاج مساعدتكم
• مسافر ومحتاج للمساعدة
• [طلب]  اربد هرمون تجزير
• هل افضل مشروع تسمين دواجن ام مجزر دواجن؟

فى انتظار حضراتكو

وفى ملاحظة اخرى هل يعقب حالة التسمم المشار اليها ومع استخدام ((المضاد الحيوى الامبسيلين +s_47مضاد للسموم+الفيتامينات والاملاح المعدنيه ))

تكون فضلات بعض الفراخ لونها اسود او بنى غامق وتكون ساءله بعض الشىء

السلام عليكم أخي الكريم ربما تجد اجابة على ماسالت عنه وتستفسر ايضا عما تريد في هذا الموضوع أضغط على هذا الرابط المكتوب بالازرق

http://f.zira3a.net/t16779

والله الموفق

شكرا للاهتمام جزاك الله خيرا............................... .............

بالتوفيق ان شاء الله

انا ابحث عن مهندس تخصص داجني لشراكه في عنبر او اتنين