الموضوع: بذوري الجديده محتاجه نصيحتكم وارائكم - موجودصور طبعا-

بسم الله الرحمن الرحيم
احبائي في الله
امبارح رجعت واحده قريبتي من السعوديه وكنت موصياها على بذور ورود
وفعلا ربنا يكرمها جابتلي مجموعه تحفه من البذور بس طبعا حبيت اخد رأيكم قبل مااعك وانيل الدنيا

وياريت تقولولي ايه اساميهم ويتزرعوا امتى
وهل ممكن ازرع منهم اليومين دول؟
هما مكتوب عليهم
annual flowers
يعني موسميه؟
انا نفسي ازرع منهم اليومين دول خصوصا الجو معتدل جدا عندنا
كمان في سؤال
هيا موسميه يعني بتكبر وتزهر وبعدين النبته كلها تموت ولا بتفضل عايشه بس بتزهر الموسم اللي بعده؟

الاهم من كل ده
احب اقول سبحانك ربي العظيم
له في خلقه شئون .. تنوع البذور بأشكالها واحجامها خلاني اتعجب على قدره الخالق عز وجل
سبحان الله

اترككم مع الصور











دي بقى انا اول مره اشوف بذور بالحجم ده سبحان الله


دي اعرف انها عرف الديك






ماري جولد؟؟؟


اكيد عارفها


عايزه اعرف بقي ده بيتاكل ولا لأ!!


دول خلطبيطه حوالي 10 انواع في منهم اتنين متكررين في اللي قبلهم والباقي جديد


ولو عايزين صور اوضح انا تحت امركم
دمتم بخير


مواضيع مشابهة:

• بذوري تتعرض للتعفن كيف أفعل؟
• بذوري الجديده
• بذوري الجديده
• بذوري الجديدة
• الشرح التفصيلى لعملية تحصين دجاج التسمين عن طريق ماء الشرب طبعا بالفيديو

الي تحت عرف الديك الونكا وهي تزرع في الربيع

وسؤالك عن الموسميات :الموسميات التي تعيش لموسم واحد فقط يعني مثل البتونيا اول ما يجي شهر مايو بتموت وتزرع بدلها عرف الديك تعيش ممكن الى اكتوبر وتبدا البتونيا من اكتوبر وهكذا !

بسم الله الرحمن الرحيم
شكرا يا احمد على التوضيح
ومستنيين باقى الاعضاء عشان نعرف رأيهم

لو تقلبين الظرف راح تلقين جدول محطوط الشهور ومتى وقت زراعتها ومتى وقت نقلها للأرض

ولكن أتوقع هم واضعين الجدول على حسب جو البلد الأم لهذه الزهور وأكيد إنها من أوروبا أو الصين وهذه البلدان المعتدلة

أما بالنسبة لبلداننا فالأنسب هو خلال أشهر الخريف الحالية وخصيصا وسط اكتوبر

ساعدتك بقدر استطاعتي وخبرتي المتواضعة

شكرا جزيلا لك وأتمنى إن شاء الله أن ترينهم يكبرون ويخلفون صبيان وبنات (زهور طبعا هههه)

بسم الله الرحمن الرحيم
فعلا يا بستاني موجود الجدول وتقريبا كلهم موعدهم شهر مارس
بس المشكله انى مش قادره استنى حموت وازرعهم
او على الاقل من كل نوع كام بذره عشان افرح بيهم
شكرا على اهتمامك ومساعدتك وان شاء الله زي مابتقول يملوا الدنيا عيال (زهور طبعا برضو ههههههههههههههه)

انتي افعلي كما قلتي ازرعي كمية قليلة جدا من البذور من كل نوع في هذا الشهر واحتفظي بالباقي لتري ان نجحت الطريقة فعاودي الكرة السنة المقبلة إن شاء الله بنفس الوقت هذا

وإن لم تنجح فازرعيه حسب ما هو مدون خلف الظرف

وبالنسبة لأسئلتك الأخرى آسف لأني لم أنتبه

Annual تعني موسمي وهي النباتات اللتي تمكث سنة كاملة ثم تموت بالكامل هي وزهورها بعد أن تنثر بذورها حولها لتنتج نباتات جديدة

بالنسبة للأسماء لا أعرف إلا الصورة الرابعة وتسمى نبتة السجاد أو الكوليوس

انا اشتريت مثلها وزرعتها قبل اسبوع ونبتت بعضها والحمدلله

بسم الله الرحمن الرحيم
بستاني
ان شاء الله حعمل كده
بكره ان شاء الله او بعده حجيب اصص جديده وابدأ
خساره انها بتموت بعد سنه بس مش مشكله مادام بذورها موجوده
شكرا على الاضافه .. نبته السجاد دي من النباتات المفضله عندي وليها ذكريات كتيييييييير حلوه

موناليزا
ربنا يطمن قلبك الحمد لله
ويارب يكملوا على خير
وياريت لو تقدري تورينا صورهم قريب

مبروك بسمة
ماشاءالله اختيارات حلوة ومعروفة
اول بذورتشبه اليشم ( alyssum)لكن لست متاكدة الاسم لم يظهرفي صورتك لكن ميزتها تكون معك على طول
والوانها جميلة وفي ارض الحديقة تكون اجمل
وياليت نعرف من وين اشترتهم لان فيه انواع ماوجدتها
الله يبارك لك فيها

بسم الله الرحمن الرحيم
ميرسي دراسينا الله يبارك فيكي
فعلا الاولى ده اسمها
ان شا ء الله اسأل منين جابتها
هيا جايباها من كارفور بس مش عارفه من اي مدينه

كارفور في القصيم و الرياض و المدن الكبيره الثانيه

بس تعرفي يا بسمه انتي شجعتني اني ابد ازرع من البذور لان في حياتي ما زرعت بي بذور الي مره وحده فقط وهي بذور الريحان

كان عندي ريحان و اخذت منه البذور نباتات عندي هذا التجربه الوحيده الي سويته

بس موضوعك هذا عجبني كثير و ان شاء الله رح اسوي مثلك

تحياتي

بسم الله الرحمن الرحيم
والله يا سول الزراعه من البذور ممتعه جدا جدا جدا اكتر من الشتلات
انا زرعت طماطم وفلفل احمر وكزبره وريحان ولوبيا وكمون وفجل وجرجير ووينكا وعرف الديك من البذور
كلهم الحمد لله ماشيين تمام ماعدا عرف الديك لانها محطوطه في نفس اصيص الورده الام وهيا نفسها اصابها مرض فالبادرات الصغيره اصابها نفس المرض
وان شاء الله النهارده ابدأ زراعه بعض البذور الجديده دي مع بذور وينكا وعرف الديك وريحان وخبيزه وهيبسكس
ويارب تكون تجاربنا كلنا موفقه دايما

عرف الديك انا زرعته السنه لي رحت عندي وبعد فتره حصلته بد ينتشر في كل مكان عن طريق بذوره الي تنتشر مع الريح

حت لو تتركي عرف الديك في نفس المركان الي كان مزروع فيه رح تحصليه في الموسم القادم نبت من جديد

مشكورة بسمة والله يوفقك في زراعتهم
للاسف كارفور احيانا لااجد الابذورخضارونوع واحد فقط

دراسينا، البذور تجدينها عند محلات الزراعة أيضا