الموضوع: كيف اعتني بحديقتي الجديده ؟؟؟؟ <<< مستجده في عالم الزهور

السلام عليكم

اولا اشكر لكم هذا المنتدى الرائع و بصراحه استفدت من خبرات الاعضاء كثير

انا مش مثقفه من ناحية العنايه بالنباتات .. و لكني احبها وخصوصا المزهره... فا رحت المشتل واشتريت مجموعه صغيره ولي ملاحظات وبحاجه لخبراتكم في مساعدتي

اولا انا محل اقامتي المنطقه الشرقيه بالمملكه ((حررررررررر و رطوبه صيفا .. غبار و رطوبه ايضا شتاء)) الحراره تتجاوز بعض الايام 50 مئويه و بعز الشتاء ما تنزل عن 8

واجهة البيت شماليه و نرتفع عن البحر شي بسيط (( اتوقع 60 متر)) (( منطقة الظهران))

حطيت النباتات التاليه راح اكتب الملاحظات الخاصه بكل نبته

1- البلوميريا << تعلمت الاسم من هالمنتدى .. لها غصنين .. واحد رئيسي و الثاني جانبي قريب من الارض .. مشكلتها مسكينه الجزأ اللي من فوق ((بحدود 40 سم)) اخضر غض ومايله لتحت يعني راسها ثقيل .. لكن عند جيراننا وبالشارع اشوف بنفس طول شجرتي و متخشبه اكثر و راسها مرفوع و فيها ورد .. حقتي بدون ورد !! كيف اقسي قمتها اكثر و بالنسبه للغصن الجانبي كيف استفيد منه في زراعة شجيرات جديده بدل ما هو كذا قريب من الارض مسوي زحمه.. متى تكبر؟؟ طولها حدود 1.3 متر

ودي احط معهم كم وردة دوار شمس عشان تعطي شكل بما ان النبتتين يعطون وحدات كبيره ((اوراق وزهور كبيره)) و ناصعين .. هل علاقتهم كويسه والا في مشاكل؟؟

2- الياسمين .. اشتريت ثنتين و كل وحده طالع منها فرعين و من النوع اللي اوراقها كل 3 ورقات مع بعض واوراقها نحيفه وطويله.. الاغصان نحيفه حيل و احس بطيئه بالنمو.. كيف اخليها كثيفه و اكثرها يعني ابي ازرعها مجموعات جنب بعض و ابيها تكون مجموعه كثيفه مو بهالشكل الهزيل والغصن نفسه اسمك و خشبي اكثر .. كأنه غصن نعناع من قد ما هو اخضر.. !! و متى تطول ؟؟ الحين طولها مترين وشوي تقريبا و ملفوفه على اعواد خيزران

3- الياسمين الاحمر .. حلوه و اغصانها تطلع لي الحين اوراق جديده .. كيف اكثرها ؟؟ هل تتكاثر بالعقل؟؟ يعني اشيل غصن يابس له اوراق من فوق و ازرعه؟؟ متى تكبر و تسوي لي تعريشه؟؟ لان طولها الان بدون الحوض بحدود المتر ونص و ورودها تحترق بسرعه مع شمسنا حتى احيانا قبل لا تطلع ((وهي برعم!!)) هل ارشها مويه الفجر عشان تبرد شوي؟

يعني الياسمينات بنوعينهم ابي اعمل من الشجيره نفسها كثااااافه و جذع سميك شوي .. عشان انتوا تقولون الجذور مو كويس تتزاحم!!

4- الغاردينيا.. انا معجبه بهالنبته .. اوراقها .. ورودها.. كل ما فيها واستناها تطلع لي وردات بفارغ الصبر .. شفتهم بالنت وانجنيت عليهم .. كم ياخذ البرعم عشان يتفتح؟؟ كيف احافظ على ورداتها قدر الامكان؟؟ لو شلت من النبتات الصغيره اللي طالعين جنبها ((من الام طالعين )) يطلعون لي ورد والا لا؟؟ حلوه بشكل غير طبيعي..

5- طلع لنا بالمنطقه الخارجيه ((المناطق المخصصه للزراعه بالرصيف)) نبتة البورتولاكا و لون زهورها فوشي .. طلعت لحالها بدون ما نغرسها .. جميله جدا و صحيه وسريعه النمو.. هل اقدر احصل منها بالمشاتل بس بلون ثاني و مقاس الورده اكبر شويه؟؟

و انا شلت كم شتله منها و حطيتها بحوض الجهنميه و حطيت بحوض الياسمين الاحمر اللي مزروع فيه ايضا الغاردينيا .. نموهم سريع و يحبون الشمس و استناها تنتشر وتغطي لي التربه .. هل في خطوره على نباتاتي؟؟

6- الجهنميه .. اشتريتها لانها عاجبه اختي و ما كنت ادري وشو جهنميه بس كنت اشوف شجره تطل من اسوار البيوت منفوشه وشكلها مو جميل ابدا.. لانها ما تتشذب .. اللي عندي الفرع الرئيسي متخشب و لها افرع جانبيه و ابتدت تطول.. و طولها الاجمالي بحدود النص متر.. كيف اخليها شجيره بطول متر و مرتبه .. كل كم يعني اقص الاغصان الجانبيه؟؟ هل و هي كذا بيبي ينفع اقص والا توصل لعمر معين؟؟


7- كم سرعة نمو كل هالنبتات يعني خلال شهر كم يفترض تكبر؟؟ كمعدل


8- شفت ورده متسلقه اسمها روزا انديكا برضو جمالها يفتني .. تنفع تطلع بجو المنطقه الشرقيه؟؟ برضو جميله جدا... انا اعرف ان الجوري يطلع بالرياض.. و حنا نفس الحر لكن نزيد عن الرياض بالرطوبه و هم يزيدون عننا بكثافه الغبار.. هل اقدر ازرع ورود من طائفه الروز في البيت؟؟

9- طيب كيف بالنسبه للخزامى ؟؟؟ ينفع ازرعه بنفس الحوض مع الروزا انديكا الجميله؟؟؟ ما يزعلون من بعض؟؟ ((فكرت اجيب الخزامى البلدي اللي يطلع عندنا بالصحراء بعد المطر!! بس متحمسه له))

مع العلم اني عندي منطقه مظلله ((عليها تعريشه قماشيه)) و ما تجيها الشمس بشكل مباشر

10- ودي ازرع الليمون الاخضر ((بن زهير)) من البذور ((كا تجربه ممتعه)) لكنكم تقولون لازم اغطيها بنايلون و كذا .. يعني اخليها برا البيت والا جو البيت؟؟ و كيف اخليها قزمه؟؟ شفت صور لشجيرات ليمون قصيره ومثمره .. حلوه كثير.. اصلا كم تاخذ عشان تنمو من بذره الى شجيره بطول متر مثلا؟؟؟

11- قشور البيض و بقايا القهوه .. لو مزجتهم مع خليط السماد اللي اشتريه من المشتل و خمرتهم في برميل.. هل راح يعطوني فوائد مغذيه للنبات؟؟

12- هل ينفع نزرع زعفران و فانيليا بالمنطقه؟؟ رائحتهم حلووووووووووووووووووووه.. و وين نحصلهم شتلات او بذور؟؟



تعبت !!

حطيت كل اسألتي بنفس الموضوع و اعرف انها كثيره لكني طمعانه بكرمكم و خبراتكم .. و اشكر كل الاعضاء مقدما

مواضيع مشابهة:

• أستفسار وكيف أعتني بحديقتي ؟
• زهور بحديقتي لا أعرف أسمائها
• نمل اسود صغير على اوراق النباتات بحديقتي :(
• مستجده ولأول مره بحياتي اعتني بورد الجوري.. ساعدوني
• عندما يتناغم عالم النبات مع عالم التكنلوجيا

هههههههههههههههه مشاء الله اسلتك شويه كثير

رح اجوب على سؤال وحد و اترك الباقي لي العضاء لان مشاء الله اسلتك تكفي كل العضاء الي في المنتد ههههههه

المهم اول شي نرحب فيكي في المنتد و نتمن انتك تتعلمي منه كثير

ثاني شغله انتي اخترتي الوقت الغير منساب ابد لان هذا شهر اغسطس و المفروض انك تبدي في الزرعه مع بدية الخريف مو في عز و اخطر الفصول في السنه

ثلاث شغله من نحيت البلوميريا علشان تخلي قامته لي فوق انتي لزم تربطيه بي عمود علشان تصير على فوق لان الغصان حقه مو قوي كثير و سهل الكسر علشان كذا لزم تربيطه بي عمود بجنبه

و من نحيت النمو فايه متوسطة النمو انا عندي منه شجرتين وحده وله مترين و اثانيه طوله 3 امتر و ممكن اكثر

من نحيت التزهير مارح تزاهر الحين الي ممكن في الفصل الربيع الجي او ممكن بعد سنه هي لزم تتقلم على المحيط و الجو الجديد حقه علشان تزهر

في الدبيه رح تعطيكي زهور قليله بس الموسم الثاني زهور اكثر و بعد مرور ثلاث سنوات عليه رح تعطيك زهور بي شكل اكثر و اكثف

ممكن تشوفي صور له في موضوع حديتقي

سؤالك الثاني حق الغصان الي تحت مع بدية الربيع خوذي هذا الغصان و اتركيه 10 يام في الشمس علشان ينشف

بعده ازرعيه في اي مكان تبينه مع التسميد و الري الجيد رح يعطيكي بلوميريا جديده

تحياتي

صباح الخير وكل سنه وانت بخير اخوي

فعلا اسأله كثير لكن ما ابغى انثر مواضيع هنا وهناك فا حبيت اختصر المساحه و الزحمه .. و هذي الاسأله تدل على قلة معلوماتي في هالعالم الرائع

و لذلك اطمع كثيرا بمساعدتكم .. بالنسبه للبلوميريا راح اتبع نصيحتك في تثبيتها باعمده اكثر لان العمود الواحد غير كافي .. و راح اقطع الغصن الجانبي .. و اسوي زي نصيحتك .. شكرا لك

اتمنى القى اجابات شافيه على باقي اسألتي مع جزيل الشكر