الموضوع: سؤال عن نوع الورده دي وازاي اعتني بيها :(

بسم الله الرحمن الرحيم
السلام عليكم
اولا احب اشكركم جميعا على المنتدى المفيد جدا جدا جدا ده
جزاكم الله كل خير
ندخل في لاموضوع
انا بقالي حوالي سنه اشتريت كام نوع ورده مش مجالهم هنا وعايشين الحمد لله تمام
لكن من حوالي اسبوع واحد قريبتي جالها بوكيه ورد طبيعي وحطت الورد اللي فيه في ميه وسكر وفضل عايش الى حد ما دبلان شويه بس عايش
المهم اخدته منها وحطيته في اصص
احنا عندنا جنينه او بقايا جنينه تبع البيت وتربتها هيا اللي حطيت في الورد اللي جبته قبل كده
المهم ان الورد البلدي الله يرحمه هوا وكام حاجه كده كانوا في البوكيه
ماعدا وردتين
حوريكم صورهم وقولولي هما نوعهم ايه وايه الغلط وازاي احله
مع العلم انهم في البلكونه والبلكونه بيدخلها شمس طول النهار ولو نفع طول الليل كمان كانت دخلت
اما نوع التربه والكلام ده فأنا لا افقه فيه اي شيئ
لكن حمايا زارع من سنين شجره مانجو وجوافه وعنب في الجنينه دي وطرحهم ضعيف جدا لانه مش مهتم نهااااااااائيا بيها وده ان شاء الله موضوع تاني حسأكلم فيه بس المهم قبل الوردتين مايموتوا لانهم عاجبني قوي
سوري على الرغي الكتير
دي الصور







دي كان فيها دوده مكلبظه كده واكله كام ورده فقصيت الورد البايظ ورميته



او عايزين صور اوضح مفيش مانع

معلومه اخيره مهمه
انا عايشه في مدينه صغيره والامكانيات فيها مش كتير والامكانيات الماديه كمان عندي مش قد كده انا بس عايزه اعرف لو اشيلهم وازرعهم تانى او احطهم في حاجه كبيره شويه انا عارفه ان التانيه محشوره

مواضيع مشابهة:

• من منكم لديه الورده السوداء
• عندي شتلة طماطم ازاي اعتني بيها .... (تسميد والري)
• ما أسم هذه الورده؟؟؟؟وكيفية العناية بهاااا
• نباتات بلكونتى ومشاكلها انصحونى اعتنى بيها ازاى
• ما اسم هذه الورده

السلام عليكم و رحمة الله و بركاته
اولا لو سمحت فانا لم افهم جيدا, هل هذه نباتات لها جذور ام هي ازهار مقطوفة فقط؟
هذه النبتة اسمها Chrysanthemum و اعتقد تسمونها في مصر (اراولا)
عادة ينمو النبات في الجو البارد المعتدل و يكره الحرارة العالية, ربما تهب على نباتك ريح حارة في فترة الظهيرة او العصر, و من الطبيعي في مثل هذا الوقت من السنة ان يضعف النبات, كما لا يجب ان تبقى عليه ازهار الان- اقصد في الصيف- بل تزال ل تتكون ازهار جديدة, و يحدث ذلك عادة في نهاية الصيف في شهر 8 او في شهر 9 و تبدا بالتفتح في شهر 10 او شهر 11 و تبقى الى ان يتلفها برد الشتاء (هذا الكلام لو كانت لديك نباتات لها جذور)
اما لو انها ازهار فقط فهي اما مستوردة من خارج البلاد او تنمو في بيوت زراعية مبردة و هي تصلح لتوضع مدة من الزمن في اواني الزهور ثم ترمى بعد ذلك, لكن احيانا يمكن الاستفادة من السيقان- كما في حالة الاراولا لديك- و زراعتها لعلها تعطي نباتات جديدة, و هنا ايضا يتوجب عليك ازالة الازهار القديمة و تقطيع الساق الى قطع اقصر تحتوي كل واحدة منها على 3 عقد على الاقل (العقد كما في عقد اصابع اليد) و ازرعيها داخل البيت -افضل في المطبخ حيث الرطوبة تكون عالية- و اسقيها جيدا لعلها تنجح.
بالتوفيق

بسم الله الرحمن الرحيم
وعليكم السلام ورحمه الله وبركاته زنبق الوادي
احب اولا اشكرك على ردك واهتمامك
على العموم هيا مقطوفه جايه في بوكيه ورد
ومالهاش جذور
على العموم انا حعمل بنصيحتك وان شاء الله تنفع لان فعلا الجو حار جدا في البلكونه
وان شاء الله اقولك النتيجه