الموضوع: برامج زراعيه هامه Agriculture Software programing VP (الموضوع متجدد)

السلام عليكم
النهاردة انا جايبلكم برنامج للتسميد يعني بالعربي بدلا ماهتتعب نفسك في اختيار السماد المناسب للتربه لا انتا كل اللي عليك هتوضع وليكن انت قمت بتقدير النتروجين او الفوسفور او بوتاسيوم او عناصر صغري او اي شيء في المزرعه الخاصه بك
وحسبت الكميه اللي هتلزمك في المزرعه بتاعتك
بتوضع النسب اللي انتا عايزها في البرنامج وهو بيجيبلك السماد المناسب ليك بكل سهوله
هو بصراحه البرنامج عايز واحد متخصص في الخصوبه والتسميد
http://www.2shared.com/file/1860594/3ee8fee5/Fert_Generic.html?

مواضيع مشابهة:

• [عرض]  قبل شراء أرض زراعيه، راجع هذا الموضوع
• [عرض]  صوب زراعيه (ثيرام شاش) و هابات سمكيه و وبلاستيك معالج و وملش انفاق و بلاستيك معالجارجو تثبيت الموضوع
• مشاكل ومفاهيم علميه(الموضوع متجدد)
• مكتبه قسم علوم الاراضي بزراعه نت (الموضوع متجدد)
• المراجع الهامه لطالب الماجستير والدكتوراة بالعلوم الزراعيه (الموضوع متجدد)

ممتاااااااااااااااااااااااااااااااا ز
برنامج ممتاز يا اخي mloshm وبه امكانات كبيرة جدا وهو بالفعل يحتاج الي خبرة بالتسميد وبانواع الاسمدة وتركيزاتها وامكانية اضافتها مع بعضها
وسوف اقوم بتثبيت الموضوع لانه مميز ويستحق التثبيت.

ممكن ان ترشدني لكيفيه تثبيت البرنامج لعدم نجاحي بتثبيته

ليه سارة ايه المشكله؟ اولا سارة مبدئيا لازم يكون عندك خبرة كيفيه اعمل برنامج سمادي لاي محصول
افكرك كنا بنعمل ايه بنختار السماد علي اي اساس ؟علي اساس النسبه اللي انا محتاجها للمحصول
ولكن هذا البرنامج يسهل عليكي كل شيء كل ماتفعليه انك تقوم بالتحليلات الخاصه بالخصوبه
مثل تقدير النتروجين بواسطه كلداهل
تقدير k بواسطه flamephotometer
تقدير p باستخدام SPECTROPHOTOMETER
وهكذا العناصر الصغري علي جهاز
SPECTROPHOTOMETER
كل هذا ستفعيله بصرف النظر عن الطرق الاخري لكني اعطي لك مثال
نفترض ياسارة وجدت النتروجين عندك اقل من 40PPM
لو سالتيني انتا جبت الحدود دي منين ؟
ارجع واقولك لكل عنصر له نسبه معينه ستححد لي متي ازيد تركيزة في التربه او امنع التسميد فليكن
حدود النتروجين40TO 80 PPM
اذن الحد الادني LOWER LIMIT هو ايه؟ 40والحد الاعلي هو 80
يعني ببساطه اقل من 40 يتم التسميد واعلي من 80 يتوقف التسميد واذا ما كان في الوسط MODERATEاذن مستواة جيد لامانع
فكل ماعليكي هو ان تطرحي تركيز الذي وجدتيه في العينه من التركيز المسموح به والذي يصل الي MAXIMUM CROP YIELD
وبعد ذلك الفرق بينهم يوضع في الجدول الذي سيظهرلك ويوضع به التركيزات
هنفترض انك اساسا في محصول في التربه وكان هذا المحصول اعطيته نتروجين ودخلت علي الموسم التالي لزراعه محصول اخر ؟يجب وحتي لاتهدر المال وحتي لايؤدي لحدوث سميه في التربه بالنسبه للنبات ومنها الي الانسان لابد من حساب تركيز النتروجين الموجود فعلا والمتبقي من المحصول الاول ثم اطرحه من كميه النتروجين الذي احتاجها للمحصول الاخر والفرق بينهم هو الكميه التي ساحتاجها للمحصول الاخر
كل هذا معلومات عامه ولكنها في غايه الاهميه
عند توافر هذا المعلومات لديكي
ووضع التركيز الذ تحتاجيه من النتروجين او البوتاسيوم الفوسفور كما تشائين
سيعطي لكي مصدر السماد الذي ستحتاجيه بالفعل هو
AMMONIUM SULFATE
UREA
وهكذا من ذلك القبيل
فهو يحدد بالفعل ماهو السماد الذي من المفروض ان اضعه في التربه
هو حقيقي ليه مميزات جميله تانيه ولكن مش ممكن نستخدمها بسبب ان البرنامج دة للدول المتقدمه الاوربيه
مفروض انه بيجيبلك تمن كل سماد علي حدة لذلك لاتهتم بالاتمان واهتم بنوعيه السماد الذي من المفروض ان يوضع في التربه ومتناسب مع التربه
وشكرا لكي ولكم مني جزيل الشكر
عاشق النتروجين

بردة اتناول الشرح معكم علي اهم النقط
اولا اول مابتشغل البرنامج بتلاقي افوق خالص
file View Help
كفايه ياجماعه Helpلو حدها كل شيء

المهم لو دخلت help هتلاقي كل شيء بيفهمك كيفيه التعامل معه بكل سهوله
كلمهviewتعني عرض اختي سارة
ما ذا يقصد بالعرض
اما ان يكون عرض مصادر الاسمدة جميعا
واما ان يكون عرض النتائج طالما انتي وضعت الكميه التي تحتاجيها من N,p,k,micro Nutrient
سهله وبسيطه
اما عن Open
مالمقصود بهاopen Db يعني انا محتاج اني اقوم بتخزين هذة النتائج
اما الامر Exite
فيقوم بالخروج من البرنامج
ننزل تحت شويه نجد كلمه Unites
انا منذ فترة قلت لكي ان العمله بتاعتنا للاسف مش موجودة لكن موجود عملات بالدولار ممكن تتعاملي بالدولار وتحوليه لمصري
ولكن افضل انك ماتتعمليش بالوحدات دي
بعد كدة
area Unite
يعني عزيزتي هل انتي عايز بالهكتار ولا بالايكر
طبعا هنتعامل بالايكر 4000متر مربع عظيم
علي نفس المجموعه
recomendation Unit Ib/acer
وبردة عشان محدش يسال ممكن اتعامل بالهكتار وهو يمثل 10,000متر مربع ومالوا ماتفررق
ننزل تحت
بيقول المحصول اكتب نوعه
total Areaاي المساحه الكليه عادي خالص
ننزل تحت شويه اكتب تركيز العنصر الللي انتا عايزة
سيظهر لك العنصر الفال مباشرةequivalent In Element
وهكذا K2o,p2o5
other
اي عناصر اخري عايز تضيفها مافي مشكله
ثم Calculate
يحسبها ثم Fertilizer Sources
مصادر الاسمدة سيعطي لك او ل ماتضغط قايمه كبيرة بها كل انواع الاسمدة
ستجد بها الاتي
type يعني نوع السماد سائل صلب غازي كما يكون
وجايب ليك كمان بجد برنامج قلق نسبه كل عنصر كبريت حديد زنك نسبته قد ايه من السماد وبس علي كدة
اتمني اكون قد وصلت ولو القليل عن البرنامج
وعلي فكرة انا متاكد مائه في المائه اي احد متخصص في الاراضي هو يعلم ذلك جيدا ومن السهل التعامل معه جدا وسيحس بلذة انا متاكد
لانه يعلم جيد ان هذة الحسابات لوتم حسابها كتابه صدقني ستاخذ الكثير والوقت هذا سهل وبسيط ومنتهي الجمال ويسرع في كل شيء ستعرف نوع السماد وتشتريه مباشرة بدون اي مشاكل
وشكرا لكم جميعا
وشكرا اوي لاطاله الموضوع

اتمني ان اكون وصلت الي ما تحتاجوة بالفعل لا اكون مقصر او خاطيء وانا بمشيئه الرحمن ناوي ان اكتب لكم كيفيه التقديرات الخاصه بالخصوبه وعملها وطرق الاضافه والتحويلات الخاصه بس بعد فترة بسبب اني مشغول في المذاكرة
ربنا يوفقكم ويوفقني واتمني انكم تعلقوا علي موضوعي ولا داعي الي ان احد يزعل مني لاني لااعلق صدقوني انا لسه عايز اعد كتير علي كل الموضوعات واطرح معكم الطرق الجديدة والحديثه حتي نتمكن من الحصول علي اعلي كفاءة انتاجيه
وشكرا اخواني في الله
اخوكم احمد السيد

عاااااااااااشق النتروجين

التعليقات ياجماعه الموضوع مهم جدااا الله يرضي عليكم

أشكرك على هذا البرنامج
وأنا قمت اليوم بتنزيله وإجراء بعض الحسابات عليه
ألم تلاحظ أنه يمكن أن يعمل Over Estimation ? نوعا ما
ويتشابه مع برنامج Harvard قليلا
أنا يعيد جدا بما قدمت لنا ويسعدني أنك لم تتخرج بعد يعني موهبة على الطريق
أنا خريج أراضي جامعة القاهرة
ويسعدني لقاءك في هذا المنتدى
م.نزار الوحيدي

والله م/نذار انا بصراحه بقول علي اللي اني اعرفه ان حقيقي مشفتش زيه لاني مكنتش اتوقع بحكم اني لسه في الدراسه وكدة وبدرس في مقرر الخصوبه والاسمدة انه يكون موجود برنامج بهذة البراعه والبرنامج بقاله فترة كبيرة عندي ولكن انا مكنتش اعرف ان في منتديات وازاي ارفع فيها فاتعلمت عشان ارفعه عندي احساس بانه هيكون مهم جدا وسبحان الله انا زهلت
لقيت المشرف ثبته من غير اي تعليقات اول ماعرف وفرحت فشجعني علي شرحه واني اقول كيفيه تشتغيله وكدة زي ما حضرتك شايف....النقطه التانيه انا ماعرف حقيقي برامج تانيه غيرة
واللي هتستعجب منه ان البرنامج دة كان رساله ماجيستير او دكتوراة مش متذكر والله اعلم لطالب بجامعه نبراسكا
وشفته وعجبني قلت دة حكايه
واما عن انه ممكن يشغل اوفر استميت
وليه لا؟ دكتور نذار انتا عارف طبعا ممكن تسيف النتائج عندك وبعدين تحطها علي الاكسيل وتعمل المنحني كامل ومعلش لو اكون مخطيء في كلام لاني لست علي خبرة بالبرمجه وهكذا الا محدود جدااااا
اتمني من كل قلبي وبكل الحب ان تكون راضي عنا في هذا البرنامج
اشكرك اخي مهندس نزار

شكراكثيرا علي الرد ولقد استفدت كثيرا واعذرني لضعف خبرتي بالنسبه للحاسب ويسعدني ان اجد زميل بنفس التخصص وله هذا الاهتمام الكبير به

(الله الله ربي لا اشرك بهى احدا)

اوك مهندسه/ سارة
انتي اتاخرتي كتير اوي في الرد كان يهمني ردك دة يمكن انا عملت الشرح وكل دة والله عندي احساس انك محتجاة وكدة انا بشكرك جدا وانشاء الله يعجبك وهو سهل خالص صدقيني اتبعي الخطوات هتلاقي العمليه سهله باذن الله

اولاً هو برنامج جيد و ممتاز ، ثانيا ً سعيد جداً لوجود طلاب يحبون قسم الأراضى و ذلك كونه من الأقسام العلمية الصعبة تمنياتى لكم بالتوفيق و لو إحتجم أى شىء فى مجال الأراضى أكون سعيد لو ساعدتكم فى ذلك

شكرا اوي دكتور احمد وبشكرك علي رئيك وعايز اقولك مفيش حاجه صعبه سيبها لله
القسم دة من اجمل الاقسام ومستقبله كويس بس مشكلته انه عشان الواحد يبقي متفوق فيه لابد انه يكون متصل بالعالم في كل شيء جديد

أولا: أسفى على تأخر الرد
ثانيا: اشكرك جدا على البرنامج الجميل الخاص بالخصوبة
ثالثا: لى طلب واحد فقط، أريد جدول للحدود الدنيا والقصوى لتركيز العناصر الكبرى والصغرى فى الأراضى الزراعية.
ولك منى جزيل الشكر

أشكرك جدا أخى الدكتور/ أحمد حرب
فى هذا المقام لا يسعنى سوى ان اتقدم بالشكر بخالص شكرى وتقديرى لاهتمامكم وسرعة الرد. لما قدمتموه من معلومات قيمة جدا فى محتوى حدود تركيز العناصر الكبرى والصغرى بالاراضى.
لكن أغذرنى ان اثقلت عليكم فالعلم ملئ بالطمع، وانا أحد الطماعين بالعلم والمعلومات.
فإذا كان لديكم مصدر تقسيم العناصر فاكون مشكور جدا، فلعلك تعى جدا انه ولابد من كتابة مصدر اى معلومة تكتب أو يتم الاستعانه بها فى أى بحث علمى.
ومرة أخرى اقدم لك جزيل شكرى واحترامى