الموضوع: تغيير التربة والحكم على السماد

انا بس عاوز اسالكم كام سؤال كده
انا كنت اهملت النباتات اللى عندى كتير و التربة بقت سيئة وانا عاوز اغيرها واعمل خلطة جديدة كويسه
بس عاوز اعرف البيتموس بس كفاية ولا لاء
وسعر البيتموس كام والسماد كام
واخيرا فين اققرب مكان ليا اشترى منو التربة وبعض الشتلات
ويكون مكان له سمعة واسعارو كويسه
معلش انا طولت عليكم بس استحملونى اخوكم لسه بيتعلم

مواضيع مشابهة:

• كبرت طماطاتي واليكم الصور
• تغيير وتبديل التربة في الحديقة
• هل هناك أضرار على النبته عن تغيير التربة بالماء ؟

السلام عليكم
اولا انا مش خبيرة بس هقولك على المكان الى بشترى منه فى باب الخلق الشارع الى جنب ميريه امن القاهرة ادخ لنصف الشارع هتلاقى محلات كتير و منهم واحد اسمه حراز لمستلزمات الزراعه دة انا بشترى منه البتموس و اى اسمدة و بذور ......و اعتقد ان نباتاتك محتاجه لاسمدة اكتر من تغيير التربه الزملاء هنا قالولى على سماد اسمه npk و قالولى انه مفيد لكل النباتات و فعلا انا اشتريته من هناك و هو رخيص جدا اما استفساراتك التانيه يقولك عليها الخبراء

الاخ العزيز
تحية طيبة
التربة المناسبة عامة هى المكونة من 1:1:1 من الطمى والرمل والبتموس ...هذا بصورة عامة
ولكن بعض النباتات تفضل تغير هذا المعدل ..وقد تكتفى بالبيتموس فقط...ذلك حسب نوع النبات واحتياجاتة
..اما عن باقى الاسئلة عموما البيتموس يباع فى عبوات من صغيرة الى كبيرة الحجم من 4لتر الى المئات
اسعار الاسمدة لايمكن تحديها ولكن اعلم التالى فهو سيساعدك
عامة نضيف ثلاثة عناصر اساسية هى على الترتيب نتروجين فوسفات بوتاسيوم اى n p k
ويكتب على العبوة ارقام تدل على نسبة كلا منهم بالترتيب فمثلا قد تجدها
5:5:5 ببساطة الكمية متساوية من العناصر الثلاثة وهذة مثلا سعرها( س )
وقد تجدها 10:10:10 اى النسبة متساوية من العناصر ولكن لاحظ ان الكمية اكثر تركيزا من النوع الاول
فواحد كيلو من الثانى يعادل 2كيلو من الاول وعلى ذلك سيرتفع سعر الثانى عن الاول
وبالطبع قد تتغير النسبة مثلا 10:8:16...وذلك لان النباتات تحتاج الى كميات مختلفة من العناصر الثلاثة
خلال مراحل عمرها المختلفة
ثانيا تحتاج النباتات الى عناصر اخرى غير المذكورة ولكن بصور اقل كثيرا ..قد تضاف الى العناصر الثلاثة السابقة
مثل البوتاسيوم ...الحديد... المنجنيز ..بالطبع سيرتفع السعر ..وهكذا
تحياتى
lasthero

انا بجد متشكر جدا ليكوا وعلى تعبكو ده معايا
انا بس كنت عاوز اعرف اسعار البيتموس
لان عندنا فبورسعيد بيتباع غالى جدا
فلو اققدر اقارن الاسعار ممكن اسافر مخصوص القاهرة اجيب لو هو سعرو ارخص
وشكرا تانى بجد على تعاونكم معايا

المشاركة الأصلية كتبت بواسطة mohamed yahya

انا بس عاوز اسالكم كام سؤال كده
انا كنت اهملت النباتات اللى عندى كتير و التربة بقت سيئة وانا عاوز اغيرها واعمل خلطة جديدة كويسه
بس عاوز اعرف البيتموس بس كفاية ولا لاء
وسعر البيتموس كام والسماد كام
واخيرا فين اققرب مكان ليا اشترى منو التربة وبعض الشتلات
ويكون مكان له سمعة واسعارو كويسه
معلش انا طولت عليكم بس استحملونى اخوكم لسه بيتعلم