استفسار خاص بخلط التربه و التسميد" هاوي "
السلام عليكم و رحمه الله و بركاته
اول مشاركه ليا .. بصراحه منتداكم عاجبني .. و لاحظت انكم اسره و بتنقلو العلم و ما بتبخلوش ..
انا بصراحه هاوي زراعه .. سواء زينه او محاصيل ..
بدا الموضوع يكبر في دماغي حبتين ... ف حبيت اطور نفسي ..
دورت كتير و قعدت اتابع كام معلومه عن الزراعه و التربه ... الخ
استغليت موضوع معرض الزهور و رحت اشتريت شويه مستلزمات
و لاحظت ان الناس بتسال علي الاسعار فا انا هقولكو الى جبتو
1-بتموس(الكيس 2 كيلو ب 3 جنيه )
2- كمبوست (الكيس 2 كيلو ب 5 جنيه ) كمبوست النيل
3-سماد متوازن ( واحد قالي حلو قلت اشتريه كيس كده بتاع 100 جرام تقريبا ب 5 جنيه )
المهم
انا محتار اخلط التربه ازاي ..
اخلط بتموس مع كمبوست و رمل
ولا بتموس و رمل بس
انا هزرع بذور ..
و استخدم ازاي الكمبوست في تسميد زرع في عمر سنه تقريبا مزروعه في قصاري تربه طينيه من المشتل
( فل - مسك الليل - عتر - نعناع - ريحان )
------------------------------------------------------------------------------------------------------------------
تعديل
---------
للاسف الموضوع بقالو كتير .. مشاهدات و محدش رد ..
انا دورت و بحثت كتير
و خلطه تربتي
(بيتموس + كومبوست + بيرلايت +فيرموكيوليت )
النسب
1/2:1/2:1:1 بيتموس : كمبوست :بيرلايت : فيرموكيولايت
حسب المعيار
انا حطيت 2 كيلو بيتموس .. 2 كيلو كمبوست .. كيلو بيرليت .. كيلو فيرموكيولايت
خصائص البيئه
البيتموس يعتبر التربه الى بتحتفظ بالمياه
كمبوست يعتبر السماد العضوي و التغذيه للنبات
البيرلايت للتهوئه و عد الاحتفاظ بالمياه
الفيرموكيولايت ده فيه زنك و مغنسيوم ..+ انو بيساعت التربه انها تحافظ علي رطوبتها لانو بيحتفظ بالمياه
كده بيئه متكامله .. تغذيه و تهويه و رطوبه ...
ديه حاجه
تاني حاجه انا بجهز حضانه ..
تتميز بانها ( رطبه - دافئه - اضاءه صناعي )
عباره عن كرتونه .. بحط فيها قوالب للبذور .. قوالب صغيره .. و فيها لمبتين من الموفرين .. دول بيوفرو حراره خفيفه جدا تحافظ دفئ المساحه
بالنسبه للتسميد
الكمبوست تنقعو في مياه مع معلقه عسل اسود
نسبه 1 : 6
كوب من الكمبوست : 6 كوب مياه و عليهم معلقه عسل .. لمده 4 ايام مع التقليب المستمر ..
و بعدها لو عاوز تخفها و تسقي بيها النبات كل فتره ممكن ..
كل المعلومات ديه اجتهاد و بحث من النت و يوتيوب و متابعه غير العرب في تجاربهم
انا حبيت اشارك عشان افيد ..
مواضيع مشابهة:
- الغذاء والصحة ("اللوز" و"المشمش" أطعمة للوقاية من التوتر)
- "الطريق إلى الذهب الأبيض" و "جنائن بابل معلقة ولكن ... في نينوى !" من قسم الأخبار
- زراعة نبات "بهجة الصباح" "Morning Glory" عن طريق البذور
- الجمعيه الوطنيه للتغيير""""وقعت علي بيان التغيير و للا لسه
- [عرض] أرض زراعية على طريق الفيوم " مزرعة" فرصة " المملكة الخضراء"
اقتباس
المشاركة الأصلية كتبت بواسطة بسمة حسن
