هو انت في مصر يا هندسة ... ربنا يديم على مصر الخير ويحرسها من كل شر.. بالرغم من أنى خرجت من مصر أيام الفاشية و و صلت لدرجة قطعت بطاقتي الشخصية وأنا علي باب الطيارة إلأ أنى اكتشفت أنى البلد دي الواحد بيحبها بشكل غريب جايز يكون في الجينات وزي مقال عمنا صلاح جاهين
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب